Geguritan
PANCA DATU
SINOM
1.
RATU HYANG KAWI SWARA
LEDANG
NUNTUN TITIANG NGURIT
PANCA
DATU MURDAN GITA
KAWIT
WASTAN JAGAT BALI
ANGGEN
DASAR NABDAB GUMI
MANGDA
JAGAT BALI KUKUH
SADURUNG
LANTUR MATEMBANG
SWASTI
ASTU KATUR RIIN
MOGI
WASTU
RATU
HYANG KAWI SUECA
2. KACRITA DAWEGE LAWAS
RING JAWI WENTEN RSI LUIH
MARKANDIA PARAB IDA
PASRAMAN IDANE ASRI
RING PUNCAK RAUNG LINUIH
SISIAN IDA AKEH TUHU
ULENG MLAJAH KANDA SASTRA
SOLAH IPUN SADU BUDI
GILIK GULUK
SALUNGLUNG SABAYANTAKA
3. MAHARSI MARKANDIA
ULENG NGASTAWA HYANG KAWI
NGRASTITIANG KERTAN JAGAT
KALANING
DEWASA BECIK
PURNAMA KAPAT LINUH
HYANG PASUPATI RAUH
RSI MARKANDIA MANYEMBAH
“SWASTI ASTU NAMOSTUTI
SINGGIH RATU
DURUS AKSI SEMBAH TITIANG”
GINADA
4. HYANG PASUPATI MASABDA
“SEMBAH RESI NIRA NAMPI”
PUPUT IDA MAWECANA
TELENG LELATANE MURUB
RARIS METU TEJA PETAK
MLECAT GELIS
NGAWANG-AWANG RING AMBARA
5. TEJA MALECAT RING PURWA
NUSA DEWA NE KAUNGSI
HYANG PASUPATI MASABDA
“NAH, JANI LAUTANG WIKU
NGUNGSI GUMI TIBEN TEJA
DITU RESI
NABDAB GUMI APANG KERTA”
GINANTI
6. SAPUPUT IDA MAWUWUS
MLECAT RING SUNYA ENING
RARIS SANG RSI NGANDIKA
“BAPA POLIH WISIK KAWI
APANG NABDAB NUSA DAWA
KENKEN IDEP PAMAN JANI ?”
7. SISIAN IDA GELIS MATUR
“YAN RESI MAGINGSIR LINGGIH
JAGI NGUNGSI NUSA DAWA
TITIANG SAMI JAGI NGIRING
REH TITIANG TEN SIDA PASAH
NUNAS
AJAH RING SANG RESI”
8. RSI MARKANDIA MAWUWUS
“PAMAN SAJA SATYA BAKTI
EDA ONYA NUTUG BAPA
NUSA DAWA SRIPIT GATI
KANGGOANG MALU AJAK DOMAS
NGIRING
BAPA NABDAB GUMI”
PANGKUR
9. RARIS RESI MARKANDIA
NGUNGSI NUSA DAWA SISIANE MANGIRING
MAMARGI RAHINA DALU
RAUH MARING NUSA DAWA
RARIS
IDA RING SISIA SAMI MAWUWUS
“NAH
LAUTANG NGALGAL ALAS
ANGGON
PADUKUHAN DINI”
10. SISIAN IDA NGIRING TITAH
NGALGAL ALAS
MONGGOL TARU AGUNG ALIT
KIDANG LUTUNG SAMI RARUD
DEWATA RING NUSA DAWA
KAGIAT NGAKSI SISIA MONGGOL TARU
RARIS NGATAG RECANG IDA
BHUTA-BHUTI KALA-KALI
11. BHUTA KALANE MANGUCAP
“RATU NAPI WENTEN KARYA SANE MANGKIN”
HYANG BETARA MAWUWUS
HYANG BETARA MAWUWUS
“ENE ADA
JLEMA PANGKAH
IA
NGALGAL ALAS SING NGANUTIN UNDUK
TUSING MADULURAN YADNYA
LAUTANG TADAH NE JANI”
GINADA
12. BHUTA-BHUTI RARIS NGUCAP
“MULA GAEN INGONG IKI
NADAH JLEMA TAN PAYADNYA”
PUPUT MATUR SAPUNIKU
AJI WEGIGE KUNCARANG
SISIAN RESI
NGUTAH MISING RARIS PADEM
13. WENTEN TEPEN TARU AGENG
RUNTUH MARING
PANGKUNG ABING
SARAP MACAN KABINAWA
WENTEN KAANYUDANG BLABUR
WENTEN PADEM SANDER KILAP
AKEH GATI
SISIANE NGEMASIN PADEM
MASKUMAMBANG
14. SANG PANDITA
MAWECANA SADA SEDIH
“PAMAN SISIAN BAPA
YENING KUKUH NGOYONG DINI
SINAH MATI JAK MAKEJANG
15. PALING MELAH
JALAN MALIPETANG MULIH”
MATUR SISIAN IDA
“MADAGING WECANAN RESI
NGIRING NE MANGKIN MATULAK”
16. SISIAN IDA
KANTUN NYENENG SAMAS DIRI
GEGESON MATULAK
SAMPUN RAUH MARING JAWI
NGUON ATI SEMU UCEM
SEMARANDANA
17. IDA MARKANDIA RESI
NGUNGSI GENAH JATI MULA
PUCAK GUNUNG RAUNG KAOT
DRIKA IDA MANGASTAWA
“INGGIH RATU HYANG BETARA
NGAWIWENANG BUANA AGUNG
AKSI SEMBAH BAKTIN TITIANG
18. RATU SESUNAN LUIH
RIIN RATU NITAH TITIANG
NABDAB NUSA DAWA REKO
TITIANG SAMPUN NGIRING TITAH
DADOS RATU NENTEN SUECA
SISIAN TITIANG AKEH LAMPUS
NAPI WENTEN IWANG TITIANG”
SINOM
19. HYANG PASUPATI NYLANTARA
“PANG IDEWA TATAS UNING
NIRA NE JANI NARTAYANG
TIGA DASAR HINDU JATI
YADNYANE MAKA PANGAWIT
KATUR SAKING MANAH NULUS
PING KALIH SOLAH SUSILA
TATWANE MAKA KATRINI
KRAMA HINDU
PATUT NYALANANG MEKEJANG
20. SINUNGGIL DASAR AGAMA
NE MARUPA YADNYA SUCI
TUSING JALANANG IDEWA
NGAWINANG DEWATA BRANGTI
KEMA JANI RESI BUIN
NABDAB JAGAT YADNYA KATUR
NE DISOR RING BHUTA KALA
NE DI LUUR KEN DEWATI
SINAH WIKU
SIDA NABDAB NUSA DAWA”
GINANTI
21. MAHARESI SUKSMA TUHU
POLIH WISIK PASUPATI
RARIS IDA MATUR SEMBAH
MALECAT HYANG PASUPATI
RARIS IDA MABAOSAN
MARING SISIAN IDA SAMI
22. “UDUH PAMAN SISIAN INGSUN
BAPA BUIN KAL MAWALI
NABDAB JAGAT NUSA DAWA
ADA KE
PAMAN KAL NGIRING ?
LAUTANG
MATUR KEN BAPA
KENEH
PAMANE SUJATI”
23. PANJAKE MABRIUK MATUR
“MANAH TITIANG SAMPUN NUNGGIL
NGIRING PAMARGI PANDITA
IDUP PADEM NGIRING RESI”
SAMPUNIKA ATUR SISIA
SAKENG TUAS NEKENG ATI
DURMA
24.
SANG RESI
LEDANG
MIRENG ATUR I SISIA
SANE
KANTUN SAMAS DIRI
NIKA NGIRING
IDA
TUR
GEGANCANGAN MAMARGA
RARIS
RAUH RING TOH LANGKIR
GENAH
NIRMALA
NAGING
PINGETE TAN SIPI
25. RARIS IDA
NYUKAT GENAH NANGUN YADNYA
CARUNE
KATURANG RIIN
BHUTA
KALA DENGEN
SAMI
RAUH NADAH YADNYA
RARIS
IDA MAHARESI
MENDEM
P’DAGINGAN
PANCA
DATU WASTAN WALI
26. SASAMPUNE PUPUT MANGATURANG YADNYA
RARIS NGALGAL WANA SRIPIT
SISIANE RAHAJENG
LANTUR NANGUN SAWAH TEGAL
ASING TANDUR MUPU SAMI
KERTA RAHARJA
GEMAH RIPAH LOH JINAWI
SINOM
27. RSI MARKANDIA GARGITA
RING SISIA MABAOS ARIS
“ENE DINI TONGOS PAMAN
NAH SUBA SEKEN MABUKTI
PAMAN MANGUH KERTAN URIP
ENTO ANGGON DASAR INGSUN
ANGGON PINGET RING KAWEKAS
DINI ADANIN BESAKIH
SUKSMAN IPUN
TEGES BESAKIH RAHAJENG
28. ENEN BUIN BESIK PAMAN
TONGOS
BAPA NANGUN WALI
PANCA DATUNE KAPENDEM
DITU GAENANG PALINGGIH
BASUKIHAN ADAN P’LINGGIH
NAH ENTO ANGGON PAMUCUK
TONGOS NGASTAWA BETARA
APANG IDA ASUH ASIH
NUNTUN DAMUH
NYIRATANG KAKERTAN JAGAT
GINANTI
29. APANG ADA PINGET TUHU
OLIH KRAMANE RING GUMI
BAPA DINI NABDAB JAGAT
KADULURANG BAAN WALI
JANI BAPA MAANG ADAN
DINI KUCAP JAGAT BALI
30. BALI WALI TEGES IKU
WALI DASAR GUMI BALI
WALI TALER KUCAP YADNYA
YADNYANE NGAJEGANG BALI
TEGES BALI
KUKUH SITENG
BALI KUKUH SANGKAN WALI
PUCUNG
31. SISIA MATUR
“INDIK YANDNYA SANE KATUR
WENTEN PANJAK NGRENGGENG
NELASANG BEA KEH GATI
KUCAP KEWUH
AGAMA HINDU PUNIKA”
32. KENYEM ASRU
RSI MARKANDIA MAWUWUS
“PAMAN MAAN MERTA
SAKENG SUECAN HYANG WIDHI
PAMAN PATUT
MATUR SUKSMA BAAN YADNYA
33. YADNYA KATUR
METU SAKENG MANAH NULUS
SIKUTANG RING RAGA
NISTA MADIA LAN UTAMI
BENJANG PUNGKUR
APANG SING NYESEL AGAMA”
DURMA
34. SISIA SAMI
MATUR ”WAWU TITIANG TATAS
PARI INDIK JAGAT BALI
YADNYA DASAR JAGAT
TITIANG SAMI MUNDUT TEKEK
NYARWAKANG SENTANA SAMI
PAGEH MAYADNYA
MANGAJEGANG JAGAT BALI”
35. GITA PANCA DATU SAMPUN KATEMBANGANG
KAWIT WASTAN JAGAT BALI
NGIRING PUNDUT TEKEK
MANGDA JAGAT BALI
AJEG
KIRANG LANGKUNG SINAMPURI
NGIRING PUPUTANG
SINEB ANTUK PRAMA SANTI
OM SANTHI, SANTHI, SANTHI OM
