Desa Pakraman Talepud adalah sebuah desa pakraman yang terdiri dari 1 banjar dinas yaitu banjar pujung kaja yang terletak di desa Sebatu, Kecamatan Tegallalang, Kabupaten Gianyar, Bali.
Pura Bali Bang adalah salah satu pura yang terdapat di wilayah desa pakraman Talepud yang di empon oleh krama pura Bali Bang yang berada di wilayah desa pakraman talepud dan juga krama pura Bali Bang yang tersebar di bebepara kabupaten di bali.
adapun kisah singkat sejarah Desa Pakraman Talepud dan juga sejarah pura Bali Bang akan diceritakan lewat geguritan berikut ini. Mohon dimaafkan atas segala kekurangan, kesalahan dan ketidak sempurnaan geguritan ini, selanjutnya kritik dan saran diharapkan untuk kebaikan.
Geguritan
KAWIT PURA BALI BANG - TALEPUD
PUPUH SINOM
1.
Gung ampura titiang
Ring para
semeton sami
Antuk
pangkah nyaritayang
Wit pura
Bali Bang nguni
Wantah
anggén titi bakti
Majeng
ring lelangit dangu
Sané
sampun meraga sunya
Malinggih
ring swarga luwih
Singgih
ratu
Picayang
pamargi galang
2.
Prasida titiang manyurat
Pamargin
panglingsir nguni
Mawit saking
Jawa dwipa
Makudang
warsa né rihin
Inaran Ki
Dukuh Sakti
Ida
pascad lintang sadu
Késah ka
Bali pulina
Nyujur Gunung
Abang yukti
Sampun
rawuh
Ida
ngawangun pasraman
PUPUH GINADA
1.
Yan bawosang kawisesan
Ki Dukuh
kalintang sakti
Awanan I duracara
Nungkul takut
ngawé rusuh
Mawinan ring
paseraman
Sida
trepti
Rawuhing sawewidangan
2.
Ki Dukuh lintang swéca
Maring
kula gotra sami
Mawinan
sisyané baktya
Sawuyug
rawuh maguru
Nunas
tuntunan susila
Tutur
yukti
Nabdab
sajroning magama
3.
Paswarané kakaryanang
Anggén
panepas ring gumi
Rikanjek
wénten wicara
Mangda wénten
sepat putus
Nénten
ngewangun duhkita
Ring
pamargi
Nabdab
sukertaning jagat
4.
Ki Dukuh kalintang lédang
Tumon wewidangan
asri
Ngawé sutreptining
manah
Bilih para
krama tutut
Ngemargiang
asing kawarah
Maka sami
Ajeg
ngemargiang swadarma
5.
Tan ucapan pirang warsa
Degdeg kehanan
negari
Sukané ring
paseraman
magentos
sungsut ngaliput
Ida Dukuh
sungkan rahat
Nénten lami
Pamuputné
Ida Séda
PUPUH DURMA
1.
Kacarita, Sang Yogi sampun lina
Aab jagaté
masalin
Katah
wong corah ngrugada
Para
putra lintang osah
Sisyané
kajarah sami
Kantos
rusak
Tan sida
mélanin gumi
2.
Tadanantara, wénten bégal parikosa
Ngawénang
wargané klilih
Sami mlaib
pada késah
Panyujuré
nyatur désa
Kocapan jro
Nengah Bedil
Sareng roras
Ngiringang
nuju neriti
3. Sada agya, pemarginé tan rarian
Kancit panggih genah asri
Mabawos i Jero Nengah
”nah paman ajak makejang
Wiréh suba neked jani
Jalan dabdabang
Ngaé padunungan dini”
4. Maka sami, pengiringé pada arsa
Sumuyug matur sairing
Raris pada medabdaban
Nangun pondok paembonan
Genah ngabakti tan lali
Ngarcana Sang Hyang
Turus lumbung kekaryanin
5. Sampun puput, sareng sami mesandekan
Jero nengah malih mawosin
” nah paman ajak makejang
Mapan suba mepaletan
Jani gelah ngewastanin
Ikang pradésa
Tatepud ikanang nami
6. Yan artosin, Ta ika sang ngili ngaran
Tepud ika kategesin
Tumus utawi wus prapta
Sang ngili wus sida prapta
Swéning aswé ikang nami
Talepud ngaran
Katami tekaning mangkin
PUPUH GINANTI
1. Ring genah becik puniku
Dané mekel minakadi
Watek rorasé makrama
Ngemanggehang darma jati
Nginkin saluwiring utsaha
Nangiang parhyangan suci
2. Upacara mamargi nulus
Manut uku tanggal sasih
Yata mungguh ring wariga
Panca yadnya nulur sami
Buda kliwon tumpek
tatas
Buda cemeng anggar kasih
3. Katuju rahina dalu
Wénten réncang keni gering
Jantos mamungguh durlaba
Ring mekel Nengah Bedil
Ngadikayang mangdén nunas
Tirta tunggang ring Basuki
PUPUH SEMARANDANA
1. Utusan malampah gelis
Tetujoné mangersania
Nénten ngétang sinangkawon
Nglintang pangkung alas wayah
Nuut titi tukad linggah
Kocap mangkin sampun rawuh
Napak ring natar Basukian
2. Tan Padanantara yukti
Medal sabda ngawang-awang
Ih utusan kita tumon
Mawali ta kita muwah
Apa yan ana pangguha
Maring wéi pakerisan tuhu
Ika ginawayan kita
3. Taru duwur batu kapanggih
Raris ipun gagésonan
Ngambil sangku anggén natak
Nanging tirta nénten medal
Mawali ipun gagésonan
Nuju Basakih lumaku
Mamitang tirta pangentas
4. Sakémawon kandapan ugi
Tukad Dapdap sedeng mebeng
Kajekan Ida Peranda
Geria sakti Manuaba
Risedek ngarya empelan
I utusan raris matur
Titiang nunas margi nglintang
5. Ida Peranda ngandika Raris
Lakar ngudyang cening liwat
Ampura singgih Peranda
Jagi nunas tirta pangentas
Nah laut suba saludang
Sibuh pan ceningé ditu
Uli dini wédain bapa
6. Kesaludang sibuhé gelis
Ring képuan kebo rakwa
Puek putek ikang toya
Ngkana Singgih Peranda
Nguncaraken wéda mantra
Risampun polahé puput
Lautang cening matulak
7. Sang utusan nglungsur pamit
Tan lali matur suksema
Réh sampun kapica tirta
Gagelisan raris késah
Saking tepin tukad dadap
Jalan belig
das-das labuh
Nanging nénten kerasayang
PUPUH PANGKUR
1. Munggwing tirtané punika
Wus kapundut, putusan gelis mawali
Lumaku ka jagat Talepud
Ring jalan ipun mamanah
Dadi nguda
Tirtané twara ja patuh
Tirta tunggang ening tatas
Pican Peranda puek yukti
2. Né mangkin kacaritayang
I utusan ring tlepud sampun prapti
Manah ipun kadi bingung
Tirta iku katuruang
Nanging nadak
Tanahé manadi puhun
Maka cihna warna barak
I utusan walang
ati
PUPUH DANGDANG
1. Sangkunyané kadagingn toya ening, kaaturang
Pamekelé nrima, anggén srana maniwakin
Sawané tan sida puwun
Mekelé dadi sengsaya
Utusan kaparitatas
Indik pajalané iku
Nunas tirta ring Basukian, tirta tunggang
I utusan matur aris
Nguningang saparindikan
2. Pamekelé mangkin digelis, ngandikayang
Tangkil ring Peranda, utusan tragia nampénin
Caritayang sampun rawuh
Matur saha sinampura
Ida Peranda ngandika
Kaduluran bawos tuhu
Né tuwah sangkaning titah, Ida Bhatara
Kema té cening mawali
Ditu tangiang parhyangan
PUPUH GINADA
1. Jani bapa makélingang
Wit pican Ida Hyang Widhi
Ulian tirtané katuruang
Mawastu genahé puwun
Tanahé manadi
barak
Ento ciri
Wateking Bang kawitania
2. Pura Barak sujatinia
Bali Bang maka panyiwi
Purané matumpang rwa
Cihnan paicané tuhu
Ida Bhatara Basukian
Dados tunggil
Ring pican Ida Peranda
3. Palinggihé nyatur bwana
Kailehin taman asri
Ditu panjaké kalugra
Nunas sabwat yadnyan iku
Mangda nglantur kawekasan
Tuhu jati
Anggén tunggul ring koripan
PUPUH DURMA
1. Singgih ratu, ampurayang munggwing titiang
Panjak nambet, nista yukti
Kémawon manahé langgia
Nulad pemargin sang wikan
Larapaan astiti bakti
Ring kawitan
Suwéca ugi ngalugrahin
2. Lédang ratu, nyunarin damuh Bhatara
Mangdén nulus dreda bakti
Sajroning ipun mangayah
Nglungsur paican Bhatara
Sekala niskala yukti
Suka treptia
Gemah ripah loh jinawi
