Lontar Cempaka
Gadang
1b. Om Awighnamastu nama siddham.
Nihan kaweruhaning Dewi Ratnakama duk sira
nguni karyya kama, karman sira Sanghyang Taya cemara geseng, tiba ring suyanya
ring patanu ika, kumeñar katon luwir Sanghyang Suryya, sinang magalang
prapténg
Siwa Bhuwana, minannya ring wwé ika tan hana wani amangan kama ika, apan
luwih kama ika, watek mina kabéh angemit ring wwé
patanu ika. Asing ngatonang padha ulap, apan luwih kawibhawanya luwir
suryya kanta yan upa-
2a. ma, ika pakidhepanya. Wus mangkana hana mwah kawuwusan
Sanghyang Taya prapta ring suya Gangga duk sira nguni macangkrama ring
suya Gangga ika. Adyus sira nanging tan weruh ring kamanya tiba ring wwe
ika. Mangke sira Sanghyang Taya kametnya gelis kama ika ring Sanghyang Taya,
kasukna ring taru jepun ika ring jronya. Tastra dasaksara, aksara, pancaksara,
dasaksara, ongkara, Sanghyang Ulucandra sinusuning kama ika ring jro ika. Wus
samangkana, iki pakidhepa-
2b. nya, Om Om Sang Kama putih apupul ring
cucupu manik, genah hingulun, Om kulit mulih pretiwi, daging mulih maring apah,
gni mulih maring teja, balung mulih maring bayu, otot mulih maring panon,
sabdha mulih maring gereh, kedek mulih maring tolerep, soca tengen mulih maring
Raditya, soca kiwa mulih maring ulan, usus mulih maring sagara, Om rambut mulih
maring akasa, Om sa ba ta a i, na ma si wa yam.
Panudinya kawruhakna, phalanya angruhakna
ring sira. Kulit-
3a. dadi sutra, hulu dadi lungsir, daging
dadi emas, getih dadi mirah, jajaringan dadi wastra sakalor, otot dadi suryya
amanca warna, usus dadi cangko warangan, papusus dadi manjeti, paparu dadi
ineban, ampru dadi jomaten tumpuking hati dadi pisya. Tungtunging hati dadi
komala winten, tungtung dadi nure, ineban dadi salang mute, donira jameji,
limpa dadi sutra katipa, kembang wa-
3b. ru dadi talam demas, wawayangan dadi dwi
paripe emas, balung dadi gagamanya, swaluha jadma wisesa.
Wus kaya samangkana mantuk sira Sanghyang
Taya ring awang-awang. Kawuwusan sang kama ring taru ika sampun tutug
candranya, mijil sira ring pakukuh ika. Wong rarei ika nora amangan anginum.
Tan warnnanem sapuluh candra, durung ngaran sampun weruh angucap, lumaku sira
haneng pinggiring toya ika, hana kahyangan bhatari Gangga, nga. Irika sira
araryan, dewi kama, nga.
4a. Wus hana sapta dina haneng kahyangan ika,
mijil bhatari Gangga, katon manusa istri, hana lingnya bhatari Gangga uduh
nini sang ayu, saking endi sangkane hingulun, lahwarahen sapa yayah ibu, ndi
tikang nagara, saturana ring hingulun. Tan ana weruh ring
yayah ibu, jeg maringne. Sumahur dewi Gangga ring daleming hati, iki manawi ya
kama duk inguni, ring suya muna nguni, kamanira sanghyang Taya, hanging wruh
hingulun rikita, uduh sang ayu nga, dewi Ratna kama.
Wus hana saca-
4b. Ndra haneng kahyangan ira bhatari Gangga.
Hana kawuwusan sanghyang Taya, wus samayaning dalu anarira ring sang dewi Ratna
kama. Uduh dewi Ratna kama, iki hana kawinugrahan hingulun, gni anglayang.
Mijil sira hage haneng pakundhan. Sampun amit sira ring nata ring Gangga
munggah sira ring agni anglayang. Hana kawinugrahanya Cempaka gadang, nga,
haneng cudamani genahnya, Sanghyang Taya sira winugraha ring dewi Ratna kama.
Wus ngaran dewi Ratna kama, dewi ratna Cempaka gadang, nga, apan-
5a. Sanghyang Taya kang winugraha kawibhawa
lewih. Uh sang ayu, asing matemahan leyak, iki tapaknya, apan kawitnya skar
sungsang lawan sekar anggrek. Ika matemahan leyak kalih, apan masuwe tan hana
watek sewa doraka. Mangkana ling sanghyang Sarigah, mantuk sira. Mangkan ling
sanghyang Sarigah. Mantuk sira.
Hana mangkin kawuwusan dewi Ratna Cempaka
wilis ngaranya, mayoga maring gni anglayang ngaranya, maring gni anglayang
ngarannya. Tan kasangga dening Sanghyang Basundari ngara-
5b. nya, tan kiniket dening Sanghyang Basundari
ngaranya, anrawang-anruwungring awang-awang ring uwung-uwung ngaranya, tan
kasenohan dening Sanghyang Raditya, Ulan, Lintang Tranggana, ngaranya tan
kinampehan dening Sanghyang Maruta, sor noranakasoran, luhurnorana kaluhuran,
apan hingulun atapaking leyak anggrek mas, nga, lawan leyak sungsang mas,
ngaran. Hana pangastawan hingulunring padhan sang sinuhun, Ang Ung Mang, masuk
maring Siwadrawa, mulih anaking netra, metu saking hirung,masuk maring cangkem,
mtu saking papuseran. Wus samangkana, hana sloka srutinya. Balampu, Siwa
tatyam, gni rasyam, matrampu, Omkaran, tatwam, rasyam, dantisariyam rsyam, tri
netram, sudantam, gni nrasnam.
Wus samangkan hana warah sang sinuhun padmi
ring para sisya kabeh, han sang sinuhun mantuk maring padma anglayang makadi Ni
Leyak Kasela petak lawan Ni Leyak Sudamala. Asing mara matemahan leyak, apan
kadibyaning sang sinuhun padmi, dewa alah ring sang nabe padmi,sa-
6b. to alah, sato matemahan leyak kabeh, leyak
kebo raja, i leyak banteng raja makadi ki leyak bawi syatilawan nileyak
sugaplong, makadi I Gendu Srayu. Wus samangkana, Ang Ang, makadi i leyak
gumatap gumitip kemita sang sinuhun, hahwa madoh ring sang padmi lawan ni leyak
kabeh makadi gajah mina lawan i Nagaraja. Hana pangundang hingulun makadi sang
garudha putih. Hana pawarah sangsinuhun padmi, haywa sambhawa, wus
dateng leyak kabeh, padha anembahring sang-
7a. sinuhun. Hana ganjaran sang sinuhun ring
para sisya kabeh. Hana sawa wong rarering kahyangan setra gandhamayu linuruban
dening waringin agung, laksana rumuhun tikang sawa, rumider haneng Tegal
penangsaran. Hana pangastawaning bayu, Er Er, duhuring hati, werring ungsilan,
gering papusuhan, dur ring papuru, suryya ring netra, Om Om ring papuseran, Ang
Ung Mang ring siwadwara, apan tuhu lwir Sanghyang taya, apan kadibyaning sang
sinihun, anglekas wong rare ring setra pabajangan, tinat watek leyak kabeh.
Hana ling sang sinu-
7b. hun padmi malarada marana kabeh, pukuhning
kepuh hana ring waringin sungsang, hana ring pamuhunan, hana ring tarptug, hana
ring pasugon, hana ring kahyangan, hana ring sumur, hana ring jurang ajro, hana
ringcatur desa, hana ring tegal, hana ring kayu, hana ring pempatan, hana ring
pangkung, hana ring sasunutan, hana ring sagara, hana ring gunung agung, hana
ring marghga tiga, hana ring karang suwung, hana ring pakarangan, sapagenah
leyak kabeh.
Hana mangkin kawuwus watek dewa kabeh
makadi bhatara Guru, tan wus ta-
8a. twa sira wruh anaranjana, madres waspanya
Sanghyan Paramesti Guru, apan kadibyaning I Cempaka gadang, hana dewa asih ring
I Cempaka Wilis. Ndita waranugraha dadi matemahan sakti, dewa alah, dewa
matemahan leyak, asingtuminggal matemahanleyak, ika matwang Sanghyang Paramesti
Guru, rerem tikang rat hudan mabales, kilap magalak, sarwwa mandi galak, sarwwa
ulad-alid magalak. Yan hana candra, meh gring tikang rat, kadibyaning I Ratna
Cempaka Kresna, apan lwih waranugrahanya. Wus mangka-
8b. na hana ling Sanghyang Suryya ring sawatek
hyang kabeh, haywa mangkan. Yan hana manusa kembar anak sang pandhita, yan kamu
dewa tan weruh ring genahnya ring soring bahsundhari, pandhita bhodha ika
adrewe anak kembar ngaran Sang Siwa Gendu lawan Sang Windhu Bajra. Ika wenang
amejah I Cempaka Gadang, hana dinanta ring Sukra Umanis, tanggal tiga welas.
Ika rumuhun minta sarana ring sang pandhita bhodha, masa tanda tan mati ring
Sukra Umanis, tanggal tiga welas, ring sasih kacatur. Pejaha ring ungguhanne
manusa gudung basur. Mangkan ling Sanghyang Suryya ring sa-
9a. watek dewa kabeh.
Wus mangkana, hana ling Sanghyang
Parameswara, lingira, sajna maha rsi, lunga ta ya haneng sapta patala, minta
sarana ring sang mahamuni, tumus asih lawan hingulun apan kadursilan dening
sang wruh anranjana. Mangkana lingnya guru ring Bhagawan Sampeyana. Lunga ta
gagisun matemahan gagak petak, anglayang ring sapta guminta alungguh ring
dyunidanta, sasanganiron ika, apan sang Bhoda durung amuja, mabuna,
makatiwanda, makilat bagu mangondala, manting-anting, macunda manik, apan
tuhusanh Bhoda angre-
9b. ngreng srutinira.
Wus samangkana,amuja sang pandhita, pakulun
sang mahamuni, hana ajnana Sanghyang Pramesti Guru ring hatita, hingulun mangke
aminta sarana ring mahamuni. Sanghyang Iswara lara daleming hati, alah dening
kawibhawan de sang Ratna Cempaka Gadang,asing matemahan leyak, nata matemahan
leyak, pejah asu matemahan leyak, sadina magring tikang rat madhya pada lawan
swarggha. Mintasaran ranaktangwang. Ika wenang amejaha I Cempak Gadang, apan
hana ling Sanghyang Suryya dukning hatita ring Sanghyang Pramesti Guru.
Mangkana lingya.
10a. Bhagawan Sampeyana ring sang mahamuni.
Sajna maha rsi, Om Om hyang maha rsi, ndan
tumadah lebaning manah sang pandhita, anakta juga sang maha rsi maha waraha
sang pandhita ring ranak kami. Yan tuhu juga, angling hyang makidhepku, atapak
punang Siwa dwara tikang yayah, Om Om, raksanen jiwa atmanta, ma, sruti,
bayu wititam jiwa, botram garudecam pranah, waktram siddhi, omkaram
dewam, pagupati winitram, windu winastram, badra nityam, sur-
10b. yya candram, winityam jajaranam, pasupati
siwa dwaram. Ang garudha putih, heng garudha hitam raksanem jiwa atmanta, pasuk
wetu bayu idhep, Siwa ring Siwa dwara, suryya ring netra Sanghyang Iswara ring
cangkem, sanghyang mahadewa ring papusuhan, brahma ring papuru, wisnuring hati,
Sanghyang Antabhoga ring pruting sabdha, bayu idhep. Sanghyang bayu ring suku
kiwa tengen lawan ring tangan kiwa tengen. Wus mangkana, sumahur tikang ranak,
tabe pakulun ikang ranak, hukun mangke apasang sembah ring sang Adiguru ping
kartini.
11a. wus mangkana lumaku tan bhagawan
wesampeyana lawan sang Siwa Gendu lawan Sang Windhu Bajra. Huwus prapta haneng
swarghan samuha, nganjali ring Hang Siwa, pakulun tabe bhatara apasang sargha
ping kartini ring Hang Siwa. Wus mangkana , hana ling Hyang Guru ring
Sang Siwa Gendu, apan tuhu meweh tikang rat ring madhayapada, magring tikang
rat den Sang Cempaka Gadang, apanluwih guna saktinya, asing weruh caraning
balyan pejah, yan nora pejah, matemahan leyak, asing tinulung pejah. Tuhu meweh
tikang rat, lwir grubug tikang rat, gagak muni rahina dalu. Mangkana
11b. ling Hyang Siwa. Hikang marmaning wruh ring
sang Cempaka Gadang haneng cemara geseng genahnya, apan akweh punang sisyanya.
Mangkana ling Hyang Siwa. Pukulun tabe bhatara Hyang Pramesti Guru,
hingulun mangke amwita ring watek hyang kabeh. Sumahur bhagawan wesampanaya,
Iki dalanyahaneng jurang hajro, haneng lor wetan, tuhu beneng ya haneng cemara
geseng. Hagenya lumampah sang karo haneng lor wetan. Wus tapak haneng maryaloka
kacunduk Hyang Suryya haneng arah-arahaning cemara geseng, hana lingira Hyang
Suryya, hanging ta matemahan dukuh,
12a. malanya tan sipi, sukunya pabrotong, tangan
kiwa tan pajriji, wusnya haneng tpining dalam, karange dening sang Siwa gandu,
kawelas arsa hatinya ring sang dukuh, eh tka kaki dukuh, ndita tikang nagara,
lah ta warahana dumatenging, haneng giri pakuning madwi, hingulun sang siki
juga, tan ana swamin hingulun juga haneng giri, mawarahta lagi sang dukuh,
hingulun angrenge wreta yukti tan yukti hulun tan weruha. Sang Cempaka Gadang
weruhanranjana sakti guna tan paden rat, apan wus patus sukretinya haneng gni.
12b. Anglayang, kawinugrahan dening Sang Hyang
Taya. Hana kawinugrahanya, Sanghyang Taya ring Cempaka Gadang, ngaranya, haneng
cudamani jiwa atmanya sang Cempaka Gadang. Mangkana ling sang Dukuh. Sumahur
sang Siwa Gandu ringsang Dukuh. Mangkana kawisesanya, haneng cudamani saktinya
Ratna Cempaka Gadang. Sumahur sang Dukuh, tuhuyukti. Iki tumingalana. Ngaran
suryya kanta, kuranta bolong ngaranya. Iriki lumihat sang Siwa Gandu haneng
kuranta bolong, katonta I Cempaka Gadang hana ring setra Gandhamayu, hana ring
pukuhing ke-
13a. puh, kinemit dening leyak kabeh, ngaranya,
hana ring kepuh kawanda lawan basang-basang, lawan hati, lawan pasuhan, lawan
papuru, lawan hulu, haneng pucaking kepuh. Res hati sang Siwa Gandu lawanta
sang Windhu Bajra sarwwi matohang citanata haneng Gandhamayu, sawatek daging
sawa haneng kepuh. Wus samangkana pangudaleming hati, mwahta mojar sang Dukuh,
kaya apan punang swacita, sumahur ta sang Siwa Gandhu, hingulun kineh amejah de
hyang Guru, I Dewi Ratna Cempaka Gadang. Mangkana ling sang Siwa Gandha, suma-
13b. hur sang dukuh, haywa damakat haneng kene.
Sumahur sang Siwa Gandhu. Hingulun amwit mangke ring sang Dukuh, sumahur sang
Dukuh, haywa adadawa wuwus.mingista sang Siwa Gandhu lawanta maharinya sang
Windhu Bajra.wus adoh lukanira haneng lurahning cemara geseng, sinnna tikang
rat, tan ana wang kapanggih haneng dalam, sawiji nora hana katon. Wus sinurup hyang
arkka, wus hana madyaning dalu, sang siwa Gandhu matemahan gagak putih lawan
sang windhu bajra matemahan sesapi petak, haneng cemara geseng, alungguh sira,
haneng wa-
14a. ringin agung. Irika sang Siwa gandhu, hana
lingira ring kang harinya. Mawarah sang Siwa gandhu, haywa mangkana, lah
warahana Sang Cempaka Gadang, sumahur harinya, pakulun sang kaka, hingulun
warahana sang cemapaka Gadang. Eh Cemapaka gadang, hingulun teki anglepas
yamwa, ika juga marmaning hingulun, ma, Om Ang, Ang Om, Ang Garudha, iki wruh
ring Siwatman, lingging aji, Omkara sumungsang hana ring nabhi, repsirep
sahaning leyak kabeh lawan sahananing gumatap-gumitip, rep paddha sirep, Ang
Ang, Ung Ung, Ing Ing, masuk ring netra, mulih-
14b. ring otot, bhuta padha sirep, sarwwa amangsang
sirep. Wus sampun anglepas sanghyang Aji sirep haneng kahyangan, ndan lumampah
sang siwa Gandhu lawam harinya. Eh ta kita sang Cempaka Gadang, iki sang wruh
anranjanasang Cempaka Gadang haneng paturon, sira aguling.wus mengo punang
lawangan, dadi ta masuk Siwa Gandhu, harinya haneng jaba. Ndan sang Siwa Gandhu
sampun katuwek ping trini, sang Cempaka Gadang, dadi ta angerak luwir
kapupungan sang Cempaka Gadang, mijil haneng setra angundang para sisya kabeh,
makadi leyak Anggrek Mas, lawan I le-
15a. yak Sungsang Mas, mawarahsang ssinuhun
Padmi, hana pandung, sang Siwa Gandhu haneng sapta patala, nga. Sumahur para
sisya kabeh, pakulun sang sinuhun, haywa asukska. Hingulun amapag maka sakti
sang Siwa Gandhu. Wus samangkana, lumaku watek kabeh, Ni Anggrek Mas, Ni
Sungsang Mas. Mawarah ta kita ring sang Siwa Gandhu, iki Brahmana Bhodha sapta
guminta, iki kaweruhakna ningulun, mijil agni haneng siwadwara, angendah-endah
rupanya tikang agni.eh sang Siwa Gandhu, kaya apa citanta. Mangke mawarah sang
Siwa Gandhu. Hingu-
15b. lun tan awedi. Kaherang idhepnya sang empu
Siwa Gandhu, kageseng Ni Leyak Anggrek Mas, pejah matemahan hawu, akweh leyak
kabeh, tan apejah kapilayu mwahpedek ring sang sinuhun, mawedi hingulun ring
kadibyaning sang Siwa Gandhu. Mawarah Ni Cempaka Gadang. Eh para sisya kabeh,
haywa mangkana. Hingulun mangke amapag saktinya sang Siwa Gandhu. Hage lumapah
sang sinuhun haneng setra kairing watek leyak kabeh.wus kacunduk aang Siwa
Gandhu haneng kahyangan. Mawarah sang Cempaka Gadang, Eh sang Siwa Gandhu,
ndita gawenya haneng kene, waraha sajati lawan hingu-
16a. lun, haywa ngundha sabdha, lah warahana
lawan hingulun, nahan lingnya kaya weruh ring tata warnnanya sang Cempaka
Gadang, dening kawistara haneng sapta patala. Ika marmaning dateng haneng kene.
Mangkana lingira sang Siwa Gadhu, sumahur I dewi Cempaka Gadang. Yan kaya
wruhring kadibyaning hulun. Matemahan kukus, matemahan bade, matemahan waringin
sungsang. Wus matemahan waringin, matemahan agni. Wus matemahan agni, matemahan
candra. Wus matemahan candra, ngendah-endah rupanya, meh hana sapta rupanya,
nanging hingulun tan awedi ring kawibhawanya.
16b. Ndehta asabdha sang Cempaka Gadang, eh ta
kita sang Siwa Gandhu, haywa langgana ring kami mangke, manusa maring kene wedi
ring hingulun, sato alah, sato matemahan bhuta kabeh, dewa alah, sarwwa
magalak, padha alah, ring hingulunmangke sarwwa gumatap-gumitip padha alah,
dadinta sang Siwa Gandhu tar kewasa dening hingulun mangke, apan luwih gunanya,
tuhu anak Sang Budha. Nahan ling sang Cempaka Gadang,dadita mundur sang Cempaka
Gadang, mesat ring padma anglayang, masuk ring sarining padma.
17a. Tan warnan polahira sang Cempaka Gadang,
mangke cinaritaken sang Siwa Gandhu ring lemah, angrasang punang hredaya lawan
maharinya sang Mpu Siwa Bajra, yayi matemahan tambelilingan petak, hingulun
mangke matemahan kakupu mas. Wus mangkana sang kalih hayuti rupa, wus matemahan
tambelilingan mabur ring akasa, hangucap sarining padma, mundu ta muwah sang
Cempak Gadang, masuk ta muwah maring gni anglayang, mwah ta kaburu sang Cempaka
Gadang alungguh sira maring gni anglayang. Kanggek sang kalih muwah ta
matemahan hudan, hana matemahan-
17b. an maruta, hudep ikang agni, mundur ta mwah
masuk ring sagar manadi mina. Mwah kanggek sang kalih haneng tepining sagara.
Tuhu meweh punang cita. Irika ta sang kalih manadi mina agung, rame punang
aprang maring tengahing sagara, mundur ta mwah sang Cempaka Gadang, mesat
maring megha, nadi megha. Mwah ta kanggek sang kalih katon ring megha. Mwah ta
angrasa punang cita. Mojar sang Siwa Gadhu. Uduh hariningulun, yayi haneng
lemah, hingulun haneng akasa. Mwah matemahan sesapi putih nusup ring megha,
harinya matemahan asu bolot. Rame pu-
18a. nang aprang rahina dalu, prang hira sang
tiga. Prang hira meh hana sacandra sapta dina, tan hana anginum sang tiga
rahina dalu, apan tan kawasa mabur, apan luyu punang hredaya, araryana aprang
sapta dina sang tiga mwang ta mantuk sang kalih minta sarana ring sang aji
Guru. Wus prapta haneng sapta guminta, humarek sang aji, sangkeng madoh sira
anganjali sang kalih, pakulun sang aji, pasang tabe rikang ranak. Mojar ta sang
pandhita, ndita sangkanya dateng marangka, wus pejah sang Cempaka Gadang
sumahur anaknya, tuhu meweh tikang ranak, pan luwih gunanya. Masuwe maprang
haneng madhya-
18b. loka, hana sacandra sapta dina prang
hingulun. Mwah mojar sang pandhita, kaywa sungseka punang hidhep, iki kana
tekaning hulun apan luwih gunanya, apan nugrahan sanghyang Antabhoga duking
nguni, ngaran, gni sawelas, warnna ngendah-endah rupanya. Ika wenang sang
Cempaka Gadang. Iki panglepas I Siwa Gni Putih, ngaranya, utama dahat. Iki
padha gawenen. Wus mangkana amit ya sang kalih. Wus madoh lampahnya, tan
warnnanen ring hanuwus dateng maring cemara geseng, anujug ring kuwunira sang Cempaka
Gadang. Ih Cempaka Gadang haywa masuwe, hihulun asuwe atunggu.
19a. ring kene, nahan ujar sang kalih. Mawuwus
sang Cempaka Gadang, haywa mangke aprang, yan wus madyaning dalu, ikang wenang
aprang. Hatinen rumuhun. Tan ucapan sampun tengah wengi, maprang ta sira mwah
ring akasa, rame punang prang, rahina dalu prangnya, maswe tikang aprang,
kacindra prangnya sang Cempaka Gadang mwah mundur kapilayu sira masuk sira ring
gni manusa gusug agung, kaburu ring sang kalih anglepasang gni petak, saksana
pejah sang Cempaka Gadang matemahan awu. Sang Siwa Gandhu lawan sang Siwa Bajra
mantuksira sang kalih.wus madoh lumampah ira, tan ucapan sang mantuk.
19b. Hana mangkin kawuwusan atmanya ring
yamaniloka gnahnya sang Cempaka Wilis, atmanaya ring kawah tambra gomuka.
Bhagawan Petra raja kinen amuncang watek bregala kabeh, para sisya kabeh, hana
ring kawah ndut genahnya, hana ring kawah bacin genahnya, hana sinepit dening
wesi, hana sinepit dening sela agung, hana kahulur lawan ginetek atmanya,
tangyanya leak kabeh, amrih-mrih tangisnya wateknya kabeh anonton atmanya sang
Cempaka Gadang, gegerwatek dewa kabeh. Wus samangkana, cina-
20a. ritanen sang Siwa Gandhu lawan harinya sang
Siwa Bajra haneng dalan. Kacunduk sanghyang Siwa. Atanya sira ring sang kalih
sang Siwa Gandhu lawan Mpu Siwa Bajra, hingulun maswe maminta srana kanti sira
karo. Mangkana ling sanghyang Pramesti Guru ring sang kalih. Sumahur ta sang
Siwa Gandhu, haywa awuwus mangkana ring hulun mangkana mangke, apan maswe
haneng kene, apan wus pejah Dewi Ratna Cempaka Gadang. Hingulun mangke aminta
pahninging hidhep, apan leteh punang hati, ika marmaning hingulun.