TANTU PANGGELARAN
Om
awighnamastu,
Nihan sanghyang tantu panggelaran, Kayatnakna dé mpu sang hulun, Sang maharepāwruhérika, Ndah ndah pahénakta ng dénta mangrengö.
Ri katgaritanéka nusa jawa ring asitkala, Iki manusa Tanana, Nguniwéh sanghyang mahāméru tan hana ring nusa jawa, Kunang kahananira sanghyang mandara giri, Sira ta gunung mageng maruhur pinaka lingganing bhuwana, Mungguh ring bhumi jambu dwipa, yata matangnyan inggang enggung ikang nusa jawa, Sada kala molah marayegan, Apan tan hana sanghyang mandara parwwata, nguniwéh janma manusa, yata matangnyan mangadeg Bhatara Jagat Pramana, Rep mayoga ta sira ring nusa jawa Lawan bhatara paraméswari, yata matangnyan hana ri dé hyang ngaranya mangké, tantu Bhatara mayoga nguni kacaritanya.
Malawas
Bhatara manganāken yoga, motus ta sira ring Sanghyang Brahma Wisnu magawé
manusa, Ndah tan wihang Hyang Brahma Wisnu, magawé ta sira manusa. Lmah
kinempel kempelnira ginawénira manusa, Litu hayu paripurna kadi rupaning déwata.
Manusa jalu ulih Sanghyang Brahma gawé, manusa istri Sanghyang Wisnu gawé, Priya
litu hayu paripurna, yata matangnyan hana gunung pawinihan ngaranya mangké. Tantu
Hyang Brahma Wisnu magawé manusa kacaritanya. Pinatmwaken pwa hulih Hyang Brahma
Wisnu magawé manusa Sama atut madulur mapasih pasihan, Manak ta ya, maputu,
mabuyut, mahitung, munihanggas, wrddhi kramaning janma manusa Ndah tanpa humah
ta ya Lanang wadwan mawuda-wuda hanéngalas, Hanikes tikes hanggas, apan tan hana
pagawé ulahanya, Tan hana tiniru-tirunya, Tanpa kupina tanpa kén, Tanpa sampur-sampur,
Tanpa basahan, Tanpa kendit, tanpa jambul, Tanpa gunting. Mangucap tan wruh
ring secaranya, tan wruh ri rasahanya, sing ron don mwang wohan pinangannya. Mangkana
ulahning janma manusa ring usana.
Yata
matangnyan mapupul mapulung rahi sang watek déwata kabéh, manangkil ri Bhatara Guru.
Tuwan Bhatara Jagatnatha manuduh waték Déwata kabéh gumawyakna tatwa pratistha
ri yawa dwipantara.
Na
ling Bhatara Mahakarana “Anaku kamu
hyang brahma Turuna pwa ring yawadhipa Panglandepi perang-perangning manusa, Lwirnya; astra, luké, tatah, usu,
prekul, patuk Salwiring pagawayaning manusa Kita mangaran pandé wesi Kunang dénta
manglandepanāstra, Ana windu prakasa Mpuné sukunta kalih mangapita nabuka Paradaken
tang ayah sarasantana.
Malandep tang astra déné mpuné sukunta kalih, Matangnyan mpu sujiwana ngaranta pandé Apan mpuné sukunta manglandepi ayah Matangnyan mpu ngaranta pandé wsi Apan mpuné sukunta sarana, Samangkana pawekasangku ring tanayangku.
Malandep tang astra déné mpuné sukunta kalih, Matangnyan mpu sujiwana ngaranta pandé Apan mpuné sukunta manglandepi ayah Matangnyan mpu ngaranta pandé wsi Apan mpuné sukunta sarana, Samangkana pawekasangku ring tanayangku.
Muwah
tanayangku sanghyang wiswakarma Turun pwa ring jawadhipa Magawé umah tirunen maring
manusa, Tineher ngarananta hundahagi. Kita tirunening manusa Magawéyumah Kita
ngaran hundahagi.
Kunang kamu hyang iswara Turun pwa ri yawadhipa Pawarah-warah tikang manusa warah ring sabda wruhanya ri bhasa, Nguniwéh warah ring dasa sila Panca siksa kita guruwanéng rama désa Matangnyan guru désa ngaranta ring yawadhipa.
Kunang kamu hyang wisnu Turun pwa ring yawadhipa Kunang pituhun sawuwusta dénéng manusa Sapolahta tirunen dénéng manusa, Kita gurunéng janma manusa Amawa rat kitānaku.
Kunang
kita hyang mahadéwa Turun pwa ring yawadhipa, Mapandé mas Pagawé anggon-anggoning
manusa. Bhagawan ciptagupta manglukisa amarnna marnna halengkara Sakarupaka
ricipta, Masarana mpuné tanganta, Matangnyan mpu ciptangkara ngaranantānglukis.
Samangkana
pawekas bhatara guru Ring déwata kabéh, yata sama tumurun maring yawadhipa Hyang
brahma pandé wesi Inarsayanira tang panca mahabhuta Lwirnya ; prethiwi, apah, téja,
bayu, akasa, Ikang prethiwi pinaka parwan Apah pinaka capit Téja pinaka hapuy Bayu
pinaka hububan, Akasa pinaka palu, yata matangnyan hana gunung brahma ngaranya
mangké Tantu hyang brahma pandé wesi nguni kacaritanya, yata tkaning mangké
palu parwan sawit ning tal gongnya Susupitnya sapucang Hyang bayu mtu saking
guha hyang agni hana rahina wngi Apan tantu hyang brahma kapandé wesi
kacaritanya.
Turun
ta bhagawan wiswakarma Hundahagi magawé yumah Maniru-niru tang manusa magawé
yumah Pada taya momah-omah Yata hana désa ring mdang kamulan ngaranya mangké, Mulaning manusa
pahomah homah nguni kacarintanya.
Tumurun bhataréswara marah-marah manusa ring shabda rahayu Nguniwéh ring dasa sila panca siksa Sira ta guru désa panenggah ring kana, Jeg tumurun bhatara wisnu kalih bhatari sri jeg ratu saking awing-awang Angaraning Tanana Wangaraning maruhur Hyang mangaraning bhatara, Matangnyan ta rahyang kadyawan ngaran bhatara wisnu Sangkanyawan ngaran bhatari sri Ri nagara ring mdang gana Apan mulan ilaning nagara kacaritanya nguni, Apan sira amarah-marah ring manusa Yata wruh mangantih manenun Makupina madodot mapatapih Masampur-sampur. Bhatara mahadéwa sira tumurun mapandé mas Bhagawan ciptagupta sira tumurun anglukis.
Kaucapa
ta sira hyang kandyawan manakta sira limang siki Sang mangukuhan anak panuha, Sang
sandang garbha panggulu Sang katung malaras panengah Sang karung kalah kakang
ring mamungsu Sang wrtha kandayun pamungsu.
Rep
tka ta wahana bhatari sri Manuk patang siki kwehnya Lwirnya ; kitiran, puter,
wuru wuru spang, dara wulung Binuru dénikang panca putra, Katututan tumap ring
warwang
Diniwal ta dé sang wrtha kandayun Ruru tlih tikang manuk Ikang kitiran mési wija putih, Dara wulung mési wija hireng Ikang wuru-wuru spang mési wija mirah Ikang puter mési wija kuning
Mrebuk awangi gandhanika, Harsa tambek sang panca putra Ginutut nira tlas Yata matangnyan norana wija kuning Tamapé tkaning mangké, Apan henti ginugut sang panca putra.
Diniwal ta dé sang wrtha kandayun Ruru tlih tikang manuk Ikang kitiran mési wija putih, Dara wulung mési wija hireng Ikang wuru-wuru spang mési wija mirah Ikang puter mési wija kuning
Mrebuk awangi gandhanika, Harsa tambek sang panca putra Ginutut nira tlas Yata matangnyan norana wija kuning Tamapé tkaning mangké, Apan henti ginugut sang panca putra.
Sang
mangukuhan sira mangipuk Ikang wija putih hireng Yata dadi pari tamapi tkaning
mangké,
Kunang kang wija kuning kulitnya pinendem nira Matmahan kunir Yata gnepikang wija catur warna Tamapi tkaning mangké. Kunang ka ucapa ta sri bhatara mahakarana Magawé tantu mratesta ri yawadhipa Tuminggalakna tantu hyang.
Kunang kang wija kuning kulitnya pinendem nira Matmahan kunir Yata gnepikang wija catur warna Tamapi tkaning mangké. Kunang ka ucapa ta sri bhatara mahakarana Magawé tantu mratesta ri yawadhipa Tuminggalakna tantu hyang.