KAKAWIN AJI PALAYON

KAKAWIN AJI PALAYON

SRONCA  ( wilangan kécap miwah guru lagu tan manggéh )

1.     Saparaning wara nara,  ngawé kasukan hitaning para,

mānira nara para tucca, Juga amatih para lwir ika

Tatujon sang maraga uttama,  Wantah ngardi karahajengan i panjak,

Titiang wantah janma tuna,  Taler nginutin sang kadi maraga sapunika.

2.     Anghing dūran manira kawasana,  Kadi paraning paramārthéka,

Māniréki atur parañjangan,  Maha dhmit uni akwéh.

Sakéwanten doh para titiang prasida,  Sakadi pamargin Ida sang maraga pradnyan,

Titiang puniki sekadi i kedis kapecit,  Kaliwat cenik liunan munyi.

    

3.     Ri parhyangan unggwani sang warātma,  Apan uwus limpad rī kawiratin, 

Angawé tusthaning swagotra, Wāndhawa mitra kabéh māgirang.

Ring kahyangan genah sang atma luwih,  Dwaning sampun nepud ring kasunyatané,

Ngawinang kalédangan para sameton sami,  Rawuh ring kakantén sami pada égar.

                  

4.     Kāla duskretā pancéndriya,  Kasarpaning manah uwus linebur,

Dénikang dasāksarottama,  Mwang aji kalepasan.

                                

Rikanjekan ical punika i pancéndriya,  Racun pikayuné sampun kalebur,

Antuk punika aksara suciné adasa,  Miwah aji kalepasané.

             

5.     Tusta cittani sang warātma,  Kalāning metu sangkéng kurunganya, 

Saking dangu sira kinurungan,  Anyar mangké kawasā mesat.       

                      

Lédang punika pikayunan sang atma luwih,  Ritatkala medal saking guwung nyané,

Saking dumun sampun sang atma katekepin,  Wawu mangkin prasida malesat.

6.     Katon warong wulunyā ireng,  Sinongan Hyang hima ati suddha, 

Kagiat sang ātma ri ksanéka,  Dé warong ireng jwalita.

Kacingak barong buluné selem,   Karerebin antuk sayong kalintang putih,

Tangkejut sang atma ajebosan,  Antuk i barong selem sané ngalémlém.

             

7.     Aduhuna udhāni sira mwah,  Anggéka warong ngakarā katon, 

Mangse sang warātma wawang,  Amareki mahā kurunganya.        

Mawantun malih éling ida sang atma,  Paukudanya marupa barong ngendih kacingak,

Gelis sang atma luwih ngarepang, Manampekin guwung nyané.

             

8.     Sangasih amrih angariharih,  Ri asihnya ri sang kasiasih, 

Lingnya manda mredu alindi,  Kadhawuhaken ring mahā kurunganya.

                                     

Sang maraga sayang misaratang ngarumrum,  Sāntukan sayangnyané ring sané karumrum, Atur nyané alus tur dabdab alon,  Katibanang ring guwung nyané.    

             

9.     Ah uduh mahā rungkingku,  Sthanangku angaji ring nguni, 

Asramangku kita tāmoli,  Tān lalyāku ri karunānta.

                      

Inggih déwa guwungan titiangé,  Genah titiangé malajah dumun, 

Linggih titiangé nénten wénten tios,  Nénten lali titiang ring tresnan i dewané.

             

10.  Adyātah kreta samayanya,  Aku aninggali kita, 

Aywa kita soka mānasa,  Amoga rīhlem katemua mwah.

Nah sawiréh suba tutug urip titiangé, Titiang pacang ninggalin idéwa,

Sampunang idéwa banget sungsut,  Dumadak ja pungkuran katemu malih.

11.  Um om sang mahā rāga rāga,  Muliha kita ri pāwaka, 

Rī bāyu jala mwang pretiwī,  Ananguna yasa adhi kāra.

                      

Uduh guwungan titiangé idéwa,  Mantuk idéwa ring apiné,

Anginé yéhé miwah tanahé,  Nangun yasa sané pageh.

             

12.  Metu saking pretiwī kita,  Rī taru lata umawésha, 

Saking sinwām rwan phalamūla,  Anusupa kiténg garbha.

                                

Medal saking pretiwiné idéwa,  Ring bun-buné manusup,

Saking muncuk don, buah, miwah akahé ,  Manyusup idéwa ka garba

             

13.  Saking Udarā ta maring angga,  Anadyā mretan jīwanī, 

Asmara bhāganing angga,  Angdéya sampūrnaning bāyu.  

Saking garba manyusup kaanggané,  Manados amreta Sanjiwani,

Matunggilan ring angga sarirané,  Manadosang kabecikan bayuné.

             

14.  Kaléka amogana kita,  Katemua lawan aku mwah, 

Ah ah uduh sang mahā rungkingku,  Aku aninggali kita mangké.

                                         

Rikanjekan punika dumadak ja idéwa,  Katemu sareng titiang malih, 

Uduh uduh guwung titiangé sané Utama,  Titiang jagi ninggalin idéwa mangkin.

             

15.  Ri palangkā samī paning laywan,  Katinghal dé sang atmika, 

     Sredham sopacarā nirmala,  Uwus patata ardha somya.      

             

Di palangkané sané nampek ring layon,  Kacingak antuk sang atma, 

Sregep saupakara suci,  Sampun katragayang becik pisan.

16.  Bubūr pirata kusuma ura,  Kundha sega tepeng panjang ilang,

Sega wingkisan pangangkat-angkat,  Iwak itik surā pajegan.

                                

Bubuh pirata miwah sekar ura,  Pasepan nasi tepeng panjang ilang,

Nasi takil miwah pangangkat-angkat,  Ulam bebek miwah tuak pajegan.

17.  Tarpana agung sawadhah,  Tarpana alit catur limas, 

Sangkep kabéh segehanya,  Sopacaraning wang antarlīna.

Tarpana agung asiki,  Tarpana alit catur limas, 

Jangkep sami saha segehan nyané,  Sopakaraning anak séda

18.  Paresikan wé kumkuman,  Cumadhang kabéh ri parāngka, 

Wang akwéh gata - agata,  Makidhupuh mwang asila.

Paresikan miwah yéh kumkuman,  Sregep sami ring palangkané, 

Akéh anaké sané teka mulih,  Wénten matimpuh miwah masila.

19.  Wara wanéh wang akidung,  Amaca aji pālayon, 

Dūdū hana amrang samidha,  Akwéh mwah yan ginositan.

Wénten malih sané makidung,  Mamaca kakawin aji palayon, 

Sané tiosan ngarereh saang,  Akéh yéning maka sami bawosang.

20.  Sang ātma arep awarah - warah,   Ri atiti kulagotran sang atinggal, 

Yatika ngawé sira képwan,  Apān tan sida kārepnyatah.

Sang atma mapikayun jagi mabawos-bawosan,  Ring para tamyu miwah kakantén sang lacur

Punika ngawinang sang atma bingung,  Duaning tan prasida katuju tatujoné punika.

Bersambung ........................

Share: