KIDUNG DEWA YADNYA - PANGAKSAMA

KIDUNG DEWA YADNYA

KIDUNG  WARGASARI

1.    Om ksama swamam pukulun

Sadosa tri kayané

Manusanira ati jugul

Pangkah mangaturang gurit

Ri pada dwaya sang lĕwih

Sadananing ngong anĕda

Sih ira Hyang Kasuhun

Mogi Siddha mangun trĕpti

ADRI

1.    Om ksama pujaning hulun

Yan hati wimuda

Pralanggya sunga pamuji

Ripada Sanghyang Sinuhun

Tanpa mantra tanpa santun

Hina kaya wak lan manah

Nging srĕdha bhakti panungsung

Nugraha ring nis sahaya

Winéh salwiring sinandya

2.    Tuhun ring wang budhi sadhu

Nis sangsaya muja

Ri kita Hyang Maha Suci

Witning sahana tumuwuh

Maka angga pasuk wĕtu

Nrĕsti samasta bhawana

Sangkéng prakĕrti ya mĕtu

Dadya Panca Maha Bhuta

Manah bhudi ahĕngkara

3.    Moga ica saking kayun

Kita nganubhawa

Salwiring sadosa mami

Ring kaya wak manah iku

Winasa déning wĕlas hyun

Swarĕsti pata amĕrta

Sarwa mala karma gĕmpung

Keli tĕka ring samudra

Kapwa amor dadi sukla

BRAMARA NGISÉP SARI

1.    Mogi tan kacakra bawa

Titiang ikatunan sami

Nista kaya wak lan manah

Langgĕng ngulati Hyang Widhi

Sang suksma Maha Acintya

Nirwana Siwa kaséngguh

Singidan ring tampak aksi

2.    Ong pukulun ksama swamam

Sadosaning tri kayéki

Sanghulun si kapinggingan

Pangkah ngaturang gagurit

Ring pada dwayan syutama

Sadaning wang manghulun

Astu sida amangun sih

3.    Ratu murtining hyang sastra

Saraswati Déwi kapuji

Kawit tutur kalih guna

Nglimbak saking wiku kawi

Ica Ida ing tuna

Nuhur sasuluh panuntun

Madak tumus sing kaésti

SADPADA NGISEP SEKAR

1.   Om om sĕmbah ikatunan

Dumadak jwa ka aksi

Munggwing pangubhaktin titiang

Nista solah lawan wuwus

Muwuh bangĕt hina budhi

2.   Kéwantĕn srĕdhaning manah

Miwah katlĕbaning hati

Kĕlawan éling tan pĕgat

Kanggén mĕnyanggra manyuwun

Swécan iratu sang luwih

3.   Iratu langkung pawikan

Ring manah sarwa dumadi

Né jati kĕlawan boya

Né corah lan bhakti nulus

Né patut kĕlawan rusit

4.   Apan paduka Bhatara

Né mula nodyanin gumi

Wruh ring sĕkandan jagat

Salwir né hwus kĕlangkung

Mangkin miwah né kauri

5.   Sĕkala lawan niskala

Bhatara ngraganin sami

Wisnawa suksma Bhatara

Brahma niskalam iratu

Pĕpĕk sami kĕraganin

6.   Apan pada kaswécan

Dyastu tambĕt sami-sami

Mĕngaturang sarwa nista

Sĕkar sané gĕlis alum

Doh langkung ring padma hrĕdhi

7.   Sok wéntĕn anggén sĕdana

Nunas nugraha ihyang luwih

kang mungguh ring wasuh pada

né suci mĕngardi luwung

dirghayusa hayu wĕrdhi

Share: