PUPUH PANGKUR
1. LPD
mangkin bawosang
Wus ngelimbak
maring bali, ngawit nguni
Maka
srana pamikukuh
Rikala
ngajegang adat, lan budaya
Mangda
prasida ngelantur
Degdeg
kukuh ngantos wekas
Ajeg
bali sida lestari
2. Pakinkin
dahat utama
Wastu
prasida ketami, tekeng mangkin
Sakeng
pikayun sang weruh
Wantah
Ida bagus mantra, lwih adnyana
Daweg
nopember pat likur
Siu
sanga ulung dasa pat
Ngawit
LPD ring bali
3. LPD SeGianyar
kocap
Pakilitane
kolati, sareng sami
Taler
pasikian kayun
Nyujur
tatujon utama, ne acepang
Lamakana sida nglantur
Kamolihan
sida nincap
Wit
utsaha sareng sami
PUPUH DANGDANG
4. Mangkin
kwentanang evaluasi, maka srana
Mulat sarira
Takiang angga sujati
Mangda panggih ne katuju
Aptin warga bali sami
Ajeg desa pakraman
Manut penglingsire ilu
Punika sandang yasayang, tur pagehang
Mogi mogi mapikolih
Kadi karma mawasana
PUPUH
GINADA
5. LPDne sareng nyangra
Mangdennya ajeg lestari
Adat budaya agama
Pinaka dasar pakukuh
Melarapan mautsaha
Polih bati
Kepah anggen
pewangunan
6. Rongatus nem dasa lima
Katah LPDne sami
Ring kabupaten Gianyar
Prasama sampun saingkup
Ngewangun desa pakraman
Nika bukti
Ne pesaja tur utama
7. Para angga pemerintah
Mwang prajuru adat sami
Mangda ledang mamicayang
Pengancan miwah panuntun
Taler satmaka pengawas
Ne nilikin
LPD lan pemarginnya
PUPUH SINOM
8. Kadi toya aketelan
Wenten ring tengah
jeladi
Punika yan upamayang
Kawentenannyane yukti
LPDne maka sami
Nging sida taler maurun
Yadian wantah sematra
Sajeroning ekonomi
Sida wastu
Ngardi keraharjan jagat
9. Para krama sinamian
Ngiring sareng manyungkemin
LPDne sowang-sowang
Anggeang lumbung
minakadi
Piara mangkin mangda
becik
Antuk kayune salunglung
Mangda sida mikolihang
Kapuponin sareng sami
Tur ngelantur
Ketamiang olih sentana
10. Sida becik pemarginya
Sangkan Kasungkemin wargi
Taler jujur pengelola
Lan badan pengawas malih
Saling gebag maprekanti
Sida pada anut adung
Ngulati tujon utama
Boya dasar iri hati
Janten pangguh
Sekadi sane acepang
PUPUH GINANTI
11. Ngiring sareng sareng
rumrum
Program LPD sujati
Deposito lan tabungan
Nabung anggon bekel urip
Taler yaning nyelang
jinah
LPD genah ne pasti
12. Sareng meyadnya lwir ipun
Ngwangun desa minakadi
Reh yan sampun polih laba
Wenten pah-pahan abagi
Kanggen dana pembangunan
Taler dana sosial malih
PUPUH DURMA
13. Akweh pisan
Yan sami mangkin bawosang
Nanging galah ngewatesin
Apan hulun wang wimuda
Janten akweh sane singsal
Taler katah salah indik
Ksamakena
Ri silaning hulun teki
olih : I Wayan Sukeman / YD9DIW
olih : I Wayan Sukeman / YD9DIW