PUPUH DURMA
1.
Swastiastu purwakaning atur tityang
Agung
manah tityang yukti
Pangkah
tityang ngardi gita
Naga
Bhanda kasatwayang
Mogi
sida ngalendangin
Gung
ampura
Pupuh
basa tuna luwih
2.
Bali
Dwipa sadawege purwa kala
Nyeneng
prabhu lintang luwih
Waturenggong
ngaran Ida
Jenek
maring Gelgel Pura
Sida
ngardi jagat trepti
Kerta
raharja
Tur
kapuji jagat sami
3.
Gagelaran sang prabu duk mangraja
Dharmeng prabu panca stiti
Panca
marti lalima
Stiti
ngaran tindih satya
Catur
marga maka titi
Lawan
tri kaya
Sanjata
lintang luwih
PUPUH GINADA
1.
Sane mangkin kacarita
Wenten
Bhagawanta ririh
Danghyang
Astapaka ngaran
Pedanda
Budha kasengguh
Kocap
uning swarga loka
Tuhu
jati
Ngawenang
Sri Dalem osah
2.
Yan Ida lunga ka suargan
Ngalinggihin
mantra jati
Mapedahu
swaran genta
Makantih
ban tunjung tutur
Digelis
Ida mamarga
Ne
kaungsi
Genah
Ida Sang Hyang Indra
3.
Sarawuh ring Indra Loka
Kapagpagin
Widyadari
Maka
sami ngagem sekar
Kasiramang
ring sang wiku
Widyadarane
manyagjag
Tur
mangiring
Ida
Resi ngapuriang
4.
Hyang Indra dahat gargita
Uduh
Resi sayang mami
Mai
tampekin manira
Sang
Resi raris umatur
Singgih
ratu naweg tityang
Tityang
dekil
Purun
ring anggan Paduka
5.
Punggelang punang carita
Sang
Prabu bawosang mangkin
Osah
Ida ring paseban
Kairing
patih sadulur
Maka
sami tanpa ujar
Tulya
kadi
Sang
Hyang Surya tanpa teja
6.
Sang Prabu raris ngandika
Uduh
paman Tanda Mantri
Bawos
nirane pedasang
Apang
sida paman weruh
Kenken
abete medaya
Ida
Resi
Setata
nyumbungang raga
PUPUH MAS KUMAMBANG
1.
Sada dabdab
Gusti
patih matur raris
Ratu
tedung jagat
Purun
tityang matur mangkin
Saksat
nasikin segara
2.
Yening pacang
Nyantenang
bawos Sang Resi
Sampunang
sumendya
Niki
wenten naya singid
Ledang
ratu miragiang
3.
Mangda tatas
Angsane
anggen nepasin
Ring
sumur genahang
Rurub
antuk kelabang tuwi
Singidang
mangda tan limbak
4.
Sapunika
Sang
resi ngiring aturin
Nebah
sedagingnya
Yening
tuhu wiku luwih
Sangkan
swara sida nebah
5.
Dahat ledang
Ida
Dalem menampenin
Raris
mangandika
Tuhu
paman jati ririh
Ne
jani jalan gelarang
6.
Nanging hana
Piteket
nirane jani
Asing
maweruha
Patut
nyepel apang singid
Asing
tempal janten pejah
PUPUH SINOM
1.
Puput ngelarang winaya
Saget
rawuh Ida Resi
Watek
patih matur sembah
Ida
Dalem manganjali
Singgih
ratu Resi luwih
Ampurayang
tityang matur
Tambet
tityang kalintang
Ledang
ratu ngandikain
Maring
sumur
Swaran
napi ke punika
2.
Ida Resi mapi ngarad
Uning
ring raga kauji
Sujatine
sampun tatas
Nika
wantah naya singid
Nanging
Ida manimpalin
Antuk
kenyung manis adung
Yan
tan iwang bapa narka
Nika
swaran naga jati
Apang
weruh
Punika
naga utama
3.
Masuryak Ida Sang Nata
Kasarengin
para Patih
Tuhu
Resi lintang bobab
Nira
twara mangugonin
Agung
dosa kurang pati
Tan
urungan pacang lampus
Mangda
tan dados tuladan
Nyurudang
wibawan puri
Jani
ingsun
Nibakang
danda ring bapa
4.
Matur Ida Sang Pandita
Sotaning
manyakra werti
Mula
patut manibakang
Sama
beda danda pati
Nanging
patut manyelehin
Ne
iwang kalawan patut
Yaning
sampun yukti iwang
Tityang
nyadya manatakin
Asing
tuduh
Tityang
nenten purun tempal
5.
Kagiat Ida Sang Nata
Yening
keto idep Resi
Jani
nira mamuktiyang
Mai
bareng tureksain
Para
Patih maka saksi
Ne
nyengguhang iwang patut
Yaning
iwang bawos gelah
Nyadya
gelah manyungkemin
Ngantos
ungkur
Mamanjak
ring anggan Bapa
6.
Kenyung Ida Sang Pandita
Ngantenang
Sang Prabu jengis
Tumuli
raris mamarga
Semer
purine kaungsi
Para
Patih manyarengin
Saget
hana swara ngelur
Klabange
raris kauntab
Kagiat
Ida mangaksi
Saking
sumur
Metu
Naga kabinawa
PUPUH SEMARADANA
1.
Ida Dalem nangis raris
Singgih
Ratu Sang Pandita
Ampurayang
iwang ace
Nebah
kadi linggih bapa
Wireh
ace tuna tyaga
Manyelehin
daging tutur
Jani
kene panangkannya
2.
Jani ace manegesin
Paman
Patih makabehan
Asing
sang maraga nabe
Sandang
patut mustikayang
Yaning
wenten purun tempal
Lara
rogane tan urung
Siyu
tiban kapuponang
3.
Rehning sampun wenten bukti
Angsane
manadi Naga
Sangkaning
kasidyan nabe
Tan
sida gelah nungkasang
Apang
twara kocap mitya
Gelah
ngiring tur manuwut
Asing
titah Sang Pandita
PUPUH DURMA
1.
Dahat ledang Sang Pandita miragiang
Uduh
cening Prabu luwih
Mangke
hana idep bapa
Lakar
nuju Swarga loka
Nanging
cening apang ngiring
Bapa
misadya
Manujonin
Indra puri
2.
Tan kawarnan lampah Ida maka rua
Ngalinggihin
naga sakti
Saget
rawuh ring suwarga
Ida
Dalem angob nyingak
Katon
wenten taman asri
Ida
Pandita
Manyengguhang
Swarga sari
3.
Ida Dalem memarga ngiterin Swarga
Saget
wenten titi ganjih
Ring
sornyane kawah linggah
Kasumpangin
geni ngabar
Ngawenang
Sang Prabu rimrim
Punika
wantah
Camra
goh muka yukti
4.
Ngangsan sawat
pamargine ngangsan tangar
Kacunduk
ring atma dekil
Ring
muncuk gesing magenah
Ida
Dalem manunasang
Napike
sane makardi
Atmane
ngucap
Sangkan
tityang tanpa warih
5. Wenten
malih atmane sane tiyosan
Pati
grasah uber cicing
Kema
mai mailehan
Malih
Dalem manakenang
Kocap
kalaning dumadi
Tanpa
gaginan
Mawinan
uber cicing
6. Wenten
atma tinggahin uled lalintah
Ring
susune pagelanting
Ida
Dalem kemad osah
Ngantenang
atma punika
Sang
atma umatur raris
Sangkaning
tityang
Lasia
bekung duk maurip
7. Niki
atma sane ngelarang pangiwan
Sauripe
ngardi ugig
Ring
kerak kawah magenah
Munggah
pisan sarap macan
Bencar
daging dados cacing
Uled
lalintah
Palaning
sang manesti
8. Tan
critayang ri lampah Ida Sang Nata
Saget
rawuh Jogor Manik
Kasarengin
Maha Kala
Dora
Kala Sang Suratma
Kala
ngadang mangungkurin
Ngelur
ngedebras
Tuhu
lintang mangreresin
9. Apa
alih teka mai clapat-clapat
Cai
atma tuna budi
Sang
Nata raris ngaturang
Tityang
wantah manusa matah
Ngiring
sapemargan Resi
Ampura
dahat
Yaning
tityang manyungkanin
10. Wus
karenga saturan sira Sang Nata
Jogor
Manik mojar raris
Sang
Resi ring Indra Loka
Jani
nira mangatehang
Durusang
dewa mamargi
Tangkil
ring ida
Hyang
Indra sampun nganti
PUPUH GINANTI
1.
Maring Indra Loka sampun
Katon
puri luwih jati
Mapanyengker
taman sekar
Nudut
kayun sang ngatonin
Sang
Nata dahat kasatan
Meled
pacang manuwutin
2.
Tandugi raris umatur
Ampura
Ratu Bathari
Rehning
pangkah yukti tityang
Meled
pacang manuwutin
Ngwangun
puri ring sekala
Mogi
ratu ngalugrahin
3.
Hyang Indra mawuwus alus
Cening
Dalem sayang mami
Melahang
cening medasang
Sedaging
purine dini
Patut
anggon tatuladan
Temuang
rawuh kawingking
4.
Mangke ana warah ingsun
Paica
luwih utami
Awig-awig
maka ngaran
Panegul
kramane sami
Anggen
manimbakang danda
Sama
beda lawan pati
5.
Ri sampun Ida ngalungsur
Sang
kalih raris mapamit
Ida
Dalem maring untat
Sang
Resi ring hulu linggih
Naga
miber ring ambara
Jagat
Baline ka ungsi
6.
Ring kori agunge tedun
Sang
Resi ngadika raris
Naga
punika kasupat
Naga
Banda kawastanin
Rehning
sangkan Pranda Budha
Tur
katami rawuh mangkin
7.
I Klabang raris kawuwus
Pangurub
angsane rihin
Klabang
sakti ya kaucap
Mangkin
ngaran Klabang Mantri
Asing
sang manangun yadnya
Nika
patut manyengkerin
PANYINEB
PUPUH MASKUMAMBANG
1.
Sapunika
Atur
tityang manasikin
Toyaning
segara
Yukti
jimbar tanpa tepi
Janten
pisan tan marawat
2.
Saking jengah
Purun
tityang magagurit
Mulya
kadi dongkang
Mabet
ririh nebah gumi
Tuna
aji sujatinnya
3.
Nanging agung
Pinunas
tityange yukti
Ledang
ngampurayang
Pupuh
basa tuna luwih
Prama
santhi manyutetang
Om Santhi, Santhi, Santhi Om