SARASAMUÇCAYA
Om Awihnamastu,
Bhagawan Wararuci
mupulaken sara Sang Hyang Asta Dasa Parwa gawé Bhagawan Byasa, matangnyan
panamaskara sira I Bhagawan Byasa, lingnira ;
Bhagawan Wararuci mipil unteng-unteng Sang Hyang Asta Dasa Parwa
(plekutus parwané) pakardin Ida Bhagawan Byasa, mawinan Ida (Bhagawan Wararuci)
mangubakti majeng ring Ida Bhagawan Byasa, daging bawos Idané ;
1. Hana
sira maharsi, tan hana kapinggingnira kinatwanganing tri loka, rumentasaken
petengning ajnananing sarwa bhawa, anak sang Satyawati, patemuan lawan Bhagawan
Parasara, prasuta ri tengahnikang kresna dwipa, Bhagawan Byasa ngaranira, sira
ta sembahen kamnaning hulun mujarakna saraning gawénira.
Wénten Ida Sang Resi mahotama,
tan wénten katambetan Idané, kabaktinin antuk jagat tigané, duaning prasida ngruwat
kapetengan manah sarwa mahuripé, kaputra antuk Ida Dewi Satyawati
(Sayojanagandhi), rikala parabiané sareng Bhagawan Parasara, embas Ida ring tengah
giliné sané selem, Bhagawan Byasa peséngan Idané, Ida sané baktinin titiang,
sadurung titiang midartayang mustikan tatwa pakardin Idané.
2. Nihan kotamanira,
kadyagganing tasik lawan gunung himawan, an kalyan mas manik sarwa mulya,
mangkana ta sakwéh niking aji Bharatakatha ginawénira, an tasakaning utama rasa
makādi rahasya jnana.
Asapuniki kautaman Idané, sekadi kawéntenan
segara sareng gunung Himawan, sané kébekan antuk mas sasocan lan sekancan muléné,
sapunika minakadi katah pangaweruhé ring Mahabharatané sané kardinin Ida, indik
kaparipurnan kautaman dagingnyané, pamekas kawuruhané sané pingit.
3. Kuneng kotaman Sang Hyang
Bharatakata, ri dényan sira nitya pinakopajiwana sang kawiwara, kadyanggan sang
prabu sujanman, pinakopajiwaning wadwāngusir wibawa.
Semaliha kautaman Sang Hyang Asta Dasa Parwa, riantuk Ida
setata ka anggén pangupadita olih Sang Kawiswara, sekadi Ida Sang Prabu sané
lewihing panrestian, sané ka anggen pangupadita olih panjaké sané nyaratang
arta brana.
4.
Apa ya apan iking aji bharatakata, sangkaning budhi sang kawi,
kadyangganing tri lokān mijil sangké panca maha bhuta
Napi mawinan, dwaning Sang Hyang Mahabharata puniki, pinaka wiwitan
pakayun Sang Kawiswara, sakadi kawéntenan jagat tigané, sané mawiwit sakéng
Panca Maha Bhuta.
5.
Tan hana aji ring
bhwana, tan pakasraya iking Byasa wacana, kadyangganing sarira tan hana, yatan
pakasrayang ahara
Nénten wénten pangweruh ring jagaté, sané nénten makilitan
ring pawarah Ida Bhagawan Byasa puniki, sakadi angga sarirané nénten wénten, yaning
nénten makanti ring ajeng-ajengané.
6. Lawan wanéh kotamanira,
yan hana sira telas rumengwa rasaniking sang hyang aji, pisaningu juga sira
ahyuna rumengwa katantara, tka ring gita wenu winadi, kadyangganing wang
rumenga susabdaning kuwong, huwus rumesep ri ati langening swaranya, amangun
arsaning citta, tan hana gantanika ahyuna rumenga resning swaraning gagak.
Mangkana ling Bhagawan Wararucin panamaskara ring Bhagawan Byasa, neher umujaraken
kottaman iking Bharata katha iking inaranan Sarasamuçcara, Sāra ngaraning
wisésa, samuçcaya papupulnya, nahan matangnyan sarasamuçcaya ngaranikang Sang
Hyang Aji, damel Bhagawan Wararuci, nihan piteket Bhagawan Wéisampayana i
Maharaja Janaméjaya, i kalanira cumaritāken ikang Bharata katha, ya tiki
witaning Sarasamuçcaya.
Malih liyanan
kautaman Ida Sang Hyang Astadasa Parwané, yaning wénten Ida sang sané sampun
mirengang daging Sang Hyang pustaka puniki, doh para pacang meled mirengang
satwa siwosan, rawuhing gaguritan, rebab, suling lan sané liyanan, umpamiang
sakadi Ida sang sané sampun mirengang kabecikan swaran i paksi tuwu tuwu,
sampun nyusup ring pakayunan kaulangunan swarannyané, prasida ngawetuang
ulangun ring kayun, nenten wénten malih pacang nyaratang mirengang swaran ipun
i kedis gowak sané ngaresresin manah.
Sapunika bawos Ida Bhagawan Wararuci nyumbungang linggih Ida
Bhagawan Byasa, raris midartayang kalewihan Sang Hyang Astadasa Parwané, puniki
kawastanin Saracamuçcaya ; Sara teges ipun mahutama, samuçcaya papupulannyané,
mawinan Saracamuçcaya wastan pustakané puniki, pakaryan Ida Bhagawan Wararuci.
Sapuniki pawungun Ida Bagawan Waisampayana ring Ida Sang Prabu Janaméjaya
rikanjekan Ida midartayang Astadasa parwa puniki, maka pangawit Saracamuçcaya.
PANUMADIAN SAHA TATUJON
MAURIP
7. Anakku kamung
Janaméjaya, salwirning wara warah, yawat maka padartang catur wargga,
sāwataranya, sakopanyasanya, hana juga ya ngké, sangksépanya, ikang hana ngké
ya ika hana ing lén sangkérika, ikang tan hana ngké, tan hana ika ring lén
sangké riki.
Déwa, Sang Prabu
Janaméjaya, sekancan pitutur, rawuhing sané muat pidarta catur warga, sengkeran
ipun, larapan pawangunannyané, wénten sami iriki, cutet ipun, sané wénten
iriki, punika wénten ring sané lianan, sané tan wénten iriki, tan wénten ring
sané lianan.
8. Ri sakwéhning sarwwa
bhuta, iking janma wwang juga wnang gumawayaken ikang subhāsubha karma, kuneng
panentasakna ring subha karma juga ikang asubha karmma, phalaning dadi wwang.
Ring sakatah sarwa
mauripé, wantah panumadian dados manusa puniki mresidayang ngardinin
parilaksana becik wiadin kawon, semaliha pakardi sané becik presida ngruwatang
pakardi sané kawon, punika pikolih panumadiané dados manusa.
9. Matangnyan haywa juga
wwang manastapān tanparibhawa, si dadi wwang ta pwa kagöngakna ryambek, apa
yāpan; parama dhurlaba iking si janma mānusa ngaranya, yadyapi candala yoni
twi.
Mawinan sampunang maselselan, yaning
tan wibuh, dados manusané puniki patut suksmayang ring pikayun, napi mawinan ?
riantukan kelangkung méweh ngeruruh numadi dados manusa, yadiastun numadi dados
anak cacad.
10. Apan iking dadi wwang, utama juga ya,
nimitaning mangkana wenang ya tumulung awaknya sangkéng sangsara, makasadanang
subhakarma, kottamaning dadi wwang ika.
Dwaning dados manusa puniki luwih kawiaktiannyané,
mawinan sapunika dwaning mresidayang nulungin déwéknyané saking kasengsaran,
mapiranti pakardi becik, punika wantah kautaman sang numadi dados manusa.
11.
Hana pwa wwang tan gumawayaken ikang
subha karma, tambaning neraka loka kangken lara, pejah pwa ya, wwang alara
mara ring désa katunan tamba tang aranika, rupaning tan katemu ikang énak
kolahannya.
Yaning wénten
manusa tan mapakardi rahayu, punika satmaka ubad ka nerakané, sané waluya
penyakit, padem raris ipun, tan bina sekadi jatma sakit, rawuh raris ka desané
sané tan maduwé tamba, sinah tan presida muponin lega asing laksanayang ipun.
12.
Paramartanya, peng-pengen ta pwa
katemwaning sidadi wwang, durlaba wi ta ya, saksat handaning mara ring swargga
ika, sanimittaning tan tiba muwah ta pwa damelakna.
Kasinahannyané, suksemayang pisan panumadyané dados manusa,
sengka/meweh dasarnyane mikolihang, waluya undagan nyujur ka suarga punika, sané
ngawinang tan labuh malih, punika patut utsahayang.
13. Apan iking janma mangké, pagawayan
subhāsubha karmma juga ya, ikang ri pna kabuktian karmmaphala ika, kalingannya;
ikang subhāsubha karma mangké, ri pna ikān kabukti phalannya, ri pegatni
kabuktyannya, mangjanma ta ya muwah, tumuta wasananing karmaphala, wasana
ngaraning sangskara, turahning amba matra, ya tinutning paribhasa, swargacyuta,
narakacyuta, kunang ikang subhāsubha karma ri pna tan paphala ika, matangnian
mangké juga pengpenga subhāsubha karma.
Dwaning panumadiané mangkin, galah mapekardi laksana kawon
utawi becik, ring para loka pacang kapuponin woh pekardiné, kasinahannyané,
laksana kawon / beciké sané mangkin ring para loka kapuponin wohnyané, ring
sapuputé kapuponin, numadi ipun malih,
katutug antuk laad woh laksanané, wasana teges ipun sangaskara, sisan
ambuné merawat, punika katutug antuk sasambatané, panumadian saking swarga,
panumadian saking neraka. Nanging laksana becik utawi kawon ring para loka, tan
mawoh punika, mawinan mangkin pisan wigunayang mapakardi becik kawon.
14.
Iking janma wwang, ksanikaswabawa ta
ya, tan pahi lawan kedapning kilat, durlabha towi, matangnyan pöngakna ya ri
kagawayaning dharma sadhana, sakarananing manasanang sengsara, swargaphala
kunang.
Puniki
panumadiane dados manusa, ajebos pisan swalaksananyané, tan bina ring kelépan
tatit, méweh pisan kakeniang, mawinan wigunayang ipun mapakardi medasar patut,
sekancan sané ngawinang basmi kasangsarané, utawi prasida mikolihang swarga.
15.
Hana pwa tumemung dadi wwang, wimuka
ring dharma sadana, jenek ring artha kama arah, lobha ambeknya, ya ika
kabancana ngarannya.
Wenten kocap sampun
mresidayang dados manusa, tungkas raris ring darma laksana, teleb ring arta
brana, kasenengan, punika kasengkalan kebawos.
16.
Ikang manggih si dadi wwang, prasida
wenang ring dharma sadana, tatan entas sangké sangsara, kabancana ta ngaranika.
Sang presida dados
manusa, puput mresidayang ngelaksanayang darma, nénten ruwat saking sangsara,
kasengkalan waluyannyané.
17.
Nihan matta kami mangké, menawa
manguwuh, mapitutur, ling mami, ikang artha, kama, malamakaken dharma juga
ngulaha, haywa plangpang lawan dharma, mangkana ling mami, ndatan juga angrenga
ri haturnyan éweh sang makolah dharma sadana, apa kunang hetunya.
Sapuniki
pisereng tityang mangkin, mangulapin, mangawukin, mapakeling, pawungun tityang
: Punika arta brana lan kasenengané, melantaran darma kémawon patut
ngutsahayang, sampunang lémpas ring kapatutan, asapunika pawungun titiyang, nénten
pisan mirengang, munggwing pasaut ipun, kéweh
anaké nganggén solah darma, napi manawi ngawinang ? Sapuniki
pisereng tityang mangkin, mangulapin, mangawukin, mapakeling, pawungun tityang
: Punika arta brana lan kasenengané, melantaran darma kémawon patut
ngutsahayang, sampunang lémpas ring kapatutan, asapunika pawungun titiyang, nénten
pisan mirengang, munggwing pasaut ipun, kéweh
anaké nganggén solah darma, napi manawi ngawinang ?
Bersambung ...................
