I. PUPUH SINOM
1.
Isĕng manungkulang manah
Bahan
bingungé tan sipi
Tuara ada anggon nyaruang
Sakité di jroning
ati
Kĕbus
maluwab ka sisi
Nĕrĕbĕs yéh
matané pĕsu
Pĕsu ngawé
mata barak
Barak mamĕrĕkang
ati
Ati ibuk
Ibuk ban
larané liwat
2.
Liwat tuara ada dija
Tuara kauh
tuara kangin
Pĕragat di
ati magĕnah
Sai ngawé kĕnĕh
paling
Paling bĕs
liyu rasanin
Tong bisa
ngingĕtin patut
Né murka
rasayang darma
Pĕngrasané twi mĕbading
Tuwara
adung
Budi
laksanané tungkas
3.
Tungkasé jani adungang
Pituturin
antuk gĕnding
Wéntĕn rĕké
katuturan
Kocap wong saking mamĕling
Wit
mangjadma sarĕng kalih
I Siladĕri
aran ipun
Madé Kérti
né cĕrikan
Sinarĕngan
ngambil rabi
Pada atut
Tuara taén
majĕngilan
4.
Né ĕluh pada mangidam
Né muani
suka ring ati
Mahayu ngértiang
pianak
Tĕtĕp
salwir pula pali
Kocap liwat
kutus sasih
Raréné ya
pada mĕtu
Panak I
Siladĕri lanang
I Kérti
ngadakang istri
Pada ayu
Sĕmara
ratih utama
5.
Déning gumi sampun wayah
Kasusupan
baan kali
Tong ada
nyayangang awak
Momonnyané
kaulurin
Pada
mangulahang daging
Tuwara
ngitung sor luhur
Yan sampun prasida
bungah
Jawat ja
ulian mĕmaling
Tuara
ngitung
Kĕdadiané
ri wĕkasan
6.
Dadi iyur tong ada adat
Ménak sudra
dadi bĕsik
Waluya
patuh sĕjagat
Siladĕri osĕk
ring ati
Ngrasa nĕrakané
luwih
Tumbuh di
guminé giyur
Kĕdarmané
suba ilang
Momoné sida
mamurti
Tĕka
ngunggul
I sugih
drowaka mĕnang
7.
I Siladĕri alon ngucap
Cai Kérti
adin bĕli
Né jani bĕli
mamindah
Pacang mĕngalahin cai
Boya bĕli sakéng lalis
Ngalahin
cai ka gunung
Buat mĕlajahang
awak
Mangda sida
bĕli uning
Tĕkén patut
Tingkahé
numadi jadma
8.
Né momoang bĕli ring manah
Baan trĕsnané
ring cai
Apang sida
kĕrahayuan
Bĕli mĕnyama
ring cai
Apan gumi
cara jani
Pisunané
pada ngutgut
Liu tungkas
marĕrama
Mĕnyama
mamusuh sĕngit
Pada ngagu
Tuwara nyak pacang kasoran
9.
Bĕli bĕlog jĕrih pisan
Pacang miyĕgan
ring cai
Kranannya bĕli
mĕngalah
Nanging bĕli
sakéng asih
Ĕda cai
salah tampi
Mĕngadén bĕli
mĕngambul
Satingkah
beliné luwas
Kagunung
kawi né jani
Ĕnto kasub
Pasraman
Empu Dibyaja
10. Ida tuwah
kasub ring jagat
Pradnyan tong ada nandingin
Darma putus
ring kawikon
Sidi wakya
tĕrusing aksi
Wĕlas ring
wong kasih asih
Apan twi
putus ring kayun
Bĕli maidĕp
mĕlajah
Nyokor ring
sang sida luwih
Madak asung
Ida mĕnganggén
parĕkan
11. Né jani bĕli
mawĕkas
Masih
mituturin cai
Da ngagu
jadig ring anak
Déwék cainé
kĕnéhin
Apang da
anaké juwari
Maang ucap
tan rahayu
Anak sĕngka
jua matingkah
Mĕlah jĕlé
sami uning
Da kadurus
Ngawénang
anaké rusak
12. Sikuté
tuara ja dija
Déwéké suba
mangisi
Andénnya
mamik-amikan
Uyah gula
muwang cĕlagi
Rasannya
sami uningin
Yadin tĕda
sarĕng satus
Tuara bina
pĕngrasannya
Kéto
upaminnya cai
Yan
matingkah
Kĕnĕhang
malu pastiang
13. Ĕda
mangulah mĕjalan
Yadin
pacang mapikolih
Yan suba
tindaké salah
Da juwa cai
mĕmargi
Dĕpang kĕsélané
bukti
Tuna tĕda
ucap luung
Ulat ada tĕda
mĕlah
Nangingké uli
mĕmaling
Tulya racun
Mĕrta matĕmahan
wisya
14. Né sĕadannya
jumah
Tĕtamiané
gisi bĕli
Carik katĕkaning
karang
Sĕrahang bĕli
ring cai
Bĕli mĕngalahin
cai
Pragat tuara pacang mantuk
Madé Kérti
madingĕhang
Ngĕpĕs yéh
matané mijil
Dadi
nguntuk
Nĕk tong
dadi mangucap
15. Né luh pada
maningĕhang
Sigsigan
pada mangĕling
Sambilang
manyonyoin pianak
I Madé Kérti
mamunyi
Tityang
boya mamitĕtin
Pĕkayunan bĕliné
patut
Nanging ké
pangidih tityang
I cĕning
titiang nyilurin
Tulya ipun
Bĕli kari
iring tityang
16. Pianak
titiangé luana
Bĕli masĕntana
muani
Déning
titiang di nĕgara
Pianak luh
mangéwĕhin
Déning gumi
cara jani
Asing
solahang tuara patut
Yan tan pagĕh
ring awak
Sinah ya
mati di margi
Tuara takut
Anaké salah
makutang
17. I Siladĕri
alon ngucap
Ĕnto patut
manah cai
Nah pianak
bĕliné juwang
Pianak cai
bĕli ngidih
Kéto luh
sarĕng kalih
Pianak
nyainé masilur
Nah dĕpang
suba idĕpang
Waluyannya
pianak nyai
Apang nĕrus
Trĕsnan
nyainé maipah
18. Ĕné ada
kaliliran
Bungkung
utama akatih
Jaga satru
tuwi socannya
Bĕli mĕkĕlin
I cĕning
Manian yan
ya suba kĕlih
Tuturang bĕli
di gunung
Né juwa
bungkungé baang
Sing sagét
nĕlokin bĕli
Tuwi ka
gunung
Bungkungé
nyihnayang pianak
19. Ané luh
tuwara manulak
Trĕsnané
takut maka kalih
Pianaknyané
kĕdék binal
Siladĕri kĕnyĕm
mamunyi
Jani uwa
bapan nyai
Madak ratu
panjang umur
Bisa
maningkahang awak
Nah magélan
uli jani
Apang nĕrus
Wĕkas matĕmu
di karma
Bersambung .......
