GEGURITAN PARTHA YADNYA
PUPUH SINOM
1.
Gung ampura tunas titiang
Ring
Pamiarsa sareng sami
Niki
Ratu wantah titiang
Kabisan
sangkan manguping
Sinah
akeh sane pelih
Janten
katah kirang langkung
Munggwing
carita kinucap
Partha
Yadnya kawastanin
Inggih
Ratu
Ledang
ugi ngampurayang
2. Caritayang
Sang Pandawa
Rikala
kawon macuki
Majeng
ring Sang Duryodana
Sungsut
kayune tan sipi
Wireh
telah maka sami
Sekancane
ada ditu
Arta
angga panegara
Rawuhing
Dewi Drupadi
Tur
pamuput
Kaambil
Sang Duryodana
3. Nanging
Ida Sang Pandawa
Pikayune
dahat luwih
Pangjadman
Panca Dewata
Karuna
ring sarwa prani
Wicaksana
tresna asih
Tur
setata mapitulung
Medasar
antuk kedharman
Kedharman
ksatrya sujati
Nika
ngunggul
Mangda
jagate raharja
4. Ida
nyakrawerting jagat
Mucehang
I momo brangti
Mangda
sida paripurna
Keto
utaman mangjadmi
Taler
tan luput ring sedih
Miwah
pancabaya iku
Kawikanan
daging sastra
Wastu
ical maka sami
Reh
kaliput
Kawisesan
I Pancendrya
5. Mangkin
Ida Dharmaputra
Osek
sungsute tan kadi
Degdeg
kedharmane ical
Naneng
sinambi menangis
Tan
uning ring kekaryanin
Swabawan
Idane acum
Kaliput
antuk sungkawa
Ibun
Ida taler nangis
Langkung
sungsut
Tangise
tan papegatan
6. Kangen
ring sang Panca Putra
Wantah
pangendan Hyang Widhi
Panegara
lan busana
Sekancan
sarwa mas manik
Mekadi
Dewi Drupadi
Lintang
sungsut ring pakayun
Keambil
olih Korawa
Tan
wenten kantun akidik
Sane
kantun
Ne
Leket ring anggan Ida
7. Dewi
Kunti mangandika
Wecanane
ngasih asih
Uduh
cening jak makejang
Ene
mirib titah Widhi
Pagehang
mangamong urip
Ne
mula peduman lacur
Marupa
karma wesana
Pikolih
tingkahe nguni
Apang
adung
Paras
paros sarpana ya
8. Cening
sida mabesikan
Mailehan
ngidih-idih
Meme
sadia mangumbara
Bareng-bareng
ajak cening
Masusupan
ring wanadri
Diastun
tuna pangan kinum
Dija
ja cening magenah
Ibu
setata nyarengin
Sapuniku
Wecanan
biang Pandawa.
9. Jumunin
jani ngandayang
Pakayunan
Dyah Drupadi
Sedaweg
Ida mulisah
Rawuh
raris sang Sakuni
Manguman-uman
mamisuh
Sahasa
menyambak rambut
Gelung
Idane kalukar
Malih
wenten mangigelin
Tur
mangutus
Kema
enggalang mekaad
10. Rikalaning
Sang Pandawa
Medal
Ida saking puri
Kesarengin
Dyah Drupadi
Kalih
prabu Matsyapati
Sang
Kresna taler nyarengin
Kesarengin
kalih wadu
Toyan
panone nyerabcab
Dewi
Kunti lan Drupadi
Saget
sampun
Sampun
doh saking Astina
11. Sang
manggihin mepangenan
Tur
sami pada pakrimik
Nyambat
momon sang Korawa
Pandawa
geleng memargi
Nenten
ngrengayang pakrimik
Rauh
ring ngaryanin payuk
Ngruruh
genah pasayuban
Wireh
jagat sampun wengi
Wastu
sungsut
Menangis
masesambatan
12. Surup
Ida Sang Hyang Surya
Medal
Ida Sang Hyang Sasi
Drupadi
nglukar pusungan
Megambahan
Ida raris
Tan
dumade masesangi
Ida
tan pacang mapusung
Yan
durung polih mekramas
Rah
Dusasana mekadi
Ring
kapungkur
Magenah
ring rananggana
13. Bayu
Suta dahat duka
Ngelur
sekadi kesari
Mejanji
pacang ngelungang
Pahane
sang Kurupati
Meweh
ngayunin sesangi
Antuk
bawos sampun labuh
Sang
Duryodana tan seda
Yaning
Ida durung polih
Prabun
satru
Lelima
dados tapakan
14. Sang
Bima dahat wirosa
Pacang
macentok ring jurit
Tan
sida antuk ngandegang
Cihna
kawon maka sami
Dahat
sengka mangelidin
Doh
pacang atut sadulur
Matunggalan
kula warga
Sekadi
ne nguni-nguni
Tur
ketundung
Ngumbara
telulas warsa
15. Punika
subayan Ida
Ne
setata kaelingin
Yudistira
mangandika
Ring
arine maka sami
Sabda
alon saha tangis
Eling
ring anggane lacur
Wireh
ngulurin indria
Pangidih
beli ring adi
Apang
tuhu
Pageh
bakti ring rerama
16. Beli
mula suba ngrasa
Sinah
adi nyelsel beli
Eda
adi banget duka
Krana
tepuk buka jani
Mirib
suba titah kawi
Lakar
ngemaranin gunung
Jalaran
ngilangang ala
Ne
ada di dewek adi
Dadi
wiku
Keto
bawos Dharmaputra
PUPUH GINADA
17. Sang
Bima masaut nimbal
Kroda
kayune tan sipi
Kedeh
kayune mayuda
Ngelawan
Sang Satus Kuru
Beli
agung Dharmaputra
Titiang
mangkin
Setata
kajengah-jengah
18. Swadharmaning
ksatria
Kewanenan
ngadu jurit
Kaucap
lintang utama
Pradene
ya pacang lampus
Kocap
kadi padem moksa
Pinih
becik
Diastu
mangkin miwah benjang
19. Sang
Bima malih angucap
Kenken
Sang Arjuna adi
Beneh
mirib bawos kaka
Melah
mati dadi caru
Bandingan
menandang jengah
Raris
nyawis
Mekadi
sang Dharmawangsa
20. Uduh
adi Wrekodara
Kaliwat
sayange mati
Yan
tan medasar upaya
Yan
prade seda ngamuk
Saja
adi ngawirangang
Cihna
bakti
Salunglung
sabayantaka
21. Kala
tiben suka duka
Sujatine
tresnan adi
Beli
suba ngerasayang
Nanging
ento kirang manut
Ala
ayu suka duka
Maminehin
Apang
bisa adi nerima
22. Tusing
beneh yan kenehang
Pemargan
Kesatria luwih
Wireh
kakwasa indria
Ento
ane ngendih murub
Ngebek
ring angga sarira
Apang
jati
Sura
dira jaya ning rat.
23. Nyandang
pesan pratyaksa
Tuture
anggon nyunarin
Maka
suluh ring adnyana
Ngalih
ane madan patut
Sujatine
dahat sengka
Wireh
beli
Rumasa
dewek katunan
24. Keto
adi apang tatas
Yaning
ngalih ane becik
Eda
pesan parikosa
Lascariya
mati ngamuk
Karma
palane ingetang
Sai
sai
Medasar
antuk wiweka.
25. Nglaksanayang
arimbawa
Anggen
bekel jroning urip
Ada
buin andrasangsya
Manut
kadi linging tutur
Ngwanasrama
ne utama
Patut
ungsi
Manut
kecaping agama
26. Tusing
ulah melaksana
Nglungsur
panugrahan Widhi
Sedeng
melaha nu bajang
Da
ngulurin pangan kinum
Utsahayang
brata yoga
Tur
samadi
Kadi
pemargan pandita.
27. Asing
sang nelebang sastra
Linging
aji Saraswati
Sinah
manggih Jagadhita
Tan
kehanan baya kewuh
Sida
mucehang angkara
Keneh
beli
Ngutus
adi Sang Arjuna.
28. Adi
luas nangun yasa
Sang
Bima milu nyarengin
Dumadak
Ida sueca
Pacang
mapica pangweruh
Bawos
Ida Dharmaputra
Ngantos
wengi
Prapta
Ida Sang Widura
29. Wawu
nyingak Sang Pandawa
Tan
dumade raris nangis
Sinambi
Ida ngandika
Sang
Dharmawangsa kagelut
Uduh
mas bapane dewa
Tumben
jani
Ngaton
dewa kasengsaran.
30. Kadi
rasa tan pegatan
Alane
nibenin cening
Saksat
pupulan kelaran
Jalaran
cening kaliput
Pagehang
ngamong laksana
Tusing
dadi
Ngulurin
loba indria.
31. Ingetang
pitutur bapa
Sida
miteketin cening
Luwih
guna sadu dibya
Eda
ginggang ngalih patut
Tri
kayane anggon dasar
Maprewerti
Mucehang
momo angkara.
PUPUH
DURMA
32. Cening bagus, Pirengang pitutur bapa
Melahang
mengamong diri
Jagat
arohara
Apang
tusing cening kalah
Kekalahang
dening kali
Kali
senghara
Apang
tusing cening paling.
33. Tutur bapa, Manut ring ajaran Dharma
Agamane
to plajahin
Reg
lan Yayur Weda
Atharwa
lan Sama Weda
Anggon
sasuluh ring ati
Nuju
ne melah
Sesanane
manumadi.
34. Ada
buin, Tutur ane mautama
Ne
madan Catur prawerti
Catur
marti patpat
Prawerti
marti pidabdab
Bacakannya
ento sami
Ne
kapertama
Arjawa
ne keadanin
35. Kaping rua, Anrasangsya kebawosang
Dama
ngranjing kaping trini
Indria
nigraha
Bacakannya
ento panelas
Ento
patut kauningin
Tur
laksanang
Anggen
bekel jroning urip
36. Kelanturang,
Catur Paramita nanak
Maitri
atulung urip
Ane
kaping rua
Karuna
ne kasuratang
Pidabdab
asih kumasih
Solah
mudita
Hita
wasana kardinin
37. Upeksane, Bacakannya kaping empat
Solah
bisa mapesinggih
Ento
apang tatas
Moga
sida nglaksanayang
Wastu sida mapikolih
Kerta
raharja
Pastikayang
apang gati
38. Daweg
Arya, Widura mewara warah
Dharmaputra
menampenin
Rauh
Resi Domya
Kagiat
kayune nyingak
Sumuyug
ngaturang bhakti
Saha
pranamya
Kedulurin
antuk tangis
39. Raris matur, Ida Prabu Dharmawangsa
Singgih
ratu maha muni
Sweca
sang awara
Ledang
ngerawuhin titiang
I
tambet ketunan kerti
Ampura
pisan
Ledang
kayune mangaksi
40. Titiang
nunas, Pawarah sane utama
Anggen
bekel nangun kerti
Antuk
wanawasa
Ring
ipun Sang Dananjaya
Tunden
titiang nangun kerti
Nunas
nugraha
Ngemaranin
wanadri
41. Bilih
bilih, Sida molih panugrahan
Swecan
Ida Sang Hyang Widhi
Prade
nenten sida
Janten
telas pawilangan
Titiang
pacang pamit mati
Nandang
sengsara
Kawon
becike puponin.
42. Resi
Domya, Tumuli Ida ngandika
Uduh
Sang Pandawa cening
Melahang
mirengang
Bapa
sadia midartayang
Tingkah
susilane jati
Patut
dabdabang
Cening
ksatria sujati
43. Bapa mula, Sanget sayang ring I dewa
Rikalaning
tiben sedih
Ne
nyandang ingetang
Pinaka
uriping jagat
Waluyane
catreng bumi
Ento
elingang
Neraka
mencanen cening.
44. Ia
tusing, Ngelah keneh kapitresnan
Iri
atine ya mentik
Tan
manut sesana
Laksana
setata ala
Tusing
taen maminehin
Ngardi
biota
Masemeton
kula wargi
45. Durminita,
Pangataging kaliyuga
Ne
patut kasengguh pelih
Laksana
dursila
Lempas
ring kecap agama
Ada
ane mapi-mapi
Sujatine
kandap
Dasarin
ban munyi manis.
46. Pratidina, Nuturang unduk kedharman
Pradnyan
ring ling linging lindi
Duweg
ngae raras
Duweg
pesan ngalih orta
Ortane
cara sujati
Cening
Pandawa
Patut
plapan mikayunin.
PUPUH
GINANTI
47. Buin
bapa mapitutur
Apang
bisa cening nampi
Dharmaning
satria utama
Patut
among jeroning urip
Ngulati
kejagadhitan
Sesanan
ceninge luwih
48. Solah
ngamong Dharma sadu
Anggon
ngalih switra kanti
Teleb
melajahin weda
Kaweruhe
anggen srati
Kukuhang
cening menyama
Setata
apang eling
49. Sang
Pandawa cening bagus
Undagan
idupe lingling
Dewa
lakar ngwanasrama
Ngemargiang
kawiratin
Bratane
patut ingetang
Ngemaranin
wana adri
50. Solah
sang meraga wiku
Kroda
brangti to tinggalin
Lan
busana sarwa bungah
Wireh
ento ngelantudin
Sedina
nyurya sewana
Ngastawa
Ida Hyang Widhi
51. Eda
ngulurin sekayun
Apanga
sida muponin
Kawiryan
kawicaksanan
Wadwane
pada subakti
Kulawarga
lan sawitra
Wireh
cirin jagat kali
52. Ada
buin cening bagus
Unduk
sang Bimane nguni
Dugas
kena bencana
Mawit
titah Kurupati
Sekancan
satus Korawa
Miwah
sang Gandara pati
53. Sang
Bima keni keracun
Wastu
cening tuara eling
Kala
ditu katuludang
Ke
tukad Serayu cening
Keto
solah sang Korawa
Ditu
liyu ada lipi.
54. Suba
ulung di Serayu
Kaparna
Sang Bima mati
Nanging
pamuput sang Bima
Enu
urip kayang jani
Katunjel
di gala-gala
Kasengguh
makejang basmi.
55. Duh
cening sang Dharma sunu
Peragayan
Dharma jati
I
dewa luwih utama
Nanging
ampahe mangilit
Ento
krana kabencana
Olih
nayan sang sakuni
56. Panumadian
anak letuh
Kadi
ipun sang Sakuni
Ipun
dueg mangajumang
Wastune
ia madeg patih
Mengabih
sang Duryodana
Geginane
mangrusuhin.
PUPUH
SEMARANDANA
57. Duh
sang Dharmawangsa cening
Waspada
ring sang ngaula
Ring
para kantin I dewa
Ring
bakti tuwi ring guna
Patut
tureksa tatasang
Yan
melah gunane liu
Mara
ya sandang sayangang.
58. Buin
ne dadi pengabih
Ngelah
nyen ya keneh rengka
Tur
demen ngawe pakeweh
Cening
patut miterangang
Da
kadropon ring parekan
Ngugu
isin atur ipun
Sandang
timbangin ring manah.
59. Apa
buwin dasar iri
Ngelikadin
makadinnya
Ento
patut kebawosang
Apang
tusing nemu singsal
Tepekang
di unduk sastra
Sinah
ngenah iwang patut
Mara
wenang mamidanda
60. Sang
Suyodhana ne jani
Ne
dadi musuh ceninge
Yaning
upamiang bapa
Duryodana
triptik kaang
Bikasne
kaliwat rusak
Yan
yehe sedekan surud
Kaange
manginggil ngenah
61. Trpitik
ento saih taji
Gunane
dahat maupas
Rikala
yehe mangancab
Ikang
dadi ya ilang
Nyen
sing tatas taen kema
Lantas
kema grayat gruyut
Ngelincak
nemu sengkala
62. Melah
jani waspadain
Marep
teken Korawane
Jak
makejang patut celang
Mapangabih
sang gandhara
Maka
pangrincik upaya
Apang
ya setata kagugu
Nggen
ngulahang pepanganan.
63. Pratiwimbane
sang Resi
Kadi
Ida Bhagawan Bisma
Wireh
banget sayang Ida
Marep
Pandawa Korawa
Tan
rered mapiteketang
Tetujone
ngardi ayu
Mangda
nerus kayang kawekas
64. Pikayun
Ida Sang Resi
Banget
Ida nyaratang
Apanga
sang Duryodana
Sida
kayun mapidabdab
Manelebang
luwir kedharman
Asih
kumasih katuju
Raket
ring pasemetonan
65. Piteket
Ida Sang Resi
Tusing
pesan karesepang
Kadi
nuturin anak bongol
Nenten
wenten pikenohnya
Krana
tusing resep rawos
Nyengguh
dewek paling aku
Melaksana
luwir adharma
66. Ida
sang maha utami
Kadi
Ida Resi Bisma
Ida
dahat wicaksana
Malih
pradnyan tan gigisan
Setata
ngertiang jagat
Antuk
daging dharma Sadu
Ngulatiang
kasentosan
67. Gumantine
nangun kerti
Bapa
dahat ngayu bagia
Madak
nemu kerahajengan
Tangarin
tur waspadayang
Musuh
di raga ingetang
Eda
baange ngaliput
Kedharmane
to saratang
68. Mula
kedharmane cening
Anggon
mawongin musuhe
Kawaca
kadutan panah
Ento
penaweng di raga
Sinah
pesan musuh kalah
Jerih
pablesat melayu
Tusing
bani matolihan
69. Keto
dewa warah mami
Melahang
cening ingetang
Eda
pasah ken senjata
Wireh
liyu ne mamighna
Pikayun
sang ngraksa jagat
Prana
jiwane ping ulu
Anggon
matoh di payudan.
70. Ne
jani bapa nujuin
Ada
madan Indrakila
Gunung
asri turin jimbar
Irika
Hyang Indra medal
Ida
ngerahayuang jagat
Melarapan
yoga kutus
Wastu
jagate raharja.
71. Ada
buin sang maha Rsi
Tuah
leluhur idewa
Kasub
ida ring suargan
Resi
Byasa maka nama
Ri
jeng Ida nunas ica
Dumadak
sida rahayu
Sapunika
ling Rsi Domya
PUPUH
PANGKUR
72. Raris
tangkil sang Arjuna
Ring
ajeng ida I biang, Dewi kunti
Dulur
tangis ri jeng ibu
Raris
ida ngelut cokor
Matur
sembah
Inggih
ratu titiang ibu
Dagingin
pinunas titiang
Pacang
pamit nangun kerti
73. Dewi
Kunti mangandika
Uduh
cening nanak meme, Teka mai
Meme
tusing bisa muwus
Kewala
meme mapaica
Cening
nerima
Kancrik
meme anggon kudung
Madak
rahayu di jalan
Wastu
cening molih kerti
74. Puput
sang Dewi ngandika
Kadulurin
toyan panone, Manguribis
Sang
dharma taler sungsut
Nangis
nyingak sang Arjuna
Pacang
ninggal
Nangun yasa maring gunung
Raris
Ida mangandika
Lautang
adi memargi
75. Bli
setata mengacepang
Madak
adi mikolihang, Ne utami
Nginutin
sang meraga sadu
Tusing
ada ane lenan
Tuah
idewa
Tunden
beli ane patut
Nangun
yoga maring alas
Ingetang
warah sang resi
76. Riwusan
asapunika
Sang
Arjuna nyujur sang Bima
Tur
malinggih
Nglungsur
pamit ring sang Bayu
Sang
Bima pariangenan
Riantukan
Sang
Arjuna pacang durus
Nyujur
gunung Indrakila
Tan
janten matulak malih
77. Sang
Nakula Sahadewa
Kesarengin
olih Ida, Dewi Drupadi
Sang
Dewi mategtog ngelut
Ring
cokor Ida mulisah
Sungsut
pisan
Sang
Arjuna ngelut bahu
Ngembeng
toyan panon ida
Sinarwi
mapapasihin
PUPUH
SEMARANDANA
78. Sang
Arjuna mapasihin
Ngusapin
toyan panone
Uduh
adi ayu diah
Suudang
amonto lara
De
mekelin toyan panon
Kocap
lakar ada satru
Nyengkalen
beli di jalan
79. Sujatine
makewehin
Yan
kantun kaliput tresna
Mawastu
kayune bimbang
Risaksat
tuli buta
Tan
jangkayan ngawe osah
Nenten
uning kangin kauh
Mangdoh
mangguh kadegdegan
80. Yan
kantun kalulut asih
Banget
pisan mangeranayang
Numadi
ka mrecapada
Sad
wargane panegulan
Sad
ripune mangda kasor
Sampun
puput mapitutur
Nyandang
laras tur memarga.
PUPUH
DURMA
81. Caritayang
Pemargane
sang Arjuna
Ngaler
kanginang kaungsi
Tat
kala punika
Wawu
nampih sasih kapat
Sabehe
wawu nyumunin
Daun
samian
Makedapan
ngulangunin
82. Soroh
bunbunan
Maka
sami lumlum gadang
Nudut
kayun sang mengaksi
Wit
sarwaning sekar
Sekar
gadung manyurambyah
Sekar
menur lan tangi
Makedap
nyalang
Pekantennya
dahat asri
83. Tan
pantara
Ujan
angin banget pisan
Sarwi
maduluran tatit
Wastu
langite galang
Kerug
sayan sayan ical
Suaran
kerug sekadi wangsit
Mangden
manyingak
Keasrian
jroning margi.
84. Akeh
yaning
Caritayang
kabecikan alas
Ngawe
sang Arjuna eling
Ring
sang katinggalang
Sang
Arjuna manguntulang
Menyapsapin
toyan aksi
Manrebes
membah
Manik
banyu yan upami.
85. Sang
Arjuna
Mapikayun
jroning manah
Tusing
mabinayan yukti
Sedih
sang katinggal
Pateh
pisan kasungsutan
Ring
sang maninggalin
Sane
ngawinang
Kalulutan
tresna asih.
86. Sapasira
Sane
nenten kabyaparan
Rikala
katinggalin
Olih
sang nyayangang
Yan
wenten pitaken anak
Lunga
kija I rabi
Penyawis
sendet
Krana
angen ring I rabi.
87. Sapunika
Pikayunan
sang Arjuna
Simbil
nguntul ida memargi
Raris
ida nyingak
Ring
taru sane mecarang
Wenten
paksine muani
Sedih
kangenan
Dening
pacang maninggalin
88. Sang
Arjuna
Ngawitin
eling ring angga
Yan
indriane ulurin
Sinah
pacang sirna
Tetujon
nangun yasa
Puput
mapikayun mangkin
Raris
memarga
Nuut
margi lintang sripit.
89. Ngelintangin
Jurang
pangkung gerembengan
Nyingak
pantun sampun kuning
Katempuh
pawana
Maombakan
kantenannya
Sios
malih suaran paksi
Ne
ngelangenang
Suaran
paksi tada asih.
90. Suaran
kerugan
segarane
tinglas pisan
Waluya
duwuhan sedih
Sriyokan
I cemara
Sleyag
sleyog maelogan
Katempuhan
antuk angin
Kadi
menyapa
Nyembrahma
sang wawu prapti.
91. Caritayang
Rikala
surup Hyang Surya
Rahinane
magentos wengi
Ida
sang Arjuna
Merarian
mesayuban
Kadulurin
sunar sasi
Wastwane
galang
Ring
alase katon asri.
92. Benjang
semeng
Sang
Arjuna masucian
Raris
Ida mangabakti
Majeng
ring Ida Hyang
Wusan
mamuja makwaca
Memakta
laras lan keris
Raris
memarga
Rikalane
Surya mijil
93. Wenten
meru
Tumpang
tiga pitu solas
Petapane
kesandingin
Olih
wit wandira
Carangnyane
manyurambyak
Daunnyane
erob becik
Kalikub
sayong
Petapane
katon asri
94. Kadulurin
Angin
nyursih Ida memarga
Kacritayang
sane mangkin
Indik
sang Arjuna
Rauh
ring tengahing alas
Sakaluwirne
kalintangin
Ngewangun
ledang
Sayan
kedeh nangun kerti
95. Sang
Arjuna
Gelis
nyujur Indrakila
Gunung
sane dahat luwih
Lintang
madurgama
Pecak
linggih Resi Biasa
Leluhur
idane rihin
Saking
doh nyingak
Wenten
petapan luwih
96. Palemahan
Petapane
jimbar dangsah
Mapenyengker
muah makori
Mangkin
sang Arjuna
Ngemaranin
genah punika
Kacingak
kori maukir
Malelampahan
Ramayana
sane nguni
97. Daweg
sang
Sugriwa
miwah sang Hanoman
Ngenter
wenara wenari
Ngrereh
bebatuan
Anggen
ngwangun situbanda
Antuk
srana batu sami
Muah
sang Anggada
Sang
Jembawan pinih lingsir
98. Egar
manah
Para
wenara mekarya
Tios
wenten sane ngelangi
Batune
ketampa
Wenten
marerod mangunda
Batu
sane ageng alit
Sami
kebakta
Wenarane
akas sami.
99. Wenten
taler
Ukiran
para Dewata
Miwah
raksasa raksasi
Ngrebutin
amerta
Sapunika
kacritayang
Ledang
kayune mengaksi
Saking
petapan
Raris
nglanturang pemargi
100. Sampun
edoh
Pasramane
tinggal Ida
Kadulurin
sabeh ngribis
Salwire
kacingak
Ngardi
kaulangunan
Sarwa
sekar mrik sumirit
Madyaning
alas
Gandane
ngelikub miyik
101. Tan
dumade
Sang
Arjuna ngemangguhang
Petapan
kalintang luwih
Kaiterin
telaga
Asri
turing galang pisan
Togoge
mejajar sami
Kaungkulin
sekar
Wenten
tunjung mancawarni.
102. Adung
pisan
Genah
sang ngelila cita
Sang
Arjuna rauh gelis
Nyujur
genah petapan
Raris
Ida kasembrahma
Olih
patunggune sami
Angob
samian
Nyingak
Ida sang Arjuna
PUPUH
GINADA
103. Para
istri ring petapan
Sami
pada pakekrimik
Aduh
kadi Hyang Semara
Ida
mapewayang bagus
Madak
kayun mesandekan
Jani
dini
Nyadya
titiang mengayahang
104. Wenten
pakrimik siyosan
Nguda
kene mbok jani
Keneh
inguh mamulisah
Buka
kaliput ban bingung
Tusing
bisa menyatuang
Nah
pinehin
Gumine
nu linggah pesan.
105. Wenten
malih manimbal
Minangken
deweknya bangkit
Saget
wenten mamirengang
Raris
nimbal ya mesaur
Saha
kedekan mabriag
Wenten
nyengis
Merasa
tan keajinang.
106. Wenten
malih mebawosan
Indik
ulangune sami
Uduh
embok yukti pisan
Buduh
paling ne manyusup
Kala
nyingak sang Arjuna
Duh
tulungin
Ngalemesin
sang kacepang.
107. Titiang
buduh kasemaran
Keneh
titiang bingung paling
Tan
eling ring daging tatwa
Krana
bas banget kalulut
Tusing
sida mamurnayang
Tidong
gigis
Gegodane
gede pisan.
108. Tan
dumade raris medal
Mapesengan
mahayani
Tapa
switri wicaksana
Sami
nyingak sarwi nguntul
Meneng
tan purun ngerawos
Sane
mangkin
Mahayani
raris ngucap.
109. Uduh
Dewa jak makejang
Apa
krana liyang jani
Setata
makakedekan
Sang
katakenin umatur
Dabdab
alon manguningang
Pariindik
Kawentenan
sang Arjuna.
110. Sesampune
ketyaksayang
Olih
Ida Mahayani
Wyakti
wantah sang Arjuna
Sane
mawinan puniku
Mahayani
manyembrahma
Sane
mangkin
Sang
tamiu katurin simpang.
111. Ngiring
mangkin dewa simpang
Ngandika
sang Mahayani
Driki
dumun mesandekan
Mangdane
tan lintang lesu
Sang
Arjuna mangiringang
Raris
ngranjing
Tur
malinggih ring jeroan.
112. Mapitaken
sang Arjuna
Duh
Ratu Sang Mahayani
Puniki
pari indikan
Wenten
petapan I ratu
Sat
puri pikantenannya
Sira
rihin
Sane
ngewangun punika.
113. Sang
Mahayani ngandika
Tiang
manuturang mangkin
Mangdane
I dewa tatas
Raja
Putri ane malu
Ida
nyukla brahmacarya
Pageh
jati
Tan
celed ngelarang brata.
114. Munggwing
pesengan Ida
Ida
Diyah Mahadewi
Pageh
mangelarang yoga
Awinannya
Ida tumus
Sida
molihang kamoksan
Suka
luwih
Nincap
amoring acintya
115. Uduh
dewa sang Arjuna
Titiang
metaken ne mangkin
Kenken
unduke I dewa
Rauhe
kelapu lapu
Apa
minab kabuatang
Rauh
driki
Mangden
sida titiang tatas
116. Raris
matur sang Arjuna
Duh
ratu Tapaswi luwih
Indik
sapangrawuh titiang
Nangun
tapa mogi durus
Genah
sane uleng titiang
Wenten
driki
Wantah
gunung Indrakila.
117. Yuktine
tatujon titiang
Nunas
ica ring Hyang Widhi
Dening
banget tiben lara
Punika
wiwilan ipun
Wastu
titiang jengah erang
Sareng
sami
Nandang
lara mangumbara.
118. Pengangkan
lara punika
Wit
saking kawon macuki
Sane
pinaka toh titiang
Artha
brana telas sampun
Rauh
jagat miwah somah
Puput
sami
Nenten
pisan megantulan.
119. Sane
mengawonang titiang
I
Duryodhana ne culig
Kabih
sang sakuni corah
Korawane
pada tinut
Dening
ipun mangetangang
Sane
mangkin
Titiang
sami kesakitan.
120. Katundung
titiang samian
Sang
Pandawa ibu rabi
Ngumbara
nylupsup alas
Tlulas
warsa lamin ipun
Ne
awarsa manyingidang
Yan
kuningin
Malih
pacang majumuang.
121. Ibu
rabi lan semeton
Sampun
polih genah ngungsi
Dening
wenten anak olas
Ring
genah mekarya payuk
Minakadi
dewek titiang
Kasuksrahin
Olih
beli Dharmawangsa.
122. Ida
sane nguduh titiang
Mangden
titiang nangun kerti
Nunas
ica ring Ida Hyang
Mogi
prasida memangguh
Yaning
bilih tan kasidan
Titiang
sami
Suka
lila pacang pejah.
------------------------
