W. Sukeman
PUPUH
KADUWUNG
1.
Om Swastyastu Awighnamastu
Sembahningwang ri Hyang Aji
Meraga Hyangning kawruhan, Saraswati
Kalih Sang Hyang Kawiswara
Tonton sembah hulun téki nekéng ati
Ica mawéha panuntun
Ring kawula rikalaning nganggit gita
Nanging banget ampurayang, mnawi sisip
Apan hulun wwang wimuda alpa Aji
Pangkah niru sang wus weruh, sira sang meraga wagmi
Mwah ksamakna silaningwang
Mogi tan ka-upadrawa, tan kenéng tulah
carik
Dirgahayu dirgayusa
Sakulagotra mwang sentananing hulun.
PUPUH
SINOM
2.
Kadi né mungguh ring lontar
Arya Bang Sidemen
nami
Kocap Ida Panataran
Sira Angamét ikang stri
I Gusti Ayu Buringkit
Sutanira sang kawuwus
Kyai Agung Petandakan
Treh Nararya Kepakisan
Hanéng dangu
Uwus awidhi widana
3.
Ida Penataran warnan
Sira juga apapasih
I Gusti Kacang Dawa
Ring Kacang pawos mapuri
Mtangnyan sira inarani
Gusti Kacang Pawos wuwus
Adrewya sunu rwa sanak
Gusti Ngurah Dimadé siki
Ari tyos ibu
Ngaran Gusti Ngurah Bija
4.
Dimadé I Gusti Ngurah
Katitah olih I aji
Mapuri ring Sindu merta
Sidemen ngaranya mangkin
Donikang yayah I
Gusti
Lamakana tampek lungguh
Ring Kahyangan Basukihan
També ika sira Gusti
Juga Kwuwus
I Gusti Ngurah Singarsa
PUPUH GINADA
5.
I Gusti Ngurah Singarsa
Sira nurunang lalintih
Arya Wang Bang
Sidemen ika
Mangkana rakwa kawuwus
Henengang punang carita
Warna mangkin
Kahananing Gélgél rajya
6.
Sadakala candra sangkala
Indra Sangara Tasiking
Bhumi (5441)
Saka syu samas setiman
(1445)
Maséhi syu limangatus
Naggu kalih dasa tiga
(1523)
Gélgél puri
Kahanannya aro ara
7.
Tan kawruhi penangkannya
Patukaré maring puri
Sira Dalem hanéng rajya
Lawan pengabih tan
anut
Ngawé rug ikang negara
Ya ta wiwit
Gusti Kacang Pawos késah
PUPUH DURMA
8.
Dané Gusti Kacang Dawa ninggal rajya
Prapta maring Aan negari
Klungkung wawidangan
Ngka ta sira sinanggraha
Dé Ki Pasek Katrangan
nami
Warihira
Ki Pasek Gélgél mekadi
9.
Kirang langkung limang warsa lawasira
Gusti Kacang Dawa ngili
Jenek maring Aan
Mangké hana idepira
Anilari Aan negari
Anuju gnah
Né rinasa kerta ring
ati
10. Windu
Wisaya Warihing Prabu kocap (0541)
Ika candrasangkalani
Syu samas séket isaka
(1450)
Siyu limangatus muwah
Ululikur ring masehi
(1528)
Ngka ta sira
Gusti Kacang Dawa memargi
PUPUH SEMARANDANA
11. Mamwit
ta sira I Gusti
Ri sira Pasek Katrangan
Nghing sangka ri bhaktinira
Matangyan Pasek Katrangan
Milūmiringaken lampah
Gusti Kacang Dawān laku
Umungsi sthanané kerta
12. Lian
sangkérika malih
Pinaka cihna bhaktinya
Dané Ki Pasek Katrangan
Inaturi sang
panmbahan
Gelung panji cihna satya
Katkéng mangké gelung
iku
Ring Pura Pasek Kedisan (manutlontarbrahmanapurana)
PUPUH GAMBUH
13. Tan
lingan maring henu
Rikalanira lumaku
Gusti Kacang Dawa mwang
pangiring sami
Kancit prapta ring
jelujuh
Genah manut ring tatujon
14. Ngka
ta sira alungguh
Para pangiring satinut
Apan wus rinasa kerta
lila ati
Ngka ngawit agawé kuwu
Mwang prasama akarya kebon
PUPUH MAS KUMAMBANG
15. Glis
carita wus malawas Dané Gusti
Sira Kacang Dawa
Hana ring genahé kapti
Lawan Ki Pasek Katrangan
16. Maka
miwah prasama watek pangiring
Hana kahyunira
Pasek Katrangan mwang
Gusti
Angwangun punang pradésa
PUPUH GINANTI
17. Wus
teka déwasa ayu
Ikang sabha sampun mawit
Pada ngwijilang tatimbang
Maring sabha kaingkupin
Pradésané kawangunang
Ring érsanya sangké riki
18. Linggihira
duk puniku
Maring kebwan sareng sami
Kebon mangké araniya
Ngersanya saking gnahiki
Hana alas madhurgama
Kakwéhan Déning sarwa paksi
PUPUH PUCUNG
19. Paksi
iku
Ring basa bali kawuwus
Kedis Inaranan
Mwah apan sira I
Gusti
Wit saking Aan tekanira
prasama
20. Ya
ta hétu
Maka pangéling kapungkur
Mangdané tan lipya
Sentana lan sa-trah sami
Ikang Désa kinaran désa KEDISAN
PUPUH ADRI
21. Manut
ring ilikita umungguh
Kang Désa Kedisan
NgawitApuy Awtaraning-
Jaladhi Chandra kawuwus
(3641)
Candrasangkalanya iku
Syu samas nem dasa tiga
(1463)
Ring warsa isaka wuwus
Syu limangatus ptang dasa-
Nanggu siki maséhi warsa
(1541)
22. Para
kramanya puniku
Tan wang Bali mula
Nging wit saking Aga
jawi
Késah saking gunung raung
Iringan Rsi Markandya
iku
Pecak rihin ring jawi
wétan
Kala lungha hanéng bangsul
Manut Markandya purana
Mangkana rakwa kramanya
PUPUH PANGKUR
23. Samangkana
cinarita
Wit hana Désa Kedisan
rawuh mangkin
Perbekelan Kdisan wuwus
Pupulan pitung banjar
Kedisan Kaja Kedisan klod
lwir ipun
Pakudui Kebon Bayad
Cebok Tangkup jangkep sami
PUPUH MIJIL
24. Sapunika
daginging gagurit
Mogi mapikenoh
Nanging banget lungsur
ampurané
Réhning tityang tambeté
tan kadi
Purun sareng ngurit
Mogi manut ring kayun
25. Mangda
wénten anggén tityang titi
Ring para semeton
Ledang ugi micang piteketé
Sat panuntun rikala mangurit
Mangkin tityang pamit
Parama santhi katur
Om SanthiSanthiSanthi Om