KAKAWIN
ARJUNAWIWĀHA
Om Awighnamastu,
PUPUH 1
ŚARDŪLA WIKRĪDHITA ; ---/00-/0-0/00-/--0/--0/0 = 19
1. ambek sang paramārtha pandita huwus limpad
sakéng śūnyatā,
tan sangkéng wisaya parayojananira lwir
sanggrahéng lokika,
siddhāning yaśa wīrya donira sukhāning rāt
kininkinnira,
santosāheletan kelir sira sakéng sang hyang
Jagatkārana.
Pakahyunan Ida Sang Wicaksana sané
sampun mikolihang kaparamarthan, sampun nglangkung saking sunyata. Boya
sangkaning wisaya tatujon Ida, kadi sané sampun ketah jeroning désa pakraman.
Kasidhan yasa miwah kapurusané saratang Ida, miwah karahajengan jagaté sané
bobot utsahayang Ida. Degdeg kahyun Ida yadyastun mabelat kelir saking Ida Sang
Hyang Çiwa.
2.
usnīsangkw i lebūni pādukanirā sang mangkana
lwirnira,
manggeh manggalaning miket kawijayan sang
Pārtha ring kahyangan,
sambandhanya bhatāra śakra katekan durnīti
lāwan bhaya,
wwanten détya madeg niwātakawaca kyāting
jagat digjaya.
Sembah suwun tityang buk padan Ida, sang sapunika pidabdab Idané. Waluya
waranugraha rikala tityang ngiket kamolihan Ida Sang Arjuna ring Suraloka. Maka
jalaran Ida Sang Hyang Indra katibén tuna wiwéka maka miwah panyangkala. Wénten
Déitya madeg agung, Sang Niwatakawaca kasumbung ngawonang jagaté sami.
3. jöngning méru kidul kutanya
maharep sumyuha ng indrālaya,
mwang
molih warawīrya tan pejaha déning déwa yaksāsura,
nghing
yan mānusa śakti yatna juga ko nāling bhatārériya,
yékānitya
hinem watek resi kabéh ring swargga hārohara.
Ring bongkol gunung Mahaméruné kelod
purin Ida, misadya pacang ngrusak kahyang Ida Sang Hyang Indra. Semaliha sampun
mikolihang kasaktian mauttama, nénten pacang séda antuk déwa, yaksa miwah
raksasa, nanging yan manusa sakti tangarin pesan cening, sapunika pawisik Ida
Bathara ring Ida, indiké punika tan mari kaparumang antuk para resiné sami ring
swargan sané kahanan aroara.
4. sang hyang śakra sumimpening naya
kumon pehning rasālapkena,
an
wwang śakti sahāyaning mejahanéng śatru péten tekā,
sang
Pārtha pwa hañar karengwan atapā sādhyā jayā ring raņa,
yan
polih wara hundangen lewu matéwehning kŗetānugraha.
Sang Hyang Indra ningkesang
unteng-unteng wiwékané, raris ngandikayang mangda unteng wiwékané punika patut
bawosang. Wantah manusa sakti maka kanti sané pacang prasida nyédayang meseh
sané patut rereh mangda rawuh. Wénten gatra Sang Arjuna wawu ngwangun tapa,
misadya mangda molih ring payudan. Yéning sidha molih waranugraha Ida pacang
kaundang, sakéwanten dahat méweh pisan pacang prasida mikolihang waranugra punika.
5. wyarthékang japa mantra yan
kasalimur déning rajah mwang tamah,
nghing
yan langgeng ikang śiwasmrti dhateng średdhā bhataréswara,
ambek
nirwisayālilang huwa huwā lwirnyān sukhādhyātmikā,
singhit
mātra juga prabhédanika lāwan prih kayogīśwaran
Tanpa guna japa mantra punika yéning
kantun kaworan rajah tamah. Sakéwanten yan pageh pangacepé ring Ida Hyang Çiwa,
Ida Hyang Iswara swéca pacang rawuh. Pakahyunané sané tan kawésa antuk indriya
suci tanpa amengan, sapunika indik suka kadyatmikané. Wantah arawat pabinayan
ipun yan saihang ring kayogiswaran.
6. yāngdé
sangśaya ri Hyang Indra tumahā sang pārtha tan dhārakā,
hétunyan pagawé ta bañcana panoné citta sang
Phalguna,
yan hīnā mara tan harep-harep amét métāśrayā
lén sira,
yapwan tan kawenang binañcana maran manggeh
palinggih nira.
Punika ngawinang sumelang kahyun Ida
Sang Hyang Indra, manarka kahyun Ida Sang Arjuna nénten pageh. Mawinan Ida
raris makarya gagodan pacang anggén Ida nyugjugin pakahyunan Ida Sang Arjuna.
Yéning kasor Ida Sang Arjuna wangdé nyaratang, Ida pacang ngereh kanti liyanan.
Yening padé nénten prasidda kagoda maka cihna dahat kukuh ring linggih Ida.
7.
lakşmīning suraloka sāmpun ayaśāngreñcem tapa
mwang brata,
akwéh sang pinilih pitung siki tikāng
hantukning okir mulat,
rwékāng ādi Tilottamā pamekasing kōcap lawan
Suprabhā,
tapwan marma tuhun leheng-lehenga sangké rūpa
Sang Hyang Ratih.
Mustika swargané sané ngulangunin sampun
kasub ngrusak tapa brata. Katahnyané sané kapilih pitung diri, punika pecak
pikolihang Ida antuk ngukir manik.
Kakalih pamekasé sané kinucap pinih ayu Sang Tilottama miwah Sang
Suprabha. Inggian durung alus sakewanten sampun marupa jegég, jegégan saking
warnin Ida Déwi Ratih.
8. tambényān liningir ketékininamer
déning watek déwata
sāmpūrņa
pwa ya mapradaksina ta yāmūjāmider pin tiga
Hyang
Brāhmā dumadak caturmukha Bhātāréndrāmahākwéh mata
érang
minggeka kociwāmbekira yan kālanyanunggwi wuri
wahu pisan puput kaukir wiakti sampun
kaéman pisan antuk para déwané. Tegep wiakti punika mider tengen mangastawa
mailehan mider ping tiga. Ida Sang Hyang Brahma premangkin patpat prerain
Idané, Ida Sang Hyang Indra gumana ngardi panyingakan katah. Duaning kémad Ida
makipekan merasa pocol pakahyunan Ida kalannya magenah ring ungkur.
9. yékā rakwa kinon Hyang Indra
sedheng amwit kapwa tāmurçita,
Om
putrī silihengkwa rūmta sakareng waswās manahnyarjuna,
strīnyékang
inucap manohara subhadrā mwang si ratnölupuy,
tan
sora pwa tekapnikā daśagunan rūpanya dentānaku.
Punika reko kandikayang olih Sang Hyang Sakra, rikaenjekan manglungsur
mapamit sinarengan sami mangabakti. Uduh cening ayu pacang selang bapa
kahayonan idéwané ajahan, waspadayang keneh Sang Arjunané. Kurenannyané ané
kinucap nudut kahyun, Déwi Subhadra muah Dyah Ulupwi. Tusing lakar kalahanga
idéwa, katikelin ping dasa kajegégannyané olih idéwa pianak bapa.
10. yan tan poliha rūm sekarning
asanānungsung rarabning rereb,
tan
pandéya raras liring ni luruning lék lwir wulatning langit,
mwang
yan kélikanang gadung wahu muré māmbe gelung késisan,
tāntuk
tébu huwus hayunta kabalik Hyang Kāma yan mangkana
yan padé tusing mapikolih kamiyikan bungan angsanané, mapag kritisan ujané.
Yéning tan ngulangunin sunaran bulané ané satmaka paliyat langité. Buwina yan
padé kadolegin i gadung ané mare kebah ané maebo buka pusungan magambahan.
Melahan budal idéwa cening ayu, pragat kajegégan idéwané, nungkalik Sang Hyang
Smara yéning kéto.
11. Ling Hyang Sakra nahan
sinembahaken ing widyādhārī mūr teher,
wernyālon
kadi mandamāruta yayan ménggal dateng ring paran,
akwéh
tāpsari cétikāmilu tuhun kapwāngiring doh kabéh,
nton
tékang wukir Indrakīla maparö mangkin tumampak ta ya
Sapunika pangandikan Ida Sang Hyang Indra kabaktinin antuk para
widyadariné raris dané makeber. Pakebernyané dabdab sekadi angin ngasirsir
alon, inggian sapunika digelis taler rawuh ring sané kaungsi. Katah punika
widyadari panyerowané sareng ngiring, sakéwanten sami nyamping, maka sami ring
kadohan. Raris kacingak gunung Indrakila punika sampun marupa tampek, sayan
nedunang Ida.
12. éñjing kāla nikan datang
wijah-wijah wahwādarat ring henu,
osik
cāmara ring geger dara-darān lwirnyān panon apsarī,
masyang-syang
pakatonaning kayu manis sinwamnya manggeh miguh,
kadyānangtangi
bāng nikang susu lawan lambé marūm-rūmana.
Kāla semeng rikanjekané Ida rawuh malédang-lédang duaning nembé madaat
ring marginé, sayar soyor icamara ring munduké, sekadi dot pisan pidabdab ipun
mabalih widyadari. Kadi mangulap-ulapin pakantenannya ikayu manis, kedapan ipun
tan mari kadi matayungan. Sekadi nangtangin kabahagan nurojan Ida, maka miwah
lamben Idané, pacang mabecik-becikan.
13. tingkahning wana wreksa mogha
tinenget ramyanya dé ning hima,
rem
tan waspada sāpare juga katon mūr ngwwang muwah yāhawuk,
sinwita
ta pwa sekar kuningnya dinelö kumbang humung tan katon,
dwīning
mrak rumarab kasampir i ragasning candanāpāyunan
Pidabdab ipun itaru alas, mawastu kakubkubin kabecikan ipun antuk
isayong. Rebreb nénten sinah sekancan sané tampek kéwanten pikanten, matinggal
punika anaké, malih ipun saru. Kasaratang pisan punika kembang kuningnyané
katlektekang, tambulilingan pagriyeng tan makanten. Bulun kampidnya imerak aas,
ngengsut ring cenanané ligir sekadi anak māyunan.
14. ābhāning patapan gihā watu putih
lingan panungsung guyu,
tūt
imbang magirang-girang winulatan rāmyanya dé sang dateng,
gengning
prihnya kunang nimittaningunang moghārarem ngwang mulat,
angdé
kung makuwung-kuwung langit ikā truh-truh kasenwan rawi.
Bungas gua genahé metapa antuk batu putih, waluya kenyem mamapag.
Sepanjang tepin gua patapané dahat ngelédangin, kacingak kabecikannyané olih
sang rawuh. Kaagengan wit binginnyané malih ngawinang anak ulangun, mawasana
trepti kahyun sang mengaksi. Ngawinang kelangen langitnyané medaging
biyanglalah, sabeh ngripis kasunarin antuk Sang Hyang Surya.
15. tunghāning parangan mangungkuli
jurang pātāla tulyādalem,
ér
tambang malabuh jurang kapaleye ngkāné lengisning paras,
resresnyan
hana ring tawang pareng awū makrak tikang sundari,
kaywan
wruh mangungang katon welasarepnyālung sumambyāngawé.
Enjung parangané ngungkulin pangkung dalem pisan waluya dasar gumi. Toyan
grojogané nyeburin pangkung, macliyek irika ring parasé belig. Dahat ngresresin
duké kanten ring awang-awang sinarengan manyrit maswara nangkejutang punika
itamurérétan. Wit taruné kadi uning maninjo, pikanten bun welasasihnyané maseen
sambil ipun ulap ulap.
