ALIS-ALIS IJO (BAWAK)
1.
Butha yadnya caru ngaran, tujon
yadnya marisudha,
Karang
miwah natar reko, aweh boga ring buthane,
Lan
manyupat pinaka don, mekadi jin muang pisaca,
Sarana
upakara caru, tetabuhan lawan geni,
Segeh
iwak lan jajeron.
2.
Yan hana kadhurmanggala, Dyastu
Agung alit madya,
Tinebusan
dhurmanggala, Kalawan paryascittane,
Pabersihan
maka tujon, Upakarania byakawon,
Dinuluran
segeh agung, katur ring sarwa bucari,
Subha
dewasania Kliwon.
ALIS-ALIS IJO
1.
Merik minging gandan ikang pudak wau
mekar,
Ron
ika rombe – rombe, asideheng parang – parung,
Winilet
dening kawelas hyun, tekang jangga kasturi,
Lumangle
lungah ipun, kadi anudut aken marga,
Kanglihan
ngwang areren, ri sila sumayana,
Sri
atumpal ngong amirang rong, kasangan dening pandan wong,
Asuwe
ngong andel laku, ngwang mihat mendra cantakannya,
Ngamong
aminta teduning riris, brahmitangdoh.
2.
Riris – riris alit rawuh, sumawur
keanginan, jala daranya kekanten,
Limut
ana wengi gunung , apupul sang saya mendung,
Kumenyar
ikang tatit gereh nika, menyanggruh amelung
Tang
calilingang sata wana nyagigir, mungguring panging tanguli,
Merak
ika ngigeling kayon, sinerang swaraning kakuwong,
Angremong
soring andul, wancirannya aneng talun, lanang wadon,
Warahannya
anut pinggiring gagenom.
3.
Iring – iring silak siluk, awan ikang
menggah, niatning dukuh rame,
Ingambal-
ambalan watu, brecare- caranya abra murub, ikang katinggalan asri,
Tahen
kancana angrembun, kadi anudut aken margi, parijata angronce,
Unga
kembang unga warih, ajajaran lan andong ijo,
Sulasih
miyana ijo, kasuluhan bayem luhur,
Saroni
lan pacar galuh, melok – melok ana bang ana putih, raras tinon.
4.
Kasujatining Hyang Tuduh, Sang
HyangPrama Wisesa,
Sakeng
ica Ida metu, maring Ida muah mewantun, Ida ne meraga urip,
Uriping
sarwa tumuwuh, Ida wantah meraga tunggal, anging bhineka kabawos,
Inaranan
Sang Hyang Widhi, sarining gumelar katon mawebuh maha Prabu,
Maha
swara maha asung, Ida wyakti, malarapn sadaging, Bhuwana Agung.
