Wraspati Kalpa Jenggala
1.
Pengaksama
BABAK I
2.
Pemungkah Condong :
PANGKUR
Gulak gulik ring pamereman
Bangun negak
bengang bengong, mepangenan
Mangingetang
tembang pangkur
Nanging munyi
beladbadan
Genuh jawa minab
tongkanggwang iratu
Mabungkung cara di
menak
Manyeledet kadi
tatit
3.
Condong Nangkilin Galuh ………..
4.
Pemungkah Galuh :
DANGDANG
Yaning mesem kadi
rasming gending
Rosning madya arca
kama lunggah
Kadi wanglung
ikang janggane
Ngembat asta ne
lumekung
Erang semine
giningring
Pangigum ikang
jrijiya
Anerang rosning
bakung
Maka luwir manik
ginilap
Ngawe rimang
aseserin manik warih
Wras pati
menandang payas
5.
Penyerita Galuh :
GINADA
Sang diah ida
ngandika
Bibi inya apang
uning
Nora liyan
bebawosan
Sukan nirane
kelangkung
Tur hana nanak
sanunggal
Tuhu apekik
Tulya kadi hyang
semara
Galuh : GINADA EMAN – EMAN
Lintang
sungsut kayun nira
Ida I beli tuara
eling
Ring I cening muah
nira
Lawas ida sampun
lunga
Mangindikang
daging yadnya
Ring sulinggih
Apa alangan di
jalan
DURMA
Durung puput raden
dewi mebawosan
Ida I cening mirib
metangi
Sang diah ida
menyagjag
Raris munggah ke
jero puri
BABAK II
1.
Pemungkah Penasar :
Ngga lempung
pinireng wedana
Sasuluhin medal
enjing
Saselimun salin
pura
Lamun durus aworan
sih
Mawi letun amerapit
Utang tinggal juan
ingsun
2.
Pemungkah Kartala :
GINADA
Sajroning tri kaya
puniku
Di bawos patut
apikin
Wireh yan bawose
iwang
Pateh ken memati -
mati
Megaek bangrase
impasin
Keto tuhu, Himsa
karma to kelidin
3.
Pemungkan Mantri Manis :
SINOM
Utamaning sang
sejana
Satsat wreksa
cenana jati
Ring sornya sato
mesayuban
Ring punya were
ngulanting
Ring carang
paksine ninggal
Kani gara mrebuk
arum
Yan hana wang
prapta anyela
Mwang suganda sugandi
Nudut irung,
Ambunnyane ngebekin jagat
4. Penyerita Mantri Manis :
GINADA LINGGAR PETAK
Raden putra ida
ngandika
Uduh paman maka
kalih
Sukan nira ne
kelangkung
Biyang agung
lintang asung
Maputra teken
manira
Lulut asih, Ngawe
suka kayun nira
GINADA MANIS
Kayun nira jani
paman
Tangkil ring I
biyang mangkin
Nunas lugra ibu
titiang
Mangda tan alpaka
guru
Penyawis Galuh : Sang diah ida menyagjag
Uduh cening , Urip
ibu jwa I dewa
5. Penyerita Galuh : SINOM PAYANGAN
Cening bagus juwa
I dewa
Bawos ibu renga
jani
Yadnyane jalan
dabdabang
Madak dewa panjang
urip
Dadi agung lintang
wibuh
Biyang suba
nyangsan werda
Tuara bisa ngamong
urip
Keto tuhu
Dewa yadnya ne
pucukang
6. Mantri manis : GINADA
Ibu agung naweg
titiang
Wenten lungsur
titiang mangkin
Sadurung yadnya
kawitang
Mangda titiang
tatas uning
Ajin titiang dija
ibu
Galuh ……… Uduh Cening
Dadi keto bahan I
dewa
7. Mantri Manis : GINADA EMAN – EMAN
Yaning ibu tan
suweca
Mituduhin titiang
mangkin
Napi keman titiang
maurip
Tan uning ring aji
agung
Janten titiang
pacang kaucap
Nista jati
Soran ring sarwa
satwa
Galuh : GINADA EMAN – EMAN
Uduh cening nanak
ingwang
Jani ibu
menatasang
Ajin I dewa ida
lunga
Maring alas gunung
nyusup
Menawi ada
kapiambengan
Ortane jani
Ring Bojonegara
nylosang raga
8. Mantri manis : DURMA
Yaning keto
titiang pacang lummpaha
Lugra titiang sane
mangkin
Ngungsi jagat
bojonegara
Mogi sida ne
kepangguh
Galuh ……… Ibu nyadya ngetut wuri
Lampah
I dewa
Mogi
sida ne keapti
9. Mantri Manis : DURMA
Uduh paman ceraka
nira maka ruwa
Jalan lanturang
memargi
Ngungsi jagat bojonegara
Tan ucapan maring
jalan
Saget katon suwung
sepi
Kema tatasang
Nira nganti paman
dini
BABAK III
1. Pemungkah Penasar :
Yadyan liyu
sastrane mungguh ring lontar
Sang ngulurin
indriya
Sakti palannya tan
melah
Nanging tan sida
melasang
Wireh naune tan
sipi
Yan ampigang
Masa pocol siyu
keti
2. Pemungkah Kartala :
GINADA
Sangkan apikin
masolah
Mangden iwange tan
nindih
Becik patute
margiang
Anggen gelar
jroning hidup
Satyane anggon
penatas
Mangda ngilis
Nincap kamoksan
buwana
3. Pabligbagan Penasar lan Kartala.
4. Gending Gegonjakan Penasar lan Wijil.
Eluh eluh… kunang pada saseseran
Sami nyungjungang negara setya bakti ring peminpin, o o
a o
Anggen titiang
milih gumi rakyate mangda bersatu
Mengagung agung
negara ngicalang corahe sami
Sami nyungjung pancasila
pasti jaya
5. Gending Merah Putih ( ane lenan )
:
Ngiring mangkin
para penonton sami
Sareng sareng
iring titiang makerti
Mangda sida jagate
kerta raharja
Sami dasarin antuk
darma agama
Manut tatujon
pemerintahe jani
Ajeg bali, mangda
sida keapti
6. Mantri Buduh :
“ Te… Jiiil, Gelah lakar medal tegteg agunge suarang “.
7. Penasar Lan Wijil :
Teg teg agunge
mamunyi
Suarannyane manis
mulung
Ngawe rena sang
mirengang
Panjak bakti
sampun ebek ring bencingah
8.
Mantri Buduh : Briak sika mawurahan
Lan paksi dok taluwok
muni kagenti
Bakikumo nika copo
Pangresiku sata
wana amungguh
Kongkang munya
agentoras
Sinamian rikanang
paksi gending
DURMA
Sampun ahyas mijil
sira sri nrepati
Akampuh bebayan
botlom
Kumbrang teka
mangrenain
Asabuk gringsing
pengaluk
Nyungklit keris
landian danta
Abra murub, luwir
arca kadewatan
Mantri Buduh Metanjek
Punta Wijil Matur. … Ngiring
Masolah.
Panggrengga
Penasar lan Wijil
Sri
Rama jaya dipati
Pancaki kuking
ikukang lawan ikakung
Di pinggir jurang
Ndi sianang preci
sepasuking jambu warsa
Sumameng wirya sri narendra suka aneng bumi
9. Panyerita Mantri Buduh
SINOM LAWE
Paman ceraka maka
ruwa
Sukan nira ne tan
sipi
Dini di Bojonegara
Sukat nira
nyakrawerti
Panjake sumuyub
bakti
Apan sami pada
adung
Muah baktin ida I
adi
Sangkan sida ne keapti
Keto tuhu
Jagate kerta
raharja
10.
Punta Wijil
Mapungu atur. ……………………
11.
Mantri Buduh : GINADA EMAN EMAN
Engsek kayun nira
paman
Eling nira duke
nguni
Ninggalin jenggala
pura
Tatujone pacang
nuwur
Linggih ida
dwijati
Wetu paling
Jenek ring
Bojonegara
12.
Mantri Buduh
Kagiat : GINADA
Kagiat ida
manyingak
Saget hana
mangrawuhin
13.
Mantri manis ………... Nunas lugra ratu titiang
Nawegang titiang
mangulgul
14.
Mantri Buduh
nyawis.. Nyen cai juwa tangkila
Tembe prapti
Apa ada katunasang
15.
Punta Wijil matur …………..
16.
Mantri manis : GINADA EMAN EMAN
Singgih ratu naweg
titiang
Duaning purun
titiang tangkil
Wenten rahat
kehaturang
Titiang putran aji
agung
Nunas aji mangkin
budal
17.
Mantri Buduh ………….. Nden te cai
Bani mai ngawag
ngawag
18.
Punta Wijil matur ……………..
19.
Mantri Buduh
Brahmantya :
DURMA
Erang kayun ida
sang nata kalintang
Nyemak kayu tur
manigtig
Cai mula jatma
bobab
Bani matur ane
nora
Sing buwungan cai
pejah
Tur kebayang
20.
Galuh menyagjag ……… Kagiat Ida Raden dewi
21.
Galuh Brahmantya :
DURMA
Ih te cai prabu
kalintang nista
Jatmane ne malu
patenin
Yan mula cai
prewira
Ngudiang cai
mejanggelan
Kai mai manindihin
Putraning jenggala
Pianak somah
kutang cai
22.
Mantri Buduh
Nyelsel Raga :
GINADA EMAN EMAN
Uduh adi
ampurayang
Napi juwa nguduh
beli
Lipya beli ring I
dewa
Dadi kene juwa
kepangguh
Minab sangkan
iwang krama
Uduh cening
Aksamayang aji
dewa
23.
Penarta Punta
Wijil ……………………..
24.
Mantri Buduh : DURMA
Yaning keto jalan
jani juwa dabdabang
Budal ke jenggala
puri
Yadnyane jalan
kawitang
Dewa yadnya ne
pamekas
Mogi ida
nyuwecanin
Maring jagat
Rawuh driki puputang
Puput