PALAWAKYA WAJIB
PASANGAN DEWASA PUTRA
SWARGA ROHANA PARWA
1. Sadateng sang watek dewata ri
yamaniloka, yatabrasinang saparyantanikang yamaniloka, dening teja busanani
sang watek dewata, umung gumuruh sabdaning beri murawa sangkakala, asangganing pakryangning
ganta ganti, mwang wara wedastuti sang watek dewata, lawan sang sapta resi
mamuja ri maharaja yudistira. Tan pantara tampuhning kambangura, saha
gandaksata curna lepana.
Irikan hilang muksa sahananing latuh
irikang yamaniloka. Kadyangganing kawah wesi, watu gumulung, sila matakep, kayu
mawah kadga, lawan sarwa kakeliking manah, nguni weh tikang satwa rodra rupa.
2. Ya tika muksa pada hilang tan
kinawruhan paranya. Mwang ikang durganda ya tika matemahan suganda kusuma.
Mangkana saparyantanikang yamaniloka, matemahan swarga loka. Sobabresih manah
sang manghidep lara duhka, kawahan suka inakambek.
Mojar ta sang hyang indra, lingnira ;
udu ahum ahum tanayangku laki maharaja yudistira, matangyan papulung rahi
sanghulun para watek dewata kabeh, mare sanmuka kita tanayangku, kakarsana
dening sajnyanani bapangku, kawatek dening kadarmestan parameswara.
3. Kumwa linganinghulun ri rahadyan
sanghulun, ike wang sanak ta sang catur pandawa teke sang dropadi, tan sowe
siran pangguhang panca gati sengsara, apanakedik pagawenya papa nguni. Aywa ta
salahasanaku, pisaningu yan pangguhang swarga loka. Apayapan tan pahinganikang
darma ginawayaken de sang catur pandawa, lawan sang watek ratu sahaya aji nguni
ring rana karya, niyatanya sira mangguhang swargaloka.
4. Kunang ikang yamaniloka kahanan aji
nguni, ya tika malyab mareng swarga kahananikang duryodana saha wang sanaknya,
tekeng sang ratu sahayanya kabeh, pada kapeteki lebu irikang walukarnawa, pada
manghidep panca gati sengsara, amangguh palani pagawenya hala pamancana ri aji
nguni. Mapa rasika, swantahangkwa linga parameswara. Kumwa de batara parama
karana, tumitahang suba asuba karma irikang sarwa bhawa.
TEGES ;
1. Sarawuh para dewatane ring neraka
loka, irika luwihing caya galang sawewidangan neraka lokane, antuk sunaran
busanan para dewatane, iyeg ngrudug swaran bende, kendang, sungu, tambur,
kacepukin antuk swaran genta silih gentos, miwah weda pangastuti para dewatane,
miwah sang sapta resi mangastawa ring maharaja yudistira. Nenten maren-maren
sekarurane katiwakang, kadulurin antuk mrik-mrikan, bija, polesan wedak. Kala
irika ical musna sekatah kaletuhane sane wenten ring neraka loka. Makadi kawah
besi, batu ngliling, batu mecakep, kayu mawoh keris, miwah sekatah sane
kadulegin ring kahyun, pamekas buron sane marupa kabinawa.
2. Punika sami musna ical nenten
kauningin pangungsinnyane. Miwah ambune sane pengit punika dados kamerikan
ambun sekare.punika sawewidangan neraka lokane, dados swarga loka. Becik bresih
pakahyunan sang nandang kasengsaran kaduhkitan, kabancarin antuk suka ledang
pakahyunane.
Mawecana sanghyang indra, daging pawacanan ida
; uduh ahum ahum cening maharaja yudistira, sane ngawinang bapa ingkup sareng
dewatane sami, rawuh ring ajeng cening putran bapa, ngedot ring sedaging
pakahyunan ceninge, kedawut antuk kesadon idewa sang prabu.
3. Sapuniki bawos bapane ring idewa,
puniki sameton cening sang catur pandawa sareng sang dropadi, nenten suwe ida
mangguhang limang soroh kasangsarane, riantukan akidik parilaksanannyane corah
duke riyin. Sampunang idewa nyalit kahyun cening, tan pariwangde pacang
mangguhang swarga loka. Riantukan tan patandingan darmane sane kelaksanang olih
sang catur pandawa, miwah para ratu, prakantin idewa sang prabu ring payudan
duke riyin, kajantenane ida mangguhang swarga loka.
4. Makadi neraka lokane genah sang prabu
iwawu, punika meluab ngungsi linggih sang duryodana miwah sametonnyane, rawuh
ring para ratu kantinnyane sami, sami madesek ring buk segara biyase, maka sami
nandang limang soroh kasangsarane. Mikolihang buwah laksanannyane corah mencanen
dewa sang prabu duke riyin. Sapunapi ida, sinahang bapa sapunika kayun ceninge.
Sapunika olih batara parama karana, nitahang becik kawon parilaksanane ring
sarwa mauripe.