GEGURITAN
INDIK RSI YADNYA
PUPUH
GINANTI
1.
Unteng Rsi yadnya katur
suksma
bhakti ring sang resi
Ida
ngicén kaweruhan
medana
punia jati
swadarma
umat ring jagat
mantuk
maring sang sulinggih
2.
Madwijati né kawuwus
utawi
madiksa yukti
munggah
saking walaka
dados
Ida sang sulinggih
né
patut guru nabénya
gelar
malih keicénin
3.
Swadarma Ida sang putus
adi
guru loka niti
mamuja
marep ring purwa
Siwa
raditya kaésti
nunas
rahayu ring Ida
mangda
landuh jagat sami
RIKALA
MADWIJATI
PUPUH
SINOM
1.
Yéning Ida sang Brahmana
Piagemé
kasungkemin
Yogya
melajah mahoma
Patut
mapawéwéh malih
Paica
aturan luwih
Seneng
masucian laut
Ngajah
lan dados nayaka
Sang
mahoma lan samadi
Yogya
kayun
Nampén
paica haturan
2.
Bratan Ida sang Brahmana
Roras
katahnya sujati
Bacakan
ipun punika
Dharma
Satya Tapa Hrih
Wimatsaritwa
Drthi
Titiksa
lan dana milu
Dama
miwah Anusaya
Ksama
taler menyarengin
Jangkep
sampun
Babratan
sang Brahmana
RIKALA
RSI BOJANA
PUPUH
SEMARANDANA
1.
Padéwasan sané becik
Kala
medana punia
Pengawit
suryané ngalérang
Né
mwasta daksinayana
Miwah
kalaning ngelodang
Pengawit
surya puniku
Né
mwasta utara yana
2.
Sada sitimuka malih
surya
bulané kepangan
manut
sarasamuscaya
déwasané
mahotama
déwasa
madana punia
yan
sida antuk manuwut
banget
luwih pikolihnya
3.
Patutnya masih ingenin
Kalaning
mawéh pedana
Duwaning
tan ja sabarang
Sang
patut wéwéh pedana
Yan
iwang antuk niwakang
Mingkin
ring sang tan sadhu
Padanané
tan paguna
