KAKAWIN RAMAYANA - SARGAH 3 ( PRETWITALA )

KAKAWIN RAMAYANA

03. TRETlYAS SARGGAH

PRETWITALA  :  o - o / o o - / o - o / o o - / o - - / o o /  17

1.      Datĕng pwa mahārāja sang Daśaratha ry Ayodhyāpura,

inastuti ta sang naréndrasuta Rāma déning sarāt,

apan ilangakĕn musuhnira mahārsi ring āśrama,

lawan Paraśurāma śakti tuwi sor atah dé nira.

Sampun rawuh Prabu Dasaratha ring puri Ayodhya,

kahalĕm déwagung putra Rama antuk jagaté,

santukan nĕlasang mĕsĕh Ida Sang Mahamuni ring patapan,

miwah Sang Rama Bhargawa yadyastun mawisésa talêr kawon antuk Ida.

2.      Tatan hana wanéh anung pinuji dé nikang wwang kabéh,

naréndrasuta Rāmadéwa sira sākti tātan kalén,

amātya bhatamantri tusta magirang padā ngastuti,

sirékana inisti ratwa nikanāng Ayodhyāpura.

Tan wéntĕn tiyos sané kajunjung antuk wadwané sami,

déwagung putra Raghawa Ida wisésa tan wéntĕn liyan,

papatih bahudanda tanda mantri lédang égar sami mamuji,

Ida sané kaacĕpang madĕg ratu ring Ayodya Nĕgara.

3.      Samangkana naréndra sang Daśarathā si harsāgirang,

si Rāma juga ratwa tan si Bharata pwa nāling nira,

praśāsta karĕngö parampara ujar naréndrāpagĕh,

samāpta winarah tikang bala kabéh ryyujar sang prabhu.

Sapunika talĕr Prabu Dasaratha ngalĕm dahating lédang,

I Rama pantĕs adĕgang ratu tusing ja I Bharata sapunika wacanan Ida,

kasub kapirĕng mawali-wali pangandikan Sang Prabu jĕjĕr,

sampun puput kadawuhin panjaké sami ring daging wacanan sang prabu.

4.      Anéka saji sanggrahékang abhiséka yoméh tĕkā,

sinanggraha sapādapita manimukhya singhāsana,

lawan kanaka kumbha tirtha ya isinya sāmpun mawit,

ginomaya ikang sabhā sinawuran ta gandhāksata.

Dudonan upakarané sampun cumawis dwaning pabisékané sampun tampĕk,

kacumawisang tatakan cokor sasocan manik pingajĕng singhasana,

maka miwah sangku mas madaging tirta sampun cumawis,

kauparĕnggain punika bancingahé tur kasambĕhin wawangén miwah bija.

5.      Sugandha kumukus ng asöp ya tinatā kabéh tut sisǐ,

kukusnya mawĕlun-wĕlun gugula dhūpa gandhotkata,

sĕkar surabhi cāmpakāsana sugandha lumrā marūm,

lawan dhwaja patāka komala kĕlabnya déning angin.

Asĕpé malĕpug miyik katata sami majéjér ring pinggir,

andusnyané malimpugan mĕnyan dupa miyik miyikan,

sĕkar surabi campaka angsana daar asĕp malikuban mĕrik sumirit,

miwah kobér umbul-umbul lĕmuh gĕbirannyané tĕmpuh angin.

6.      Sĕdĕng nira kināryya ratwangabhiséka yoméh tĕkā,

gĕlāna sira sang naréndragharini sirang Kékayi,

anak nira atah sirang Bharata ratwa kahyun ira,

apan pasamayan sĕdĕng nira sinoma-somah pwa wéh.

Rikala karya pabisékané nandĕs rawuh,

sĕdih Ida déwagung istri Dyah Kékayi,

putran Ida kéwantĕn Sang Bharata mangda madĕg prabu pangaptin Ida,

déning wéntĕn sumakuta dawĕg kalĕmĕsin sané riyin.

7.      Ndatan hana anak nirāpara-paran maré sang kaki,

sirang Bharata tar wĕruh ryyangĕn-angĕn irang Kékayǐ,

sirā ta juga mogha kimburu tumon sirang Rāghawa,

alah pracaya ring ujar samayaning sumomah sira.

Sĕdĕk tan ring puri putran Ida lunga malĕlancaran ring kakyang Ida,

Ida sang Bharata tan uning ring tatujon kahyun Ida Sang Kékayi,

Ida kéwantĕn mawastu iri kahyuné ngaksi Sang Rama,

lintang andĕl ring daging sumakutané dawĕgé ngalĕmĕsin Ida.

8.      Masö sira ri sang narādhipa mahā mamighnāna don,

pininta nira sang naréndrasuta Rāma munggwéng alas,

anak nira atah ya ratwa kaharĕp nirang Kékayǐ,

gĕlāna ta naréndra sang Daśarathāśa képwan sira.

Pĕdĕk Ida ring Sang Nata misadya mialangin tatujon Idané,

katunas Ida Dewagung putra Raghawa mangda magĕnah ring alasé,

putran Ida ugi mangda madĕg agung pinunas Ida Dyah Kékayi,

kosĕkan sang Prabu Dasaratha sungsut kébukan Ida.

9.      Sawét nikana satya sang prabhu kinon ng anak minggata,

kadi pwa ya ilang ng asih nira hidĕp nikang wwang kabéh,

gĕlāna mangarang alah salahasātimohāngĕsah, 

mahöm ta sahananya kapwa umasö ri sang Rāghawa.

Malantaran antuk satya wacana sang Bharata kandikayang putrané mangda matilar,

waluya ical sayang Idané kĕmanah olih janmané sami,

kébukan manulamé kalintang salah tampi dahat bingung mulisah,

raris parum sĕkatah ipun sami nangkil ring sang Rama.

10.  Aho lalu lalis naréndra tama tan panolih guna,

lawan Bharata dusta hāh lalu gĕlĕh nirang Kékayǐ,

nahan ya ta wuwusnya wéh ri harĕpan irang Rāghawa,

tumūta umaréng alas kira-kiranya tan kantuna.

Aduh lintang las sang Prabu néntĕn pisan ngalingwang kagunan,

buwina sang Bharata corah, ah, kaliwat lĕtĕh Dyah Kékayi,

sapunika munggwing pakrĕngkĕngan ipun ring ajĕng Ida sang Rama,

pacang ngiring lunga ngalas pangupayan ipun mangda tan pasah.

11.  Sudhǐra ta sirang nrĕpātmaja wawang ta mojar sira,

lakingku sahananta haywa malarāk parékāng alas,

apan ikana ajña sang prabhu anugrahé kin tĕka,

prayojananikang anak gumawayang pakoning bapa.

Langkung pagĕh Ida Déwagung Putra digĕlis raris Ida mawacana,

paman ajak makĕjang ĕda sĕbĕt baané nira ngulati alas,

dwaning keto pituduh sang prabu waluya katibanan wara nugraha,

tatujon I pianak patut ngalaksanayang pituduh rarama.

12.  Apan sira mamĕtwakĕn sira mawéh wruhéng lor kidul,

siréka mangingū rumaksa rikanāng anak ring bhaya,

agöng pangupakāra sang prabhu matangnya tag langghana,

lĕhöng mati misan-misan saka rikang wihang ring bapa.

Wiréh Ida ané numbuhang Ida mapica krana nawang kaja kelod,

Ida sané ngingu ngarĕngayang rikala I pianak kĕna sĕngkala,

agung pangupapiran sang natha nto krana nira tusing piwal,

mĕlahan mati sapisan padayang tulak ring aji.

13.  Tulih ta sahananta haywa ta saśoka déning hulun,

aringku ya siwinta sang Bharata ratwa tan sangśaya,

apan aku ikāngratung datu aringku tātar kalén,

lawan sira naréndra tangguhana haywa śokang hati.

Mulih paman ajak makĕjang ĕda paman sĕdih baan unduk nirané,

adin manira I Bharata ya sungsung adĕgang prabu ĕda sumandéya,

yadin nira ané madĕg ratu pitwi adin nira tusing ja bina,

buwina Ida sang Prabu sandang pikélingin apang ĕda sungsut kahyun.

14.  Nahan ikana ling nira krama madĕg ta lunghā sira,

lawan ari nirāta Laksmana tumūt sirang Maitilǐ,

Sumantri mapatih sirāngatĕrakĕn parékang alas,

lawan sahana sang sumādhya sira ratwa yāsih tumūt.

Asapunika wacanan Ida raris ngadĕg makinkin mamargi,

kasarĕngin antuk arin Ida Sang Laksmana maka miwah Déwi Sita,

papatih bahudanda tanda mantra ngiringang lunga ka alasé,

miwah sakatah sané misadya ngadĕgang Ida Prabu subakti ngiring.

15.  Datĕng sira rikāng alas ri tamasā mahārāmya ya,

lalung diwasa manghinep sira rikang alas bhisana,

rināksanira tékanang bala kabéh pijĕr yyāturū,

wangun dahina sighra minggat angĕnĕs ta sang Rāghawa.

Rawuh Ida ring alas tamasa sané dahat ngulangunin,

surup suryané makolĕm Ida ring alasé ngrĕsrĕsin,

among Ida wadwané sami sané pulĕs lĕplĕp,

das rahina digĕlis matinggal nyilib Ida Sang Ramadéwa.

16.  Sirang taruna Laksmanāmilu lawan sirang Maithilǐ,

tatan hana wêruh sĕdĕng niran uminggat anglĕs hilang,

gelāna ikanang balān pawungu lén Sumantryāngarang.

apan kahilangan tamān wruh i wĕkas nirang Rāghawa.

Ida Sang Taruna Laksmana nyarĕngin miwah Ida Déwi Sita,

néntĕn pisan wéntĕn uning rikala Ida matilar nyilib ical,

kébukan wadwané rikala ipun bangun miwah para mantri pangajĕngé kabyaparan,

dwaning kaicalan tan wéntĕn kauningin linggih Ida sang Ramadéwa.

17.  Humung ya manangis rikāng alas alah masāmbat masū,

tatan wruh i pamétananya ri sirang hilang tan katon,

maluy ta ya kabéh mulih têka rikéng Ayodhyāpura,

manahnya juga tan mulih milu tumūt ri sang Rāghawa.

Mabyayuhan ipun ngĕling ring alasé masasambatan manyĕrit,

néntĕn pisan uning ring dija rĕrĕh ipun Ida Sang ical tan makantĕn,

mawali raris ipun sami budal rawuh ring Ayodhya pura,

sakéwantĕn manah ipun tan sarĕng budal sarĕng ngiring Ida Sang Rama.

18.  Lawan sang apatih Sumantri marahup siréng Iwah magöng,

linālana nirang manah makin agöng ta kingking nira,

mulih ta sira tūt hawan r-angên-angên ta sang Rāghawa,

datĕng sira rikāng Ayodhyapura śūnya tang rāt hidĕp.

Miwah sang mapatih rawuhing mantri pangajĕng maraup ring tukadé agĕng,

kalipurang pakahyunané sayan ngagĕngang sĕdih danéné,

mantuk raris dané sapanjang margi ngayun-ngayunin Ida sang Rama,

rawuh ring puri Ayodhya sĕpi jagaté karasayang.

19.  Masuk sira rikang kadatwan umasö ri sang bhūpati,

mulat pwa naranātha sang Daśarathāngarang mūrcchita,

apan mulat i sang Sumantri juga tar parowang sira,

tĕnyuh hati nirāpasah r-angĕn-angĕn lara ning anak.

Ngranjing dané kapurian nangkil ring Ida sang Prabu,

rikala Ida sang Prabu Dasaratha nyingak kabyaparan raris kantu,

dwaning nyingakin sang mantri pangajĕng kéwantĕn tanpa rowang,

dĕkdĕk pakahyunan Ida nyag mikayun-kayunin kasĕngsaran putran Ida.

20.  Inastuti siréng dangū pinuji dhǐra tātar lĕgö,

sahisnu humĕnĕng kumĕlakĕn ikang larāgöng tĕmĕn,

mĕné ri papasah nira pwa ya sahisnu tātan hana,

gupé kapalupuy hidĕpnira hilang kadhǐran nira.

Kaalĕm Ida duké rihin kasumbung pagĕh néntĕn pisan obah,

tĕgĕg mĕnĕng nahĕnang duhkitané mahabara,

né mangkin ring pasah Idané wyakti katĕgĕgan kayuné tan wéntĕn kantun,

gempor dĕkdĕk pakahyunan Ida ical kapagĕhan Ida.

21.  Sĕkul tar aharĕp asing sarumakĕt tuwǐnāryyakĕn,

marir pawĕdihan malit inalapan tikang bhūsana,

mahas mabayangan manah nira nakūng kinungkung juga,

nahan laku maréng taman sira lumālanékang manah.

Ida tan kahyun marayunan asing sané nĕkĕt ring ragan Ida kakĕlésang,

wusan Ida mawastra alus kabusbus panganggéné,

nrawang mailĕhan pakahyunan Ida sungsut kadi kablĕngbĕng kéwantĕn,

raris Ida mamargi lungha ka taman jaga nglipurang pakahyunan.

22.  Makin pwa ya makūng ikang hati gélāna monĕng atah,

naréndra baribin manah nira tumon taman rāmya ya,

waling nira pangosadhān lumipurāng unĕng ring anak,

mulih sira sakéng taman malara kasta puh mūrcchita.

Sayan sungsut pakahyunané kébukan mawĕwĕh bingung,

sang prabu kébukan pakahyunan Ida ngaksi tamané asri,

parnan Ida jaga dados tamba pacang nglipurang angĕné ring putra,

mantuk Ida saking taman nandang sungsut dĕkdĕk rĕmuk pakahyunané kalĕngĕr.

23.  Hanan kĕlu rikang tilām tuwi malit malĕmbut matis,

awak nira linépanéng sulur usĕr lawan candana,

ndatan parasa tan panisi mapanas kabéh yan hidĕp,

ri tibra nikanāng unĕng dadi mulih siréng swargga wéh.

Irika ring tilamé Ida uyang yadyastun alus lĕmuh tis,

ragan Ida kaodakin antuk bangsing akah akahan miwah asaban cĕnana,

sakéwantĕn tan kĕrasayang ngĕtisin maka sami ngĕbusin rasayang Ida,

riantuk dahat sungsut pakahyunané mawastu Ida Séda.

24.  Mawū mawalikan anakbi nirang naréndrānangis,

gĕlung linuputan apusnya umuré sawétning lara,

manik kanaka bhūsanādi sĕsĕran tibā ring lĕmah,

apan magulingan gĕlāna makusā masāmbat masū.

Nyĕrit mabyayuhan rabin Ida Sang Prabu nangis,

talin pusungané kakĕlésang nuli magambahan antuk sungsut,

mas sasocan busana lĕwih-lĕwih rauhing ali-ali ulung ring tanahé,

dwaning mapulisahan maguyang glalang-gliling mandulamé manyĕrit.

25.  Amātya bhatamantri kapwa ta masö mahöm-höm kabéh,

sirang Bharata sǐghra yar laku mulih hinundang datĕng,

tinonira tikang kadatwan asamun ya tistis kabéh,

kadi pwa lĕburékanang lĕbuh apan tayāngdwal mĕtu.

Para patih bahudanda tanda mantri sami rawuh  raris mababawosan sarĕng sami,

Ida Sang Bharata digĕlis mantuk dwaning kāturin tur sampun rawuh,

cingak Ida puriné samun mungmung sĕpi sami,

waluya lĕbur margi agungé dwaning tan wéntĕn dagang mĕdal.

26.  Sagadgada manah nirar laku masuk ring abhyantara,

umung sahana sang kapangguh anangis sumungsung sira,

matakwan amĕpĕr siré kalara sang naréndrār pĕjah,

satorasi sirāng ibū marahakĕn siré sang anak.

Kagyat pakahyunan Ida raris ngranjing kajĕrowan,

mabyayuhan sakancan sang kapanggih nangis mĕndakin Ida,

raris matakén marisĕsĕd ring pinungkan Ida Sang Prabu sané ngawinang Ida séda,

tatuwian biyang Ida mangandika ring putrané.

27.  Huwus nira wĕruh ri hétunira sang naréndrār pĕjah,

sarosa magĕlĕng siréng ibu masö ta mojar sira,

lukan kita harébu nirghrĕna hatinta dustāgĕlĕh,

wĕnang kita rumuddha kāryya naranātha tātar hĕnĕng.

Sasampuné Ida tatas uning ring awinan Ida Sang Prabu séda,

wirosa dahat bĕndu Ida ring biyangé ngarĕpang raris matur,

uduh kalintang pisan biyang tan kapiwĕlasan kahyun biyangé corah lĕtuh,

nyidayang biyang mialangin karyan Ida Sang Prabu néntĕn pisan kahyun mĕnĕng.

28.  Apa k-phala ri sang tigār para rikāng alas durggama,

kitat hana rikāng Ayodhya pira gönga nǐnakta wéh,

kunang kami kabéh umilwa mati dénta wétning lara,

ah-o saphala dénta māmbĕk umating sarāt tar masih.

Napi pikolih biyangé ring sang tiga lungha ka alasé madurgama,

biyang malinggih ring puri Ayodhya asapunapi kaagĕngan lédang biyangé,

raris titiang sarĕng sami jaga padĕm olih biyang kabatĕk antuk sĕdih, 

uduh mapikolih pisan antuk biyang malaksana madĕmang jagaté sami tan maduwé kapiwĕlasan.

29.  Nghulun niki kinonta ratwa aparan gunāning ratu,

yadin pamuharā wirodha umalākĕnang rāt kabéh,

lawan aku winéhta sora adhamā sakéng Laksmana,

tumūt ya drĕda bhakti tār alang-alang ri sang Rāghawa.

Titiang puniki ndikayang biyang mangda nyĕnĕng agung punapi pikĕnohnya dados agung,

yan padé ngawé uyut nglĕtuhin jagaté sami,

samaliha titiang icénin biyang linggih titiang soran tambĕtan saking sang Laksmana,

sarĕng Ida susrusa bhakti lascarya ngiring Ida Sang Rama.

30.  Nahan nikana ling nirānguman-uman ri sang Kékayǐ,

tatar gĕrĕmĕ ratwa dhǐra sira satya bhakting kaka,

nirantara humǐs ta luh nira gĕlana wét ning lara,

wawang sira katangguhan mangĕn-angĕn pĕjah sang prabhu.

Sapunika bawos Ida matbat biyangé Sang Kékayi,

néntĕn pisan Ida kahyun pacang nyĕnĕng agung pagĕh Ida satya bhakti ring raka,

tanpa pĕgatan patrĕbĕs waspan Ida kébukan antukan sungsut,

gĕlis Ida katuran pamungu mangda mikahyunin sédan Ida Sang Prabu.

31.  Sinantwa sira dénikang bala kabéh lawan sang ibu,

ilang lara nirālilang hati maho maluy nirmmala,

apan prakrĕti jātining dadi kabéh matungtung pati,

ya tékan inangĕn-angĕnira hilang ta kingking nira.

Kapawunguin Ida antuk wadwané sami miwah olih biyangé,

ical sungsut Ida galang pakahyunané hĕning mawali brĕsih,

dwaning pidabdab sapanumadyané sami matungtung mati,

punika sané pikahyunin Ida ical raris sungsut Ida.

32. Kinonira ta sang balādhika tumunwa sang bhūpati,

maśoca ta mawéh tilĕm sira rikang tilĕmning wulan,

samāpta maharĕp ta sang Bharata méta sang Rāghawa,

ri satyanira bhakti ring kaka tirun nikang rāt kabéh.

Ndikayang Ida pangajĕng wadwané mangda ngĕsĕng layon Ida Sang Prabu,

masucian raris ngaturang panilĕman ring tilĕmé,

sasampuné puput mapakahyun sang Bharata jaga ngrĕrĕh Sang Rama,

riantukan satya bhaktin Ida ring raka pinaka tatuladan jagaté sami.

33.  Liman kuda lawan ratha pramukaning balānung tumūt,

sĕnaddha dumulur sirang Bharata sǐghra lunghā sira,

tĕka pwa sira ring alas gaja rathāśwa kapwānusup,

mahas sira rikāng alas umulisāk ri sang Rāghawa.

Gajah kuda miwah kréta pangajĕng wadwané sané ngiring,

srĕgĕp ngiring Ida Sang Bharata digĕlis Ida mamarga,

rawuh Ida ring alasé gajah kréta kuda sami masusupan,

nylupsup Ida ring alasé nyliksikin Ida Sang Rama.

34.  Ri pinggir ikanang nadǐ ri Tamasérikā durggama,

alas gahana gahwarāgraha guhānya gambhǐra ya,

lawan kali jurang trĕbis bisama bhisanālwāngawit,

sirang Bharata tātakut nira alah umét sang kaka.

Ring pinggir tukadé ring tamasa sané madurgama,

alas wayah tur linggah tan sabéng manusa guhannyané dalĕm-dalĕm,

miwah tukad pangkung grémbéngan makéwĕhin ngrĕsrĕsin linggah-linggah mialangin,

Ida sang Bharata néntĕn ajrih gumanti ngrĕrĕh rakan Ida.

35.  Taman katĕmu sang pinét lumaku sang mamét tar mangél,

tĕmung lwah atinirmmalātiśaya dibya Ganggā gahan,

manik sphatika candrakānta ya padanya śuddhāputih,

kadi pwa ya manah nirang Bharata satya bhaktǐng kaka.

Tan kapanggih Sang karĕrĕh mamarga sang ngrĕrĕh tan mrasa lĕsu,

raris manggihin tukad langkung hĕning dahating lĕwih kasub mawasta tukad gangga,

manik banyu candra kanta sasaményané suci putih sĕntak,

waluya pakahyunan Ida Sang Bharata sané satya bhakti ring raka.

36.  Muwah ta manusup rikāng katĕmu tĕkanang lwah magöng,

pratǐta Yamuna ngaranya makiris hilǐ nyāhĕning,

i sor hana ta sanggama nya kalawan ta Ganggāputih,

kadi pwa ya bhatāra Wisnu kalawan Bhatāréśwara.

Malih Ida masusupan kala punika raris manggihin tukad agĕng,

kaloktah Yamuna wastannyané asri ĕmbahannyané hĕning,

ring tĕbén wéntĕn pacampuhan ipun ring tukad gangga sané putih,

waluya kadi Bhatara Wisnu matĕmu ring Bhatara Siwa.

37.  Muwah ta manusup hana pwa patapan pinangguh nira,

subhiksa ya manoharāsrama nirang Bharadwāja ya,

sĕdĕng tiba-tibānglalung diwasa kāla soré n tĕka,

mahārsi saha śisya gorawa masö manungsung sira.

Malih Ida masusupan wéntĕn raris pasraman panggihin Ida,

rĕsik nudut kahyun patapan Ida Rĕsi Bharadwaja punika,

mĕngpĕng ngrorokang suryané pahinganan soréné nuli rawuh,

sang Mahamuni saha sisya pranamya ngarĕpang mĕndakin Ida.

38.  Anéka panamuy mahārsi mĕtu sangka ring yoga ya,

amogha manurun manojña kayu pārijātādbhuta,

asing sakaharĕp saménaka pawéh nirang pandita,

aho saphala ning tapātiśaya sarwwakāmaprada.

Méndahan pasuguh Ida Sang Mahamuni mĕdal saking yogan Ida,

mawastu rawuh ngahyun-hyunin taru parijatané ngagawokin,

sapakahyun sami nglédangin pasuguh Ida Sang Mahamuni,

uduh mapikolih pisan yogan Ida saluwir sané sĕnĕngin cumawis.

39.  Anākĕbi ring Indraloka manurun lawan apsarǐ,

ya téka makurĕn-kurĕn ri sira sang tamuy kādbhuta,

mabangsi mangidung makinnara malāwu wǐnāngigĕl,

jĕnĕk ta sira sang tamuy dadi tĕhĕr mangantyanghinĕp.

Para istriné ring Indraloka tĕdun sarĕng widyadari,

punika sakadi manglipur ring Ida Sang maraga tamyu gagawok pisan,

magambĕl makidung marĕbab manyuling makacapi masolah,

kadalon Ida Sang maraga tamyu mawastu raris marĕrĕpan.

40.  Wangun dahina sǐghra yar laku muwah umét sang kaka,

lawan bala datĕng siréng talaga dibya Mandākini,

kathañcana hana pwa nagna wanawāsa pangguh nira,

siromarahakĕn pradéśa kahanan nirang Rāghawa.

Das rahina digĕlis mamargi malih ngrĕrĕh rakan Ida,

kahiring olih wadwa rawuh Ida ring talaga lĕwih mandakini,

kadacit wéntĕn pandita sané jĕnĕk ring alas panggihin Ida,

Ida midartayang pradésa linggih Ida Sang Rama.

41.  Pawitra hana Citrakutagiri durggamāwān magöng,

manohara ya rāmya yéka kahanan nirang Rāghawa,

saharsa winarah ta sang Bharata śǐghra mangkat sira,

lawan bala kabéh manék sira rikang gunung durggama.

Wéntĕn gunung citrakuta dahat suci magĕng sripit tĕgĕh,

asri manudut kahyun irika linggih Ida Sang Rama,

dahat lédang kapidartain Ida Sang Bharata digĕlis Ida mamarga,

kairing antuk wadwané sami munggah ring gunungé madurgama.

42.  Uméh nira tĕkā sasangśaya mulat ta sang Laksmana,

waling nira musuh datĕng radĕgakĕn ta langkap nira,

sĕnaddha pinasuk nirang kawaca yatna dhǐrāngadĕg,

alis nira ya cāla mārĕngu lalāta kumrūtakĕna.

Ri ayat Ida rawuh sumandéha kahyun Sang Laksmana nyingak,

parnan Ida mĕsĕh sané rawuh raris kaadĕgang gandéwan Ida,

srĕgĕp kawaca pĕrangé sampun rangsukang Ida prayatna pagĕh ngadĕg,

tarjan Ida molah lalatané marĕngut.

43.  Tinonira ya tar pasañjata taya ng galah tāpapan,

tuhun kuda liman rathādulu-dulur ya makwéh juga.

makin ta maparö wĕruh siran inaryyakĕn tang laras,

masö sira ri sang kakāwara-warah ri sang Rāghawa.

Cingak Ida tanpa sanjata tan makta tumbak tan makta tamiang,

wantah kuda gajah kréta marĕrod katah pisan,

sayan nganampĕkang uning Ida raris kagĕnahang langkapé,

nangsĕkang Ida ring rakané matur uning ring sang Rama.

44.  Sirang Bharata sǐghra yar tĕka masö manĕmbah sira,

lawan bala nirāwarah ta sira yar pĕjah sang prabhu,

saśoka manangis humung sira kabéh sawét ning lara,

anantara marir makingking arahup ta madyus kabéh.

Ida sang Bharata gĕlis rawuh ngarĕpang Ida ngabhakti,

kairing antuk wadwan Ida sami raris Ida nguningang Sang Prabu sampun séda,

dahat sungsut nangis mabyayuhan Ida sami kabatĕk antuk sĕdih,

tanasuwé wusan nangis raris maraup masiram sarĕng sami.

45.  Naréndrasuta Rāma sāmpun arahup ta mojar sira,

aringku Bharatāt ulih hara rikang Ayodhyāpura,

ujar haji ikā duméh aku maréng alas tan kalén,

kitékana gumantya ratwa ya matangnya tat sangśayā.

Déwagung Putra Rama sapuputé maraup raris Ida ngandika,

adi adin bĕli sang Bharata durusang adi mantuk ka puri Ayodhya,

pangandikan i aji tuwah ané ngawinang bĕli ngamaranin alas tusing ja lén,

adi patut ngĕntosin pacang nyĕnĕng agung ĕnto awanané ĕda adi sumangsaya.

46.  Lawan kita magöng gunanta ganitan tatan hĕntya ya,

prawǐra wihikan kiténg aji lawan kalap ning naya,

matangnya kita yogya ratwa saphalān siwin rāksakā.

gunanta aparan gunanya yadi tan guna ning ratu.

Buwina adi mabuat pĕsan kawigunan adiné yan padé wilang tusing lakar tĕlah,

purusa pradnyan ring tatwa tĕkaning nĕpasang wiwéka,

awanannya adi patut nyĕnĕng agung sandang pisan kasungsung dados pangĕmit,

kapradnyanan adiné apa ya pikĕnohné yan tusing pigunayang ngamong kaagungan.

47.  Kunĕng yan alĕmĕh pi ratwa ri hanangku munggwing alas,

ujarku pituhunta kéwala kitāta bhaktyākaka,

awās ya mulihāta lingku kita haywa śokang hati,

hanā ta juga rāksakā kita rikang kadatwan ari.

Nanging yan padé kémad adi lakar nyĕnĕng agung mĕlantaran bĕli nongos di alasé,

rawos bĕliné linggihin adi ĕnto nyiriang adi bhakti tĕkén bĕli,

kasinahannya durusang adi mantuk buka rawos bĕliné ĕda adi sungkan kahyun,

apanga ada masih dadi pangĕmit ditu di puri.

48.  Nahan ya ta wuwus nirātiśaya dhira dibyang manah,

wĕnang nira rumāksa sang bapa rikā kasatyanira,

samangkana sirang kinon muliha ratwa tātan lĕgö,

sirang Bharata bhakti ring kaka wawang ta mojar sira.

Sapunika daging babawos Ida dahating pagĕh lĕwihing kahyun,

sidha antuk Ida ngamĕl babawos ajiné antuk kasatya wacanan Idané,

sapunika talĕr Ida Sang kapangandikayang mantuk mangda nyĕnĕng agung néntĕn pisan kahyun,

Ida Sang Bharata bhakti ring raka digĕlis ida matur.

49.  Pirā inakaninghulun hana rikang kadatwan kunĕng,

sĕdĕngta humidĕp ikang lara hanéng alas kāsyasih,

lawan kita ta yogya ratwa tuwi rāksakāning jagat,

apan matuha śaktimānta gunamānta sūréng rana.

Amunapi minab kalĕgan titiangé magĕnah ring puri,

rikanjĕkan palungguh bĕli nandang sangsara malinggih ring alasé,

samaliha palungguh bĕli sané patut nyĕnĕng agung pituwi dados pangĕmit jagat,

dwaning maraga duhuran lĕwihing sakti lĕwihing guna purusa ring payudan.

50.  Nya tang kuda liman lawan kanaka ratna yogya prabhu,

ndya yuktyan ikihĕn nghulun kutnawaśakĕnékā kabéh,

amātya bhatamantri yogya karikā sumiwya nghulun,

matangnya mulihāta ménaka kitāta bhūpālaka.

Punika kudané gajahé miwah mas maniké sané patut kadruwéang olih sang prabu,

sané ĕncén wéntĕn kapatutan ipun titiang jaga ngodagang punika sami,

papatih bahudanda tanda mantri patut ké ipun jaga nyungsung sikian titiangé,

punika awinannya bĕcik durusang bĕli mantuk palungguh bĕli raris jumĕnĕng agung.

51.  Lawan nghulun atǐta nirguna gunanta Ganggopama,

diwākara gunung padanta Himawān lawan sāgara,

nghulun pwa pinujinta śakti gunamānta tātan tuhu,

asambhawa wuwusta mangduhunakĕn mahā manglaré.

Samaliha titiang kalangkung tambĕt kapradnyanan palungguh bĕli waluya tukad gangga,

surya gunung himawan sasamén palungguh bĕli miwah sĕgara,

titiang raris pujin bĕli madéwék sakti lĕwihing guna néntĕn pisan patut,

doh pisan babawos palungguh bĕli bangĕt nyungjungang gumana nyakitin.

Share: