KIDUNG TANTRI
Om Awighnamastu,
1. Wuwusen bhupati ring Patali Nāgantun
subhaga wirya siniwi kajrihing sang para ratu salwaning Jambhuwarsādi
prasamātur kembang tawon.
Tuhu tan kenéng api pratapa sang prabhu késyanni ruktya sajñari
sawyakti yan Hari Wisnu nityāngdé hula ping hari Sri Dhara patra sang katong.
2. Wétning raja
wibhawa mas manni penuh makindhayutan ring bahu dhandha Sri Naréndra Singhapati
ujaring Mpu Bhagawanta ri dénira panca nana bratang kapancasyan atur Hyang
Dharma nuraghéng Bhuh,
Kading kretta yuga swa purnnéng nagantun kakwéhan sang yati sampun
samānjayéndriya wéda tatwa wit kantinen dé Sri naréndra nityarsāngrucit tutur
tan karaséng wiku apunggung wyara bhrantajna jugul.
PUH DEMUNG KAWITAN
1. Tuhwa tut bhiséka nrepati Sri
Héswaryyadala dala kusuma patrānglung Héswaryya raja Iaksmi sang kulāmenuhi
rajya kwéhing bala di wargga mukya sira kryana patih sang Niti Bandhéswaryya
patra rum,
Nityasāngulih-ulih, amrih sutrepting nagara, Ian sang
parādimantrya, tuhu widagdhānglus bhumi, susandhi tinut rasaning aji, Kutara
Manawa mwang sastra Sarodhretti, matangyan tan hanang bhaya kewuh.
2. Pirang warsa Sri Nrepati Swaryyadala
tustānghering sana kalang diwa rahayu Sri Narapati lagyāgugulingan ring taman
ring yasāngurddha angunggul yaya misréng tawang tinumpyata kinukir kamala
kinandha kandha langu inupacaréng santun,
Mangemihat kalangenika nagarāti sobha awiyar Indra bhawanānurun
kwéh tang pakwanatitip padha kabhinawa déning sarwwéndah linuhung liwar
sukanikang wong anamtami kapti arumpukan sari samāngrangsuk bhusanānéka marum.
3. Sakuwu-kuwu mangkin suka ramya
mahotsawa munyang tabe-tabehan sinaméning gendhing curing linawu wina
kinidungan swapitaning ratna wadhu lagyānawung rasmi sinangyoga déning yayah
indung,
Hentyarsa Sri Bhupati mulat wilasanikang wwang sajalwistryārsa
andulur kadangnyānawung ragi ramya sopacara langu tut margga amija-mijah wruh
Sri Maha Bhupati nora sukāmadhani sinawung.
4. Tan koningéng ratri hénjing Sri Naréndra
wusira asnana mentas asalin kampuh ptak halus botlor asri tekaning sabuk waja
bresih panwahwāsusur lumekasamuja munggwing mahāridanti ryagraning wukir-ukiran
kinusa ring wwékuntāngdékung,
wruh siréng tatwa samadhi ndéha suddha sanustana sanghyang
sopakaranya huwus nangara smretti tumuli mijil Sri Naréndra sampunangrangsuk
kaprabhun adhikarābhra sumunu urnna bhugasri tuhu sang Sri Haridhara
penuh tang mas manikéng bapuh.
5. Pepek sang parādi mantri sampunasaniga
mukya sira Kryan Bandéswaryya ring wijil ping trini sesek tekéng alun-alun
déning kwéhing tandha rakryan lawan jurwadipati panca tandha samātaténg
lungguh.
Tuhwatur sikarini sari angascaryéng mulat bhusananing wong ring
pangastryan rep ndatan wanyangling ri wijilira Sri Narapati sopacaranéngayun
pataranarddhani kali-kalihan mas hanéng pungkur.
6. Bek déning nawa ratnādi nrepati wus
munggwing manimaya singhasana mas tatur asanding Ian sang para rsi ring
kamalasana kasongan asoka mayung lagyāsehen sekar ruru kinuséngali ndan
Sri Nrapati smu smita rum singgih bapa dhang guru.
Huningan uwaca mami ngapéki sojar ring janapadha mupawada
sanghulun bhupalakāngraksa bhumi sang para mpu dhanghyang prasama gorawa matur
singgih pukulun antyanta hrestining bhuwana tan hanang wyadi bhaya kéwuh
sapandiri sang prabhu.
7. Sama suka amuji-muji pratapaniréng rat
nglumrāken dana punya yajña pan tan hanénguni parāji sumamahéng nrepati sang
parādimantrya harsa samāwot sari anuhwākenajña sang mabhiksu.
Endi syana parāji sapasuking jambhuwarsa sumamahéng wiryya Sri
Naréndra suka sadéng bhumi Sri Héçwaryyadalāsmu smita marmmara alonamuwus lahya
saswananiréki taha tan mangkanéngsun.
8. Ih duran ngong yan gascating para natha
tuwi pretakjana tan bhédang subhukti matsya gangan pani mastawa mwang tang
dreksa kiñca tekaning wastra Ian kampuh sama tunggal sowang dyastunyan ring
smara karyya sasukaning indriya ndatan lén yan pangidep ingsun.
Hana rakwa lewihkwa ring parajana déngkwājña siddhi matangyan
mangké winangun suka tan saméng wong cihnaning subala wirya nghing mangké
kaharepingsun awiwaha karyya pratidināmét ratna wadhu punang listwayu anom
anung hanākna resun.
9. Pan tan hanāngwiyati sukaning
twasapulang lulut ring ratna kanyaka sira kryan patyāwot sari dhuh
singgih sawarsa nrepati aywa sinangsaya alpa wastu priyanti nrepati hanakna
sanghulun.
Dhuh ksamākna singgih bra witning mudhāptyāmumungu pwa ya lingning
pinandhita yan sirang bhupati jeneking ragāmong lulut nitya anamtami tamah
luhya kaprem tandeling ryulahing bala suguna hayu.
10. Lawan tang murkka duskreti awas ruganikang nagari tan udhaning
yasa hayu tan wrutengari karwating catur nayopaya wyakti apuhara hewuh majangan
sira ratu ndatan wismreti rumakséng praja mating ndhala sanuh sahityānglocita
jrum.
Sabala kosa wahana dé pun sanggepan pangalahiréng satru tan
kapangpang wiryyanira ring palugon donira tan sakténginak anamtami twas kalulut
pangrenga patik bhra dangu sang Sri Manuwangsa kula nrepati lumrahéng bhuh
yasanira winuwus.
11. Tunggal juga stri aji kéwala sang Sri Nrepa wadhu landhung punang
warsa rikalanira siniwi nrepati asong smitānglingaris wus kataha déningsun
sojarira iki priyahitātisyéng kasadhun.
Puniku nitya kang kinapti jagat pramudhita wus haywa manastapa
kita ri bhilasangkwiki donkwāpti lana awiwaha wonten ring itihasa kastutyan
Hyang Pramésti sakrandhana ryantaning padmārum.
12. Lan Hyang Wasudéwārddhanariswari mwang sānaning watek Hyang
sadéwāstadéwi pratisténg dalaning kamala wikaséng tanu pinuja
rikalaningapum asari rupiting susu kinuséng sayana aghanta rengihning dyah wahu
pinurwwéng jro jinem rum.
Sah nikang sinjang mrik wangining gopita ngutkata lépana stutyan
ri lambang kidung nangara smreti leyepning jñana nirwastu punika tuhagana
ginung déning widyājña katong amindhéng sang yati tan luhya ring Siwarccana
pinuh sari-sarining tutur.
13. Apan tan rwa linewih dénira sang yajamana yan ring rajya mandhala
tan lén sang maha bhupati kantinen yan ring wanacala sang yogiswara winuwus
guhya sastra Ongkara kanti diwyapakaning tuduh,
kadyangganing utpti stiti daryyaténg pralina katrinya tan wenang
wiyoga nasta sang bhupati yan tan sang yatiswara kinantini rwang kapandhitan
tan wring kuttara simpening gati arddha paksa apunggung
14. Nistanyan songgwan ulahing bhupalaka Ian sang yatiwara sama
singhiténg tutur tatwa Hyang Widhi puji ta Siwarccana ginung nghing
pangastutyanika dudu woyanéng jro jinemarum asarinari pamursita ring paryyangan
kusuma nirmala sucyārum.
nirwang japāstuti mawan kembang lewas mangka tang ratna wadhu tan
karasa ping kalih rowanganing angguling prawésānguwusuwus mangkin dé pun upastitājñaninghulun
sira kryan patih awot sekar wusawan lebar sangahulun ndatan
warnnaneningsun.
Bersambung ...........
