KAKAWIN AJI PALAYON ( lanturan )
WIRAMA SRONCA (
wilangan kécap miwah guru lagu tan manggéh )
21.
Wanten wang acarma mayā nipis, Sira
kinawésa dé sang ātma,
Ati lupa wang ika mangké, Asta
sukunya prakampita.
Wénten janma berag aking, Ipun sané
kaserepin antuk ida sang atma,
Dados engsap janmané punika mangkin,
Lima batis nyane ngejer
22.
Sang alupa lingnya arjawa, Ri sang tamui kulagotranya,
Um um sang anumāna ri awakku,
Talingana ling ku sang daridra
Janmané engsap punika raris mabawos,
Ring para tamyuné maka sami,
Inggih jro sané rumasa lédang ring titiang, Pirengang bawos titiangé i nista.
23.
Akwéki ātma nissarana, Aguneman
lawan kita kabéh,
Ksamākna ujarku mangké, Nging yan
salah aja salah āsā.
Titiang puniki atma tuna kanti, Mabebawosan
ngiring jroné sareng sami,
Ampurayang bawos titiangé mangkin, Yéning
wénten sané iwang sampunang salit arsa.
24.
Ardhama téwuh aku iki, Angepéta
paubungan,
Rapwan aku kawasa mojar, Lawan kita
sāhayangku.
Kalintang méweh titiang puniki, Ngarereh
sarana kanti,
Mangdané titiang prasida mababawosan,
Ngiring jroné kantin titiang maka sami.
25.
Apan rikulilinging nara, hana mākara
adhi kāra,
Ika anulak awakku, Yan aku pareking
kita.
Duaning kaiderin antuk manusané, Wénten
sané maraga kalintang pradnyan,
Punika sané nulak déwék titiangé, Yéning
titiang nampekin idéwa.
26.
Tatkālaning kita nidra, Mwang yan
ana wang mandama kara,
Ika paubungan uttama, Rapwān kita
katemwa lawan aku
Rikanjekan idéwa sirep, Miwah yén
ada anak miyik ngalub,
Punika sarana Utama, Mangdané
prasida titiang matemu ring idéwa
27.
Nging aywa pati - pati prayuktān,
Sakwéhing supna mwang linging wédya,
Yogya-yogyanya kéwala patih, Kunang
yan salah aywa nimpenam.
Sakéwala sampunang pati mangugu, Sakatahing
ipian miwah daging tutur,
Patut-patut nyané kéwanten sané sandang tinutin, Pradé
wénten iwang sampunang selselanga ring kayun.
28.
Kunang wédya angken mandhapa,
Asangkya wang anéngkana,
Hana daksha wara dambha, Anottama
wanten nicca.
Tuturé punika waluya kadi wantilan,
Maéndahan janmané sané wénten irika, Wénten sané pradnyan, wénten sane tambet, Wénten sané maraga Utama, wénten sané nista.
29. Takarin amangguh pāpa, Anūti ujar
wang dambha,
Nimittanya inget- inget, Aywa pati tumūt-tumūti,
Salaminé manggih papa, Yéning
nuutin anak belog,
Punika mawinan éling-élingin, Sampunang
pati gagéson manuutang
30.
Sahayangku kita prasama, Tar
malupāku ri anuraganta,
Moga kita olih āsanem, Dhanem
bakshanem kalianem.
Inggih kantin titiangé maka sami, Nénten
lali titiang ring tresnan idéwané,
Dumadak ja jroné manggih genah, Mapikolih
arta brana, amreta, miwah sané tiosan.
31.
Tan kawasāku ngawantunaken, Asihta
ri puspa kāminī,
Anging buddhi susatya juga,
Panwalku rī sukīrtinta.
Nénten ja prasida titiang ngawalesang, Kapitresnan idéwané ring sang
kasiasih,
Kéwala manah susatya, Maka panauran
titiang ring kapiolasan idéwané.
32.
Rapwan sang hyang paramā kawi,
Anugraha kadhirgayusan,
Ri saranangku makabéhan, Apān kita
sūlaksana
Dumadak ja Ida Sang Hyang Widhi Wasa,
Mapica urip panjang,
Ring kantin titiangé maka sami, Duaning
jroné pada lwihing pamargi
33.
Mangké aku aninggali kita, Karana
uwus kreta samaya,
Aku wiyoga lawan kita, Moga ri hlem
katemua mwah
Mangkin titiang jagi ninggalin idéwa,
Duaning sampun tutug urip titiangé,
Titiang mapasah sareng jroné, Dumadak
ja pungkuran katemu malih.
34.
Sakwéhing hana wasāna sanghara,
Sahananing panās atemahan atis,
Kabéhing maurip mawastu antu, Ikā
kabéh tatar kena pinasahan.
Sakancan wéntene pacang manggihin sirna,
Sakatahing panesé katutug baan dayuh, Sakatahing maurip pacang manggihin
lampus, Punika sami nénten dados
palasang.
35.
Yan ana ulahku salah nguni,
Ksamākna ika prasama,
Tingkahing wang akadangatah, Angken
genuk lawan gayung.
Yéning wénten iwang parilaksanan tiangé dumun, Ampurayang punika sareng sami,
Solah anak mabraya ajak liu, Waluya
kadi gebeh tekén i cédok.
36.
Um um sang pandhya mottama, Mānira
mamwit ri kita mangké,
Tar malupā mānira ri karunanta,
Moga Hyang Isa asih ri kita.
Inggih ratu pandita Utama, Titiang
nunas mapamit ring i ratu mangkin,
Nénten lali titiang ring kapitresnan iratu, Dumugi Ida Bhatara Isana swéca ring i ratu.
37.
Kālan manira inutpati dénta, Samretin
manira ardha malilang,
Saturung winédan dé jeng pandhita,
Cittan manira ardha mapeteng.
Rikanjekan titiang kadwijati antuk i ratu,
Manah titiangé kaliwat galang,
Sadurung kawédanin antuk i ratu, Manah
titiangé kaliwat peteng.
38.
Samana mānira rinesikan, Mwang
tinitisan tirta nirmala,
Sarīran manira dadi angan, Ewa jala
atemahan kukus.
Ri sampun titiang puput kabresihin,
Miwah kasiratin antuk tirta suci,
Awak titiangé marasa ingan, Waluya yéh manados andus.
39.
Adyatah mamwit manira ri kita, Moga
jeng wiku mamangguh swasti,
Mwah sānak putun mahāmuni, Apan
kita sūdharma ring rāt.
Sané mangkin titiang jagi mapamit ring i ratu, Dumugi i ratu manggih karahajengan,
Miwah okan putun i ratu maka sami, Duaning
i ratu kalintang dharma ring jagaté.
40.
Santabya pangupakara kabéh, Aku
narima sārining tarpana,
Paresikan wé kumkuman, Rapwan ati
nirmala sarīrānku.
Ampurayang sakatahing upakara punika,
Titiang narima sarin tarpanané,
Paresikan miwah toya kumkumané, Mangda
suci nirmala awak titiangé.
41.
Aluaran wangalupa mangké, Ulatnya
kadi tan ring rāt,
Wéshanya lwir kérangérangan, Inideran
wang hanéng kana
Lebar raris anaké sané engsap punika,
Paliatné sakadi ten ring jagaté,
Goban nyane sakadi lek pisan, Kaiderin
antuk manusané sané wénten irika.
42.
Sang grehastha mawarah warah, Ih
sānak putun sang atinggal,
Anganjali kita agya, Sang warātma méh
lumampah.
Ida sulinggih mapica bawos, Nah pianak miwah cucun sang sang lacur,
Gancangin mangaturang sembah, Sang
atma tambis mamargi.
43.
Ri iringing laywan mangké, Akwéh
wang hanéng kana,
Anembah ri sang atinggal, Lingnya
manis arūm arjawa.
Di sisin layoné mangkin, Akéh anaké irika,
Mangaturang sembah ring sang lacur,
Munyin nyané alus banban.
44.
Um um sémbahku ri sang atinggal,
Sang kadi urub aninggaling sumbu,
Kaya wyaga angawa ngawang, Anyar
mésat saking kurunganya.
Inggih sémbah pangubaktin titiang ring sang lacur, Sané waluya kadi api ninggalin sigin nyané,
Sané sakadi kedis mabur mangayang-ayang,
Wawu lepas saking guwungan nyané.
45.
Idhepku cūrna himper gedah rempū,
Cittangku buyar tatar kena pinupulan,
Singgih sang apundhingan ri awiyat,
Rengen sambat inghulun ageng kalaran.
Manah titiangé nyag sakadi gedahé pantigang, Manah titiangé sambeh tan sida kapupulang,
Inggih ratu sang mabur ring langité,
Pirengang atur titiangé dahat kalaran
46.
Aduhuna pwā kita tan kapangguh,
Hanā gata rapwan kapangguha,
Ring awatāranta kabantun nagantun,
Amukti haken sārining nagantun.
Nénten ja prasida malih i ratu kapanggih,
Dumugi pungkuran matemu malih,
Ring panumadian i ratu malih ring jagaté,
Ngecapin sarin jagaté.
47.
Ah ah uduh sang wara jiwātman, Aku
iki kadi angganing peken,
Kailangan wāndhira reneb, Nirantara
kapanasan.
Inggih uduh ratu sang atma, Titiang
puniki sekadi pekené,
Sané kailangan i punyan bingin rob,
Nénten surud-surud pacang kapanesan.
48.
Catrangku kita tatar kalén,
Unggwanku mangungsir atis,
Ndi kunang wésmanta mangké,
Tinghalana sānak putunta durmétri.
Payung titiangé wantah i ratu kéwanten,
Genah titiangé mangalih dayuh,
Dija mangkin genah i ratu, Cingakin
sanak cucun i ratu kalaran sami.
49.
Sembahing wang manembah, Dudug maréng
byomantra,
Lwir wīnā mredhu komala, Angawé
tustha ring sang ātma.
Sembah pangubaktin anaké manyumbah,
Malujug ring langité,
Sakadi munyin rebab nyaring ngulangunin,
Ngardi kalédangan kayun sang atma.
50.
Garjita sang warātma, Ngarengeku
ning pūjā,
Kaworan soka mānasa, Alah asihnya
ri sang kari.
Kalintang arsa ida sang atma, Mirengang
uncaran pangastungkarané,
Kaaduk baan rasa sungsut, Kaliwat
pitresnan nyané ri sang kantun.
Bersambung ...........
