Petikan
PUJA KALA PATI
Puja
kala pati ngaran, kramaning wang asalin panji, apaguntingan atatah Siyung mwang
untu, Gantya prawerti wilasa, menadi jadma utama, presida sujana nama, ya
awaking kala mari, butha pisaca raksasa, muang sesaman ika, wus pinutung siyung
ira, mari ya wisesa cemar.
Ginunting
tungtunging roma, letuhing sarira mari, apan kalaning wawu mijil, saking gua
garba, sangkan kita karaketan dening camah muwang letuhing bhaga
Wesananing
babu nguni ndan tututan, panca maha bhuta mwang sarwa kala rumaksa raga sarira,
maweh mala sumaputing raga ta ya, sariranta pwa manadi raksasa denawa wil, yaksa
detya danuja kinabehan abirawa, swabawanta angker, mur ikang sarwa dewa kagegirin
awerin kabeh agila tumoni kita luluy kesaputan dening mala.
Murti
Hyang Kala Pati, arep pwa sira mareki Hyang, Sang pinaka yayah rena, nghing tapwan
kapanggih pwa sira, Apan dahating campur sira.
Jati Suksma prama cintya pengadeganira, tan kawasa tinon
ta sira dening akak ya kesaput dening mala, muwah camah campur, apan Kari pengawaking
kala.
Bhuta pisaca pwa ya ta, marmaning tan kepangguha ri Pangadeganira
Hyang Bethari Bapa Ibu sang pinaka Sangkan paraning dadi wang.
Ica Hyang Parama Siwa Sadgana lawan Bethari, Munggwing
padmasana emas, tumon wilasaning wang ring buana iki mwang sarwa kala tut butha
pisaca raksasa, Matangnian inugrahani tang Puja kala pati ngaran. Separikramaning
jadma ngaran wang asalin panji, pasalin pandyaning raga sarira yogya tinutut dening
manusa kinabehan loka margi manggih kamanusajatyan
Samangke jati suksma wekasan rumaket asih ikang sarwa
dewata maka widhining raga sarira tan doh Hyang Pitarani kamimitan nira.
