Showing posts with label GEGURITAN. Show all posts
Showing posts with label GEGURITAN. Show all posts

GAGURITAN I MLADPRANA ( UNGGAHAN 2 )

 GAGURITAN I MLADPRANA
I Gusti Made Rai 

IV.          PUPUH DEMUNG

  1.  Ento makarana Adi tan tolihan, tekén pasawakan inguh, bahan beliné buduh, mula beli uli cerik, manjus baan kagedegan, masugi ban liyat rengu, mambuh ban ujar para, mapun bahan sakit hati, sai matoya ban temah, mabunga ban munyi pisuh.
  2. Pisuhé pisah né jani sebeté sabatang, renguté rengatang empug, gedegé jani gudug, temah pastu amah pisi, ujar alané jua ulah, ulah beliné mamerud, nyéwaka ring i déwa, ratu nguda ngajang pedih, lemperang kayun i dewa, nguda gusti tong nyak teduh.
Share:

GAGURITAN I MLADPRANA ( UNGGAHAN 1 )


GAGURITAN I MLADPRANA
I Gusti Made Rai

Awighnamastu nama sidyam

I.          PUPUH DANGDANG

1.       Manah sarat sujati saking ngapikin ngawé gita, anggén nyalimurang, pamrat ing sakit hatiné, éling tekén tumbuh lacur, uling cénik nganti kelih, twara nawang keneh jirna, rasa Widiné mamusuh, krana tong ngelah geginan, goba kasar, tiwas ludin tan pahaji, manah paitungan tuna.

2.     Krana sami braya wargi dadi hati tan tolihan, pisaga tan lega, krana titiang payu sedih, sedih inguh manah sungsut, manyelselang sang dumadi, lintang tan pakérti pisan, krana jani titiang nemu, nemu kingking tan sah wirang, tan paneda, sanguin antuk pangawi, pinehké dadi lipurang.

3.   Nglipurang citan sang ngawi iki lintang mokak. cangkap lintang langkap, pupuh gending liwat paling, kabatek pongahé ngetuh, twara takut kakedékin, inggih sudi sang mamaca, ida yadian dané ipun, makadi Hyang Kawiswara, Saraswatya, swéca ngampurayang ugi, titiang tambet mabet bisa.

4.     Nyaritayang katuturané riyin satwa nungkang, masih kadurusang, ngawitin pangawi iki, dina Bregu Siwa Retu, ukun ipun Sila-Giri, kresna paksannya ping sapta, sasih kartika kawuwus, ulu wéda rahnia sunia, isakannya, pawilangan cara Bali, sinia naga warga nora (1840).

5.   Cara Blanda tanggal nyané wiaktin nétra sua(21), Septémber wulannya, taunipun critang mangkin, cara ulandi punika, wong wreksa wulan asti(1918), pradéséng sang ngawi gita, ring Manga nagaréku, wétaning wratmara ika, wésman ira, wah ing cita naman éki, ingaran sira ing perang.

6.   Ampurayang titiang sang mangurit sami tuna, réh tan ja gaginan, manadi juru kawiné, kéwala antuk ulangun, ring satwan anaké nguni, kerama laju ng we gita, anggén panyalimur inguh, inggih manahé lipurang, ban kakawian, satuané anggén nglémékin, manahé ibuk uyang.

II.          PUPUH DURMA

1.   Saking durma mimitaning carita, caritayang né mangkin, ring pradéséng Kasta, mangaran I Rudita, matur ring guruné mangkin, "Duh inggih bapa, titiang mapidaweg ugi.

2.     Mangda swéca bapa luas ka Wanapuspa, ngarsang Ni Jangga Ketaki, ring bapa Gedé Taman, mangda sida ugi titiang matmu ring Jangga Ketaki, nah suba srahang, mangda yang ditu manjakin.

3.     Yan tan sida antuk bapa matemuang, titiang ring Jangga Ketaki, sukayan, makadi titiang, matinggal satiba para, maring luwah wana giri, nglebok samudra, sukayan titiang ring mati."

4.     Raramannya gelis manyanggra mangucap, "Da cai nglalu pati, sida bahan Bapa, masa ko tuara kasidan, yan Bapa kema namakin, sinah ya kaserah, tuara ia bani nulakin.

5.     Nah, né jani cai nongos jua di jumah, Bapa luas kema ngidih." Ngararis mamargi, tan kocapan ia di jalan. Sampun rauh sané mangkin, ring Wanapuspa, jumah Gedé Taman wiakti.

6.     Tan kocapan puput pakarunanira, I Rudita kaorahin, "Sida antuk Bapa, buin mani cai kema, tongosin ia adin cai, Bapa ngitungang, duasa pawarangan becik."

7.    I Rudita kenyem tur alon angucap, "Titiang pitelas mangiring. Wénten pinunas titiang, papending gelang kana, sasimping Ian skar mas sami, buat titiang mrika." "Nah to sara suba cai."

8.     Tan kocapan wengi benjangnya caritang, semengan raris mamargi, tan kocapan di jalan, ya I Wayan Rudita, ring Wanapuspa parapti, I Gede Taman, manyapa madulur kenying.

9.    "Cening Rudita semengan ko cai teka." I Rudita manyaurin, "Inggih rauh titiang, mangkin titiang mitulusang, bawos gurun titiang dibi, swéca jwa Bapa, marekang titiang né mangkin.

10.     Tur nuturin tingkah patut dados jadma, eda ngubda nglémékin," I Gede Taman angucap, "Da cai liu satua, Bapa suba dadi abesik, ring bapan wayan, nah dini suba né jani.

11.      Nah bisayang déwék cainé manyama, tekéning ya adin cai, idihin ia ayah, rawosin di pedeman, mangdané ia dadi asih, raket masomah, tutut mangidepang munyi."

12.      Kacutetang akéto pitutur ia, raris dané ngandikain, "Wih Jangga Ketaki. mai nyai jua paekang, baang basé belin nyai." Raris ia prapta, mangenjuhang pabuan aris. 

III.          PUPUH SINOM

1.     I Rudita ia mananggap, raris ipun mangenjuhin, gelang kana sekar émas, papending Ian ali-ali, "Niki Adi aturan beli, ciriné bakti saturut." Ni Ketut Oka mitulak, Gedé Taman muwus aris, "Tampi eluh, pabaang belin idéwa.

2.     Nyai suba plegang Bapa, jani ia ajak dini, bisang awaké manyama, keneng-keneng ia ayahin, sapabaangnyané tampi." I Ketut Oka amuwus, "Inggih beli titiang nunas." I Rudita mangenjuhin, sada kenyung, sambilang ngecekin bangkiang.

3.    Jangga Ketaki ngesiabang, "Sampun sih akéto beli" I Rudita manyaruang, nyemak pabuan nginang sirih. Réhing lintang kabilbil, temakoné pakpak malu, pamoré kasisigang, lengeh lebuk tuara gigis, ban ulangun, ngantenang Ni Ketut Oka.

4.     Ban pangguh kenehé liwat, dadi bingung lengeh paling, manguyuk masebeng kiyap. Bayuné ngareteg sami. Gedé Taman muwus aris, "Masaré ko cai dumun, nyai kema ngulig odak, boréhin ia belin nyai," raris tedun, Ketut Oka ngulig odak.

5.     I Rudita mangurayang, ka pedeman lawut nyumpling, Jangga Ketaki parapta, makta odak gading merik, "Gelisang matangi beli, maodak beli dumun" Wayan Rudita magébras, raris dané kaodakin, ditu lawut, ngenjuang tangan ngabag tangkah.

6.    Sampun usané maodak, caritanan jani wengi, ada nalikan ping tiga, ngranjing Ni Jangga Ketaki, I Rudita manutututin, Ni Ketut Oka amuwus, ''Kema ke beli pesuan" I Rudita manyaurin, "Ngawos malu, beli manyerahang awak.

7.     Apang nyai mangodagang, akénkén pituduh nyai, beli tuara pacang tulak, pinunas beli abesik, titiang sakit buduh paling, buduh tekén ratu ayu, ento né pingit mudahang, manah titiang sai kanin, jampi ratu, antuk ganten muah tegesan.

8.  Susu rupit gading nyalang, anggén nambanin sesai, pupug baan wangkong rengkiang, lukat ban pangaksi luncip, lolohin jua baan lati, né ngatirah manis muluk, usug ban batis mamudak, tutuh ban pakayun asih, arap ipun, murup ganten ring pamreman.

9.     Pipi montok anggén sembar, trag ban salulut sai, raket pakayuné tresna, anggén jua pangraksa urip, ngemanying anggén nglabanin, magaleng tangan magelut, anggén panyengker tatulak, rasané nemuang karasmin, makambuh, ban ubaya ring pamreman. 

10.      Apanga dadi yuwana, mamanggihin legan ati, atin titiang ring i mirah, yén i ratu nora asih, nyén konkon naké sudi, kadiangganing cicing berung, i ratu mula nruwénang, lamun iratu tan asih, masa urung, titiang mamanggih duhkita.

11.      Kitan titiang ring i déwa, nguda ratu tan panolih, Yadian tan cumpu idéwa, nora seneng tan nresnanin, elek takut masih tusing, ring titiang pongah mamerud, Yadian sapunika ida, tan wangdé titiang ngulanting, tuara kimud, tusing jengah kasepékang.

12.  Réh manahé langkung sarat, mangalinus kadi angin, wulanguné kasemaran, lumimbak makadi pasih, teresna saha mapanggih, suluk kadi, yéh macebur, sungleng manahé dumilah, muntab kadi gunung api, lebian enyud, kadi tanah yan upama.

13. Empugané dalem linggah, Ratu jani melaburin, ngujanin antuk duhkita, Isep titiang nika sami, ban manah tan rered bakti, krana tong marasa ibuk, ibuké suba bubukan, érang manah urung sami, gedeg ipun sampun sami madegdegan.

14.   Elek suba maleklekan, osah suba dadi asih, asih-kasih asih teka, malulut ngalilit hati, pedihé sampun pakidih, takuté suba ia bekut, ngidalem nyilem satata, kasemarané nglaranin, bas kadurus, ati bingung bakat bungang.

15.   Bungan matan titiang ida, nguda maméngos i gusti, tuah ké saja tuara nyandang, titiang manjakin imanik, saksat cebol nungkap langit, yan ring kedis kadi puuh, nagih manyanding i merak, yan ring wastra blacu dekil, nagih manduk, i prancis lintang nguranyab. 

Mesambung ........................
Share:

GEGURITAN - I SILADERI 4 ( PUPUH DANGDANG )

IV. PUPUH DANGDANG


1.    Tan kocapan I wong desa sami
Kacarita  
I Mudita luwas
Padidian tuara ja wedi
Nuwut rejeng silak siluk
Alas wayah madurgami
Bungkungnyane kaingetang
Ne masoca jaga satru
Panulak sarwa wighna
Kerana lasia
Tengah alase memargi
Socan bungkunge utama

Share:

GEGURITAN UPACARA

UPACARA


  Om Swastyastu

PUPUH PANGKUR

1.    Pamurwaning atur tityang
 Agama Hindu bacakannya kepah trini
 Tatwa Susila kawuwus
 Miwah Upacara ika
 Sandang pisan pelajahin
 Mangda weruh
 Pang tan pemarginé ngawag
 Salah suduk kewastanin

Share:

GEGURITAN PITEKET

           GEGURITAN   PITEKET


PUPUH SINOM

1.    Sinom anggén jumun tembang,
nembangang piteket puniki,
ketusan karyan sang wikan,
kahatur ring truna-truni,
miwah para alit-alit,
dumadak kayunnya cumpu,
nelebang nganggo pangancan,
nyujur hidup mahutami,
lampah anut,
ring kecap sastra agama.

Share:

Geguritan Kembang Rampe Macepat

Kembang Rampe Macepat
( Kesalin saking Kaset Kembang Rampe Macepat )



Pupuh Sinom lumrah

1.     Jani pelajahin megama
Bakti astiti ring Widhi
Patut tindih ring sesaman
Né patut  eda nungkasin
Matulung ring beraya miskin
Ajahin bareng salunglung
Suka duka tuara lémpas
Tan bina cakran pedati
Pasang surut
Magenti betén duwuran

Share:

RSI YADNYA ( GAGURITAN )

GEGURITAN INDIK RSI YADNYA

PUPUH GINANTI

1.    Unteng Rsi yadnya katur
suksma bhakti ring sang resi
Ida ngicén kaweruhan
medana punia jati
swadarma umat ring jagat
mantuk maring sang sulinggih

Share:

GEGURITAN NI CANDRAWATI

Geguritan Candrawati


Pupuh Ginada Candrawati

1.    Somaning Tolu kocapan,
Mangiket mangawé gending,
Manuju bulan wisangka,
Suklapaksané ping telu,
Irika ngawé carita,
Manah sedih,
Kidung anggén mamurnayang,

Share:

GAGURITAN PAMURWANING DESA KEDISAN - TEGALLALANG - GIANYAR

W. Sukeman



“ PAMURWANING DESA KEDISAN “



PUPUH KADUWUNG

1.    Om Swastyastu Awighnamastu
Sembahningwang ri Hyang Aji
Meraga Hyangning kawruhan, Saraswati
Kalih Sang Hyang Kawiswara
Tonton sembah hulun téki nekéng ati
Ica mawéha panuntun
Ring kawula rikalaning nganggit gita
Nanging banget ampurayang, mnawi sisip
Apan hulun wwang wimuda alpa Aji
Pangkah niru sang wus weruh, sira sang meraga wagmi
Mwah ksamakna silaningwang
Mogi tan ka-upadrawa, tan kenéng tulah carik
Dirgahayu dirgayusa
Sakulagotra mwang sentananing hulun.
  

Share:

MAHAPATIH KI PASUNG GRIGIS

KANGGEN GAGURITAN OLIH ; I WAYAN SUKEMAN

Geguritan ;
Sira Mahapatih Mangkubumi KI PASUNG GRIGIS

Ki Pasung Grigis adalah seorang yang sakti mandraguna dengan berbagai ilmu kanuragan yang dimiliki diantaranya ilmu kebal, maya-maya, ilmu perang dan ilmu lainnya. Kemudian beliau di angkat sebagai sorang Patih Mangkubumi di kerajaan Bedahulu pada masa pemerintahan Sri Tapolung atau lebih dikenal dengan nama Sri Astasura Ratna Bhumi Banten.
Ketika perlawanan menghadapi serangan kerajaan Majapahit yang di pimpin oleh mahapatih Gajah Mada, Ki Pasung Grigis bertempur dengan sengitnya, berkat kemampuan perangnya yang mumpuni pasukan Majapahit dapat di pukul mundur.
Hingga akhirnya Patih Gajah Mada menggunakan siasat untuk menjebak Ki Pasung Grigis dan menawannya untuk dibawa ke Majapahit beserta para bawahannya.
Dimana selanjutnya Ki Pasung Grigis beserta prajurit Bali dikirim ke Sumbawa untuk memerangi raja sumbawa yang bernama Dedela nata. Karena sama-sama sakti dan tangguh akhirnya keduanya gugur dalam pertempuran.
Demikian sinopsis yang berikut ini di sajikan dalam bentuk gaguritan.


Share:

GEGURITAN KAWIT PURA BALI BANG - TALEPUD

Desa Pakraman Talepud adalah sebuah  desa pakraman yang terdiri dari 1 banjar dinas yaitu banjar pujung kaja yang terletak di desa Sebatu, Kecamatan Tegallalang, Kabupaten Gianyar, Bali.
Pura Bali Bang adalah salah satu pura yang terdapat di wilayah desa pakraman Talepud yang di empon oleh krama pura Bali Bang yang berada di wilayah desa pakraman talepud dan juga krama pura Bali Bang  yang tersebar di bebepara kabupaten di bali.
adapun kisah singkat sejarah Desa Pakraman Talepud dan juga sejarah pura Bali Bang akan diceritakan lewat geguritan berikut ini.  Mohon dimaafkan atas segala kekurangan, kesalahan dan ketidak sempurnaan  geguritan ini, selanjutnya kritik dan saran diharapkan untuk kebaikan.
Share:

GEGURITAN SUCITA II ( XVI. PUPUH SINOM )

( IDA KETUT JLANTIK )

XVI. PUPUH SINOM

1.      Duh maman Mahadarsraya, aksama de sanget brangti, wiréh tiyang pelih mamegat, pitutur mamané luwih, sanget saja mangimpasin, kadarman anak marembug, né madan retalocita,
bikas bajangé manyelir, sangkan purun, mangrawos ngandang manyelag.

Share:

GEGURITAN SUCITA II ( XV. PUPUH DURMA )

( IDA KETUT JLANTIK )

XV. PUPUH DURMA

1.      Nuli matur Sang Sucita sada bingar, getar alus mangrenanin, beli sang swéca, maraga tulung tan pegat, kadi tukad banjur mili, twara telad, saking nguni rawuh mangkin.

Share:

GEGURITAN - MENCEGAH KENAKALAN REMAJA 2

MENCEGAH KENAKALAN REMAJA
Olih : I Wayan Sukeman



PUPUH  DURMA

1.      Aab mangkin, kebawosang jaman global
Pengaruhé nglimbak gelis
Awanan sandang saringang
Mangda nénten purug jaman
Melaksana pelapanin
Timbang-timbangang
Encén beneh encén pelih

Share:

GEGURITAN - MENCEGAH KENAKALAN REMAJA



MENCEGAH KENALAKAN REMAJA
            Olih I Wayan Sukeman


PUPUH GINADA

1.     Polahé mapagubugan
Banget ketil ngemarginin
Mapan gelis ya ngelahlah
Indargamang  kadi ambu
Asing kadeket kaworan
Kawon becik
Banget saking pergaulan

Share:

GEGURITAN "PATI KACUH"

I Wayan Sukeman

I.      PUPUH SINOM

1.    Sembah pangubaktin tityang    
Uleng ring Ida Hyang Widhi
Kasengguh Maha Acintya
Ébek ring sajebag gumi
Mangda lédang mangakséni
Atur kawulané jugul
Nunas tél waranugraha
Waras rahayu sinami
Ya ta  landuh
Nora hana kameranan

Share:

GEGURITAN SUCITA I ( XIV. PUPUH GINADA )

( IDA KETUT JLANTIK )

XIV.  PUPUH GINADA.

1.    Atur iraksasa nungkak,
réh somahnya teka nyerit,
magambahan nyangkol pyanak,
nyonyonnnya lambih ngalantung,
ageng luwir kukul kembar,
basang benting,
pungsedé melontod ngenah.

Share:

GEGURITAN SUCITA I ( XIII. PUPUH SINOM )

( IDA KETUT JLANTIK )

XIII.  PUPUH SINOM

1.    Jatinnya madan angkara,
togog tanah mamingungin,
ban seken marupa jadma,
engsap tekén tanahé rihin,
yadin soké mlakar tiying,
kekadén ada sok tuhu
tekén tiying kadén lénan
yan soké lén tekén titing
apa nyamud,
ngembus tiying soké ilang.
Share:

GEGURITAN SUCITA I ( XII. PUPUH DURMA )

( IDA KETUT JLANTIK )

XII.  PUPUH DURMA

1.    Sang Subudi
kenyem tur masawur getar,
duh kaki sang yaksa sakti,
sangkan cucuné teka,
mai nyadya maingetang,
ban kaki nyakitin gumi,
nah dumadak,
kaki nyidayang nyalinin.

Share:

SEKHA SANTHI DANG DING DONG

SEKHA SANTHI DANG DING DONG
Silahkan klik gambar
OM SWASTYASTU - SELAMAT DATANG DI ARYAWANGSABLOG - SEMOGA BERMANFAAT

daftar isi

Total Tayangan

Powered By Blogger

Categories 2