PUPUH DEMUNG ( PANJANG - BAWAK )
1. Tan
kocapan tarunané jani
Tan lian né kawuwus i ayu
Mangrangsuk pahyas
Panganggéné sarwa luwih
Sayan ayu mangayang-ngayang
Buka widyadari nurun
Kasunaran baan bulan
Wedanané melok lumlum
2. Bunga masé
manyuluhin
Mangranyab paningalané balut
Rasannya manis ngenyudang ati
Sampun magegandan arum
Miyik racik pitu
Maboréh masab murub
Raris ka pamereman
Pasaréané sampun maukup
Pepanjang ané luung
3. Ider-ider
sutra lan ulap-ulap
Langséné pitung turut
Maturah katempuh tampulé
Malilit caul kasuré matumpang telu
Maules patola gegulingé permas
Galengé madédés tingalung
4. Maules
becik sigar mangsi
Tutubé masulam emas
Mamata meka cecandené
nyanding pakrining
Masulam gebogan
Asin paturon I ayu
Rasanya buka ring swargan
Miyiké mangulub-ulub
5. Dedampingé
tuhu rawit
Peti table luung
Matulis lelampahan
Malaté di gunung kawi
Kotaké maturun-turunan
Masanding karas perahu
Di sesanggrané
Tan sah amik-amikan ditu
