Kembang
Rampe Macepat
( Kesalin saking Kaset Kembang Rampe Macepat )
Pupuh
Sinom lumrah
1. Jani
pelajahin megama
Bakti
astiti ring Widhi
Patut
tindih ring sesaman
Né patut eda nungkasin
Matulung
ring beraya miskin
Ajahin
bareng salunglung
Suka
duka tuara lémpas
Tan
bina cakran pedati
Pasang
surut
Magenti
betén duwuran
Pupuh Semarandana
2. Yan
cening sayang ring diri
Anaké malu sayangang
Eda
pati iri degag
Bangga
tekén padéwékan
Merasa
siteng tuara kalah
Impasin
bikasé ngagu
Eda
kasar ngapak apak
Pupuh Sinom
3. Matiti
baan laksana
Mapengancan
idep suci
Mangdané apanga sida
Kabisané bekel urip
Wiyadin
mengalih kanti
Kéto
laksanané patut
Yadin
tuyuh da ngobetang
Da
nuwukin demen ati
Déning
liyu
Gegodané pacang teka
Pupuh Dangdang
4. Sangkan
kéweh uripé jani
Tuara
tawang
Sunarikan
manah
Tatujon
manusan é
Ané setata karuruh
Mangdané mangguh sukérti
Sadya
bagia suka duka
Mangguh
urip landuh
Rumasat
ring indraloka
Sapunika
Andéyang
yan jani keni
Kapangguh
sunarikannya
Pupuh Pucung
5. Yéning
sigug
Ngejohin
sastra satuwuk
Tuara
enyak belas
Belogé ngancan juwari
Ngawé lantud
Kenehé ngalih babuktian
Pupuh Ginada
6. Eda
menyampahang sastra
Réh
meraga Saraswati
Patut
pisan ento tekekang
Réh
ida meraga taksu
Sahi
tunasin kasidian
Sida
sidi
Yan
tuah cumpu manunas
7. Yan
Teleb melajah mesastra
Sanghyang
Saraswati asih
Yaning
ida suba suwéca
Buwin
apikin manyungsung
Eda
ngekoh melaksana
Buwin
abesik
Sumbar
jumbuhé sampingang
Pupuh Durma
8. Eda
rumbang
Eda
boncah ngaba manah
Tilingang
apang abesik
Néné patut sumbungang
Hyang
Widhi patut sumbungang
Eda
nyumbah tani tani
Aturin
canang
Pantesang
incep di ati