( IDA KETUT JLANTIK )
X. PUPUH GINADA
1. Kagét
sampun abang wétan,
ngandika Ida Sang Resi,
amonto malu pragatang,
buwin pidan jalan sambung,
bapa merasa kirangan,
ngajak cening,
mabawos magagonjakan.
GEGURITAN SUCITA I ( IX. PUPUH SINOM )
( IDA KETUT JLANTIK )
IX.
PUPUH SINOM
1. Kawikanan mamunahang,
pangering tambeté sami,
sakancan laraning jagat,
yadin mala ngébek gumi,
kawikanan nglebur sami,
wiréh wikané puniku,
panglukatan pabresihan,
miwah pangentasé jati,
iku tuhu,
sariran Sang Hyang wisésa.
GEGURITAN SUCITA I ( VIII. PUPUH GINANTI )
( IDA KETUT JLANTIK )
VIII.
PUPUH GINANTI
1. Mirib suba liyu tahu,
Kadi né mungguh ring aji,
jatin sangsara punika,
wetu saking tingkah pelih,
pelih saking ketambetan,
tambet dadi dasar sedih.
GEGURITAN SUCITA I ( VII. PUPUH SINOM )
( IDA KETUT JLANTIK )
VII.
PUPUH SINOM
1. Wusan mapaica canang,
meneng ajahan jeg sepi,
tumuli Ida sang tapa,
mangandika banban haris,
duh déwa sang bagus kalih,
ada ké sadyan ibagus,
suba ké itunjung enyak,
pamula di tlagan cening,
mangdén anut,
ngawé sukan manah bapa.
GEGURITAN SUCITA I ( VI. PUPUH GINADA )
( IDA KETUT JLANTIK )
VI.
PUPUH GINADA
1. Beli bagus Sang Sucita,
tityang I Sugata tangkil,
ngaturin beli ngajengang,
wiréh sampun wengi langkung,
bawosé ngiring sapihang,
mangda polih,
nyangih taji mangawitang.
GEGURITAN SUCITA I ( V. PUPUH SINOM )
( IDA KETUT JLANTIK )
V.
PUPUH SINOM
1. Ndaweg tityang mapinunas,
ngalemesin beli mangkin,
laba utama saratang,
masawitrané sungkemin,
yan tityang ngiring marabi,
runtiké pacang mapatung,
wiréh angkarané medal,
paturu saling angkenin,
selir palsu,
réh ngangkenin twara gelah.
GEGURITAN SUCITA I ( IV. PUPUH DANGDANG )
( IDA KETUT JLANTIK )
IV.
PUPUH DANGDANG
1. Aduh ratu mas mirah sang luwir ratih,
nyundar galang,
etis kadi amreta, panglukatan taruna sedih,
boya saking tityang nyumbung,
ban tembé tityang manggih,
jegég sekadi imirah,
pantes dadi pasar caksu,
jantos wénten kasangsayang,
manah tityang,
selang ring déwek mangipi,
yan bangun méh mirah ical.
GEGURITAN SUCITA I ( III. PUPUH DURMA )
( IDA KETUT JLANTIK )
III.
PUPUH DURMA
1. Sang Subudi sampun mastika rihinan,
nuli nyawis mangrenain,
adi Sang Sucita,
ndikapan beli manggayang,
né mula kaati-ati,
bahan sawitra,
kendel yan kidihin kanti.
GEGURITAN SUCITA I ( II. PUPUH PANGKUR )
( IDA KETUT JLANTIK )
II.
PUPUH PANGKUR
1. Sada lami Sang Sucita,
bawu éling, matuptup mangéka sedih,
srupatané deres metu,
twara kena inampetan,
dadi medal, bawosé mangajap suwung,
duh nguda iratu lagas,
mangutang tityang iriki.
GEGURITAN - I SILADERI ( III. PUPUH GINADA )
III. PUPUH GINADA
1. I Mudita maningehang
Manahnya suka tan sipi
Baané mangelah misan
Kenyem tur mamunyi alus
Inggih kadi bawos bapa
Titiang ngiring
Pacang manelokin iwa
