KIDUNG RSI YADNYA

KIDUNG RSI YADNYA

RIKALA MADWIJATI
RARA WANGI

1.   Nihan polahing sang tatas wiku,
Nawang bhumi langit
Dija ento warangané
Punika tegakan wiku
Wulan surya lawan wintang
Sampun kawasne ring langit
Endi pamating ipun
Mwang riuriping banyu asri.

RIKALA MADWIJATI

DEMUNG RANGKESARI

1.    Kunang sangerapi moksa jagatditha

Tan hentya ring Kabrahmacarya

Nimitaning rahayu

Pradnya sira prakerthi

Kadyangganing angsa

Wruh umilihi sangu

Asing suklani tineda

Amoga ya wredhéng hurip

Tanalyanika dharmasastra

Langgeng hurip ya swara nyuluh

2.    Carmini sarira ragati mahardhika

Widya tan awidya

Sadiana ngruci tutur

Tanggap ring pradnya prekawi

Suguna ri kawekasan

Ring kawongani jugul

Prayascita pataka

Sidha klésaning runtik

Nirdosa nir wighna

Mukténg urip rahayu dirgahayuh

3.    Ndah yéki ujaranang aji

Sarjawa dosa mangguh

Dama raga sulaksana

Dharma satya dana herih

Mwang tapa dharatih iku

Ksama tan titiksana

Mwang yadnya anasuya

Mangka wistaraning aji

Iniwaningati wus

Rwa welas kwéh ipun

4.    Sang wruhing upaya sandhi catur jnana

Dirotsaha tan papihutang

Suka né ring yadnya ayu

Tan kawaséng manah brangti

Yadin cinédaning wang

Déning gineng dharma tuhu

Juga tan bangga bogan

Yadin sira pinuji

Santosa pratidina

Suksmang aji né karungu

RIKALA RSI BOJANA

WIRAMA ASWALALITA

1.    Sira sang awéh sudana risirang dana dipa pasungnya nisphala tika

Ikang awuwus wareg sungana bojana tisaya nisphalanya marika

Kadi hudaning samudra papadanya nisphala hilang banyunya mapahit

Ikang upakra katrini taman prayoga pada nisphala ywa tulada

2.    Tan hana sudharma manglewihani kasatyan usiran tekap para jana

Tan hana kawah manglewihani rikangmrta tilarakenekang alinyok

Hyanganala suryacandrayama bayu satya sira saksyaning tri bhuwana

Maran inamaskara hyang isanekanang bhuwana matya satya wacana

RIKALA RSI BOJANA

PUPUH BHRAMARA

1.    Wiwékan sang mawéh dana

Tan sangkaning prih pamuji

Miwah tan sangkaning bangga

Mangda jati nulus kalis

Saking manah lascarya

Duaning gunan arta iku

Padanayang lan puponin

2.    Pawéwéhé né utama

Tan saking akéh akidik

Yadin abedik pedana

Sida pacang mawoh utami

Yan mangene kesaratang

dyastun akéh tan paunduk

Sinah tan paguna wyakti

3.    Réh tan ada kanerakan

Né langkungan ring puniki

Sang rawuh banget nyaratang

Kalud manuju idemit

Né sida nasti kaucap

Pada papa nraka ipun

Sareng sang mangrawos dehi

Share: